السلام عليكم ورحمة الله وبركاته

السلام عليكم ورحمة الله وبركاته
طق براسنا في أحد الأيام الخوالي يامحفوظين السلامه ان شاءالله أنا وأحد الأشخاص الأعزاء أن نقوم برحله صغيرونه الى حديقة الحيوان في الكويت ^_^
عاد حديقتنا ماشاءالله حدث ولاحرج كل دول الدنيا العالميه اتسولف عنها 
لمراد ماطولها عليكم … شرايكم اندرعم في الحديقه من غير لاإحم ولادستور ؟؟
يالله توكلوا على الله
هذا مادري شنو اهو من فصيلة الغنم مادري البقر مادري الغزلان … المهم حيوان عزكم الله
ياعيني عليك ياحلو شدعوه يبا عطنا ويه … ليش صاد مناك عاد ؟؟
هههههههههه البطه السوده 
يقولكم المثل … عند البطون تعمى العيون … وهالغزلان مطبقين المثل بحذافيره 
ياعلكم شقول طالعوا شوي خنصوركم صوره 
شفيكم متزاعلين مع بعض ؟؟ الحين هذيل عيونهم وين ؟؟
ولك هذا لو يدش قرنه ببطن واحد كلش مايطلع الصوب الثاني 
في شي يالحبيب ؟؟
الحين ماعرفنا هذا من أي فصيله ؟؟
ماشاءالله من كثر الحيوانات اللي بالحديقه عزكم الله … ماتشوف جدامك الا غزلان 
زييييييييييين لقينا شي غير الغزلان .. طيور يتهاوشوون …
حدك مضيع انت … طبعا هالشاب اللطيف طول مااهو بالحديقه على نفس القعده ماتحرك ولاشي
عطونا الله يعطيكم … طراره حتى بالحديقه ؟؟
هالزرافتين .. ماشاءالله مايتعبون رايحين ورادين ووناسه وسوالف … طول الرحله رحنا وردينا واهمه يدورون بقفصهم 
ماشاءالله حده هادي … طالب مجتهد
ههههههههههههه .. مال تدش بحلجها وتشوف شكو ماكو
والله جنه خشمها عود ها ؟؟
لالالالالالا لاتناظرني بعين لاتناظرني بعين لالالالالالالا بس قللي كلمتين
هىهىهىهىهىهى اشفيه شعره منتف ؟؟ لا وقاص سبايكي الحبيب 
جنه قاعد يقول هاااااا شعندك ؟؟ 
انزين طالع مناك بلا سوالف
أذونه مجتـّح وقرونه مكسّر 
هذا اذاني الصراحه … مره يروح جدام ومره يرجع ورى وعلى هيك طول ماآنا قاعد اصوره الله يغربل بليسه
غلطااااااان على هالنبته اللي بحلجك … جنه داق الزقاره بو الشباب 
ياعيني عليك يابو خدود حمر …
واااااااااااي اتينن ياعلك الماحي
عاد الحين تعالوا حق احلى شي شفته بالحديقه هىهىهىهىهى
VVV
VV
V
كاهو كاهو 
يذكرني بالرسوم المتحركه اللي قبل هههههههههههههه
مادري شنو موقعه بالحديقه الصراحه … وان شاءالله تكونون استمتعتوا بالرحله معانا وانتظرونا في الرحلات القادمه بأذن الله تعالى
تصوير وتعليق دندرن HaMaD

العوده للصفحه الرئيسيه