مربتين ياجماعة الخير ... كيفكون امنيحين ؟؟
المهم اليوم عندنا رياضه مهمه اتصير في جميع انحاء الدنيا العالميه ... وهذي الرياضه اهيه رياضة الجري على القار ^_^
تلاقي في بداية السباق ماشاءالله غالبيتهم من الجنس الناعم والأطفال .. اهني تقول ياسلام اشوه مهتمين في رشاقتهم وفي لياقتهم ... وتنصدم واتدور الشباب ماتلاقي الا جم واحد مع العلم المفروض اهمه الشباب يكونون اكثر لكن مو مشكله .. خلونا نبتدي السباق ونشوف شيصير ومايصير
في بداية السباق اتلاقي ماشاءالله الكل يركض اللياقه توب ... ويعطون من عمرهم اتقول امركبين مكاين فيراري تبارك الرحمن
وتلاقي
بعد الاطفال ماشاءالله هم شادين حيلهم .. وركضه ورى هالعالم واهمه مو عارفين
شالطبخه
واتلاقي على أول شي من السباق يعني ماكو خمس دقايق وينقلب الحال
من ركض وجري إلى مشي ... وليييييييه عاد اتلاقي المسافه 6 كيلو والا 8 كيلو متى بيخلصون هذيل ؟؟
ويطقونها
مشيه واتصير سوالف وطنازه على بعض
وبجذي وانت ماشي اتطالع والا تلاقي ناس مالهم شغل بالسباق كلش
هذيل السيسترات الممرضات لابسين الماريولات ملوتهم ويايين السباق وطاقينها مع المتسابقات واهمه ولا لهم شغل بالسباق كلش ... خو يقولك يالله مع الخيل ياالشقرا ^_^
عاد
شوفوا الوان الدراريع عجيبه ... مو تكسر العين الا اتبط العين من فقاعتها اللهم
ياكافي .. بس اشوه مريول التمريض اشوي امساعد على عدم كسر العين
...
للعلم ترى تمويه لابسين المريول يعني ترى احنا من ضمن المتسابقات هههههههه والا
ماعليهم لاارقام ولابطيخ ^_^
عاد وانت
تمشي وتمشي وتشوف في بعض النقاط اللي واقفين فيهم اوادم
هذيل اعضاء لجنة التحكيم ... غلطان على هالوقفه يالحبيب ... اي واحد يمر صوبك طقه افا عليك ولايهمك
ياعمي
انت تخرع المتسابقين جذي على هالوقفه
عاد وامش امش شوف لي وين بيودونك هالاوادم ماتدري ... نشوف اخرتها وياهم اذا من اول عشر دقايق طقوها مشيه شلون بيكملون الباجي ؟؟
وتستمر السوالف بين المتسابقين ... والنواطير في اماكنهم مايتحركون ^_^
لا وعاد
لجنة التحكيم كل مامروا صوب وحده قصوا عليهم ههههههه يقولوهم يالله شدوا حيلكم ترى
اللي جدامكم كلهم منسحبين مخالفين القوانين
عشان
يعني يحفزون المتسابقين اللي في الخط الخلفي
واهمه
يقصون على الاوادم
واتصير
زحمه من قبل السيارات ... خو ماينلامون بعد السيارات اهمه قاعدين يمشون على القار
ويحصلون
تشجيع من قبل بعض السيارات
ولكن
عمك اصمخ ماكو فايده يستمرون بالمشي مع العلم انه السباق للجري الخفيف مو للمشي
والهذره والقرقه ^_^
عاد ومن
التعب واليوع لا يمرون صوب ماكدونالدز هىهىهىهىهىهى طوف ماكدونالدز اتلاقي اللي
مستمرين بس عشرين شخص لوووووول... والباجي كلهم بالمطعم طايحين له بلعه واندف
لاتندف من هالمطعم ههههههههههههههههههه
الحين
لما يوصلون حق دخلة المطعم كلهم يعطونك لليميييييييين درررررر
وانكمل سباقنا وانكمل وانكمل وانطوف ماكدونالدز
ونوصل لي نقطة النهايه واخرتها شنو ؟؟؟؟
شكلهم لم
ينجح أحد
هههههههههه هذي كانت مسابقة الجري على القار .. انشوفكم ان شاءالله في سباقات ورياضات أخرى ^_^