السلام عليكم ورحمة الله وبركاته
بعد ماشفنا اختراع الباروكه العجيبه في السابق مع الشباب ومميزات الباروكه وشنو ممكن تسوي على هالرابط التالي
أضغط هنا لمشاهدة مميزات وفوائد الباروكه العجيبه
اكتشفوا البنات فائده من قواطي الروب الزبادي … بدال ماتشتري شباصه عوده وتعابل فيها براسها مره تتنتف الشباصه ومره تتقطع ومره مادري شيصير فيها لقوا مشروع ثاني وهو
علبة قوطي الزبادي او بمعنى آخر الروب
ففي مره من المرات كانوا صديقات ثنتين يتمشون بالجمعيه ووحده منهم كانت مو طبيعيه حاسه بشي مو طبيعي فيها .. فقالت لها صديقتها شفيج يافلانه عسى ماشر ؟؟
فقالت الموطبيعيه حق رفيجتها الثانيه الطبيعيه والله يافلانه مادري أحس فيني حارج ودي اشتريلي قوطي روب يبرد على الحارج اللي فيني
فلقت الموطبيعيه الغرض المطلوب واشترته
وبدات بأكل الروب … وخف عليها الحارج … خو هذي فايده ثانيه من اكل الروب بعد واهو يخفف من الحارج في الانسان
ومن بعد ماخلصت شتسوي فيه شتسوي ممممممممممم شتسوي ؟؟
فلقت الفكره الممتازه لهذا المنتج
وتقوم الأخت وتغسل القوطي وتنظفه عدل
ونشفت القوطي
مممممممممممم شقاعده تسوين يابنيه ؟؟
هدّي هدّي يابنت شبتسوين ؟؟
وانا اقول ليش البنات روسهم متفخه !!!
يابنات الحلال والله العظيم ماله داعي تفخة هالراس شدعوه مو باقي الا طيور تطب على روسكم ليش هالتهوّل بالسالفه شحلات الحجاب العادي ليش جذي طامر فوق … انا اقول خلوكم على شباصات قبل وايد احسن من هالقواطي اللي تنحط بالراس لأنه ماشاءالله في بنات بزياده بزياده يبيله مسطره وتقيس المسافه من بداية الرأس الى طرف التفخه اتوقع في بنات توصل المسافه من 30 الى 50 سم عادي يعني بس يبيلها ستاندات تحت التفخه من ورا عشان تسندها لاتطيح
شحلات شباصات قبل بس غجّيـه بالراس وخالصين وحجاب عادي لايتفخ الراس ولاهم يحزنون
لا والمصيبه بعد لما تتفخ راسها وتركب السياره شلون بتسوق والكشن وراها ؟؟؟ تلاقون راسها بعيد عن الكشن ماتقدر اتسّند راسها عالكشن من القوطي اللي بالراس
اشهالعذاب عاد … ريحي عمرج حطي راسج عالكشن خو محد مضايقج الا القوطي اللي براسج .. انزين بتتفخين شويه لاتتفخين وايد خليه معقول نوعا ما مو جذي جنه طايحه عليج طابوقه مسويتلج صعروره مزمنه
والسلام ختام
العوده للصفحه الرئيسيه