السلام عليكم ورحمة الله وبركاته

 شلونكم عساكم طيبين ... شاخباركم ...

تعمدت اني اطول عليكم وما اكمل رحلات تايلند وتحديدا من بوكيت لين يدش الصيف حق السفر واللويه

فلايوم ان شاءالله راح اكمل معاكم رحلات بوكيت تباعا لين ما نخلص من بوكيت وبعدين اخليكم شوي عشان نروح لبانكوك في طريق عودتنا للديره

شفنا في الاجزاء السابقه رحلات شانغ ماي والموجوده على الرابط التالي

http://www.hamaden73.com/chiang_mai.htm

وبعدين خلصنا من شانغ ماي ورحنا بوكيت وشفنا رحلة الذهاب الى بوكيت والفندق وجزيرة بيبي ايلاند على الرابط التالي

http://www.hamaden73.com/thai_6.htm

وبعدين شفنا جزيرة جيمس بوند على الرابط التالي

http://www.hamaden73.com/thai_7.htm

اليوم واستكمالا للرحلات في بوكيت قررنا نروح لحديقة الفراش عصرا ومساءا نذهب للفانتاسي وورلد

فتعالوا حياكم الله ونشوف شوية صور من حديقة الفراش

بداية الدخول للحديقه

الصراحه حديقه حلوه واستمتعت شخصيا فيها يالله نشوف شوية فراشات

مسكينه جناحها مقصوص

وهذي فراشه ثانيه

طايحيله علاف هالفراش ... مايشبعون من الاكل ... روووح اندف لاتندف

صادها ... وصادني اصوره

فراشه مطلعه بزبوزها وتاكل ... يالله بالعافيه

وهذي فراشه كظماويه

ذكرني بهوبلا الله يغربل بليسه ... تعرفونه عاد هوبلا والا ماتعرفونه ؟؟

بو بدر انا خابر الاوادم يحطون صقور على ايدهم مو فراش

توت توت أطر ازغنطوط ... توت توت في الليل بيفوت

توت توت ويهل علينا ... توت توت في ميعاد مزبوووط

الله على ذيج الايام راحت

شربكني أكثر ... ساعه على ماصادت الفوكس ههههههه اعنبوا دارها صغيره ماتنشاف

وبجذي خلصنا هالرحله الخفيفه اللطيفه في حديقة الفراش يالله يبيله توك توك ونروح للفانتاسي شووو

بين بين الفانتاسي يالله حياكم معانا ...

هنا بداية الدخول ...  ويقولون لك ولكم بالانجليزي

ماني عارف شنو سر هالسمك ... انا لما رحت دشيت الفانتاسي حطيت واصريت اني ماراح اصور هالسمك بتاتا البته لأنه ما شاءالله كل شخص يروح هناك يصور هالسمك ويحطه ولكن لما شفته في الواقع والحقيقه والخيال الصراحه ماقدرت اقاوم واصريت على ان اصور هذا السمك ... كانوا قاعدين يتهاوشون وداشين معركه لالها أول ولاتالي وطقني واطقك والشاطر اللي يطلع قوته على السمجه الثانيه واصابات وقتلى وجرحى ودقوا على الاسعاف وشالت المتهاوشين وبيـــــــــــــه كل هالهواش على خبزه صغيره قطها واحد من الشباب اللي معاي لهم

يايبا ماسوت عليكم نشتريلكم جيس وخبز ونقطه لكم ولا هالمعركه الطاحنه اللي صارت

وندش بين أوقة وحواري الفانتاسي

سلاحف محذفين يمنة ويسارا

كاسكو مايبين من الطوفه ماشفناه الا لما شبوا الليتات

مادري عن امها اهي متاهه اهي لعبه الله العالم ...

شلال ... مو صج ترى مو صج ها لحد يقول صج موووووصج ... هالكلمه يبيلها موضوع بروحه الموصج

بو بدر ... دائما وابدا في وجه المدفع حاط راسه داخل حلج الديناصور

أحد العروض التايلنديه الخارجيه في احدى ساحات الفانتاسي

سلامات يالطيب

شدعوه بتصيد غزال على هالوقفه

صناعات يدويه

لا عاد اخاف صج اخترعنا

وهنا مكان العرض المشوق واللي للأسف ممنوع تدخل معاك الكاميرا اتخليها في الامانات بره
لكن وبكل صراحه اللي يروح بوكيت لا يطوف عرض الفانتاسي لأنه شي خيالي الصراحه

واشوفكم في الحلقه القادمه في حلقه مميزه وان شاءالله تحوز على رضاكم يالطيبين والطيبات