شفنا في الجزء اللي طاف بداية الرحله الى تايلند والذهاب الى شانغ ماي ورحلة الفيله
اليوم نكمل معاكم احدى الرحلات من شانغ ماي وتحديدا الى حديقة الثعابين والقرود (بين قوسين الحيايا والشواذي) يعني ماكو الا الخير ان شاءالله
تعالوا انبلش في حديقة الحيايا وبعدين نروح للشواذي … عاد الله ماكثر عندهم الشواذي والفيله هالديره
هني بداية التحيه للجمهور … عاد اوله والجمهور كلنا 15 واحد …
بداية العرض مع هالشاب اللطيف … اللي طايحله مخوزز مع الحيايا
يعني ترى مو هامني ها … الا ينزل خشمها بالأرض … شنو خاينتك من قبل عشان تنزل خشمها بالقاع ؟؟
خنشوف ينزله عاد والا لأ
والله وجان ينزله
عاد بعدها قاموا يفترون بالحيايا على الجمهور الكثيف
خنشوف هالعينه من الجمهور واللي راح تظهر حال ووجه كل اللي لفوا الحيه على رقبتهم … ^_^
اوله يالويه صار حمر من الخرعه
يالطيب ترى ماتعض بس تدلدغ
ونشوف الحين شلون يستأصل ويطلع السم الزعاف من فك الأفعى هههههه
زين يامعود شقها اكثر ابيك تضغط عليها اكثر يامعود طلعت مصارينها من حلجها شوي شوي عليها يالحبيب
زين لنفرض واحد من بعد هالسالفه ياب القلاص وخلط معاه جاي حليب بالغلط شنو يصير فيه تهقون ؟؟
شنو طبيب اسنان يالطيب ؟؟ ركب لها تقويم بالمره … خو هابين الاوادم هالأيام الكل قام يحط تقويم … وخصوصا البنات ماشاءالله عليهم … تطالع باسنانها تدور ضرس عوي .. والا ناب نمر نابر بالغلط ماتلاقي بحلجها … اي ليش هالعباله واللويه والتقويم وضروسج مافيهم شي ؟؟ زين قولوا ناب نمر نابر عشر مرات اتحداكم
ترى من تاليفي هالجمله لحد يبوق حقوق الطبع محفوظه
المهم خلونا نكمل ..
بسم الله الرحمن الرحيم … هذي من وين طلعت على الاوادم اخذوها الله ياخذكم صرقعت الاوادم
الدلهّ اللي ماتقندّ من الهيل … مثل العجوز اللي خبيث نسمها
ها بشر عسى نسم هالحيّه مو خبيث ؟؟
بو الشباب عسى ماشر شقاعد تسوي ؟؟ افلام خليعه مع الأفعى أمام الجمهور والأطفال مانبي ؟؟
بيــــه هذي آخرتها ؟؟ زين بالله ازرقت ودشت ببلعومك وراحت ودشت في مريئك والعبت في مصرانك الأعور والمعده والبنكرياس كلهم مع بعض وردت اطلعت من اذونك شبتكون ردة فعلك وقتها ؟؟
تعالوا الحين نلقي نظره طفيفه على الحديقه وناخذ جم جانب من هذه الحديقة الغنـاّء … غنّاء طل
يازين الأصفر يعبر
أخضر مو شي … ^_^
هذي اغوانا تايلنديه … يحليله ذكرني باغوانا شخص عزيز ياحبه حق هالسوالف بس يربي فيهم لووووووووووول
لا وينومهم معاه بالغرفه بعد ههههههههههههه
طاووس داش بالغلط بحديقة الحيايا
ياعيني عالنظره … يه يه اشهالزين بالضبط جنها نظرة الخال قحطة في درب الزلق لما عصب على عيال اخته حسينوه وسعد ^_^
يالله خل نروح الحين حق عرض الشواذي في مكان آخر من شانغ ماي
يرحب بالحضور على الطريقة التايلندية … سبايدي كااااب
احلف بس هذا اسمك ؟؟
وفصل هالقرد على هالياهل كل شوي ورايحله مره يربطه مره يلعب معاه كره مره قواري .. اقزرت عليه المسكين
تعالوا الحين نشوف بعض عروض هذا القرد الشاذي ونشوفه شيسوي مايسوي
فتلاقونه مره يبوق جوز هند … والله يعلم بعد مو معلمينه يبوق اشياء أخرى
بل عليه متعلق بريل وأيد وحده والباجي يبوق فيهم
ويسوي ضغط بعد
ويسوي تمرين معده لياقه ماشاءالله عليه
ويدق حديد بعد يبي يطلع عضلاته عاد تخيلوا هالشاذي بعد ماتطلع عضلاته ملبسينه فنيله ضيجه
ويركب قاري ويقز فيه
مادري ليش هالشاذي ذكرني في اوبريت بساط الفقر المشهد الهندي لما غنوااا
تومكاري سديكو تو مياري سديكي … انتي ياسبيجووو بالحب شريكي انتي اللي ظلمتيني عفستيني عفيسي
عدل يالبورتريه ^_^
وليش شانقينه جذي ؟؟؟ لوووووووووووووول
شكله محصور ^_^
وبجذي انتهت رحلتنا في حديقة الثعابين والقرود اشوفكم ان شاءالله في الرحله القادمه … خلوكم ويانا
تصوير وتعليق .. دندرن Hamad