السلام عليكم ورحمة الله وبركاته

مساكم الله بالخير وصبحكم الله بالخير كل واحد بوقته … وكل عام وانتم بخير ان شاءالله وعيدكم مبارك بعد شنو بقا ؟؟ جنه خلاص

ندش بالموضوع على طول … سلمكم الله في شهر نوفمبر 2007 سافرنا انا واثنان من الاصدقاء اللطفاء اللي والنعم فيهم  … خو يقولك المثل رفيجك مايبين الا بالسفر وهالأثنين طلعوا كذلك … المهم مابي اسويلهم دعايه خو مساكين لاعندهم لامحلات ولاشركات ولاهم يحزنون … المراد مانطولها عليكم سافرنا الى تايلند … وقررنا الذهاب الى عدة مناطق من تايلند راح نشوفها بالتسلسل ان شاءالله حبه حبه لين ماتلوع جبودكم من الرحله … في البدايه بتكلم عن معاناة الرحله الله يغربل بليسها … خو تدرون الدرب 7 ساعات وتخيلوا رايحين ترانزيت بعد يالهوي ماراح نوصل الا طالع فقع بروسنا … المهم وصلنا مطار بانكوك بخير وسلامه الحمدالله ونبلش معاكم الجزء الأول من سفرة تايلند .. سيكشن ون تريم تريم

بين مطار بانكوك بيّن يالربع طان طان طان … عاد المشكله اول ماتشوفون مطار بانكوك لازم يطق فيكم فره الحبيب الطيار  ماينزلكم على طول لأ لازم يلوعون جبودكم شوي عشان تطب الطياره خو نزلنا وفكنا ياخوي بس كافي عاد لاعت جبودنا … ومع طقة هالفره خلونا نشوف شوي لقطات من الجو لبانكوك وضواحيها

شكلهم جذي ^_^

شدعوه ماكو غير هالقرميد الأحمر يعني ؟ 

وفي ظل رؤيتنا لبعض هذه المناظر اللطيفه الجميله انمر فوق هالبيت ونتذكر الليالي الملاح والذكريات الجميله التي سطرها جدي الأكبر عندما كان في رحلة غوص الى ربوع تايلند فاشترى هذا البيت وبعدين ثمنوه الحكومه التايلنديه حق الوالد بـ 5 مليون بات  بززززززززززززز

أوووه يامال .. دمعي تحدّر … هىىىىى … هذا بيت الوالد اللي ثمنوه – هم بعد بزززززززززززز

لا اشوه الديره فيها خير الحمدالله فيها مساجد

الشوارع فاضيه عكس داخل المدينه ماتقدر تبطل باب سيارتك الا حاك باللي يمك اعوذ بالله من زحمتهم

وتقترب الطائره ارويد ارويد من ارض المطار لتحط بارجلها المطاطيه على ارض المطار المدهّن فهنيئا لكم التزحلق بالمطار .. طولاليط طولاليط

وخلصنا شغلنا وختمنا جوازاتنا وقعدنا ننطر رحلتنا الثانيه على طول الى مدينة شانغ ماي … مدينة الجبال والبراد والمرتفعات والشلالات والأنهار عاد وانتوا قاعدين تنطرون يمدحون التسدح في عندهم خوش كراسي على كتر حط راسك واخذلك غفوه شويه لين يوصل موعد طيارتك القادمه … هىهىهىهىهىهى

نصيحه اذا طقكم اليوع قزروها توست وجبن بالمطار او تونه في عندهم مطاعم يبيعون تونه لاتاكلون من اي شي ثاني ترى مو ذاك الزود لما تطلعون من المطار بتشوفون مالذ وطاب من الأكل العجيب الغريب 

وطرنا الى شانغ ماي مساءا واستغرقت الرحله قرابة الساعه الى حين وصولنا الى مطار شانغ ماي وكانوا في استقابلنا في المطار حيث حجزنا من مطار بانكوك جميع الرحلات في شانغ ماي وخلصنا شغلنا

ووصلنا شانغ ماي بالسلامه … وحطينا جناطنا بالفندق وغسلنا وبدلنا ملابسنا وريحنا شوي … عاد بالليل شتسوي ؟؟

يبيلك فره شوي على السوق المسقف مالهم ههههههههههههه

وينك يا توك توك يالله خلنا نروح يالله

يالله خلنا نروح يم سوق السقف تريم تريم

عاد ثلاثتنا في هالـ توك توك وواحد من الربع ما شاء الله شوي متعافي تبارك الرحمن وانا الضحيه اللي بالنص اي ليـــــش عاد

ووصلنا سوقهم … اخليكم شوي مع هاللقطات من سوق شانغ ماي الليلي

جنه سوق واجف اللي عندنا بالديره

هذيل مادري شسالفتهم مادري هل هو فن السامري عندهم جذي  والا رقصه شعبيه داثرة من سنة الطواعين والله مادري عنهم المهم انهم على حركة وحده وفي البطئ شوي شوي وبحركه متساويه مع بعض اهب مايغلطون؟؟ 

وهذا الركن مال هواة الرسم واللوحات الفنيه … الصراحه عليهم خوش رسومات … عيال اللذين كلهم يعرفون يرسمون  بل عليهم

ياخوفي تروحون الحين والا منهدم السوق على روسهم ههههههههههه

وهذا يبيع تي شيرتات متنوعه منها الفاصخ الحيا ومنها التقليد ومنها الخمبقجي ورخيص وكويس ترى ^_^

ونرتاح من عقب هاللويه ونروح ننام  بكير عشان بكره الصبح نصحى بكير من شان نروح لرحلتنا الأولى وهي عرض الفيلا ونركب فيلا ونحوس بالفيلا والله يعينا على الفيلا وبلاوي الفيلا

سيكشن تو ترن ترن

عرض الفيلا

يرحبون فينا على طريقتهم

احلف بس ياعيني عالحركات

هيلا هووب يالله ياباشاوات … كمان زئهّ ياجدعان

ايخسي بالدرازن يبلع

اي وخري ماله داعي تتليقفين وتوقفين يمه

ذكرني في برنامج الفنان الصغير .. عاد صج ترى اهو اللي راسم هاللتحفه الفنيه اللي على اللوح

تعالوا الحين نشوف بعض المهارات الكروية لهذا الفيل

ينطط الكره … ياسلام عليك

ويكعّب بعد  خوش كعب ماشاءالله تبارك الرحمن … صك على مارادونا

ونشوف الحين هذا التحدي بين الفيل والقولجي اللي راح تشوفون صورته القادمه

هده خله يتحدى .. ها فيك شدهّ ؟؟ 

ويشوووت الفيل ضربة الجزاء هههههه

ياعمي طيــــــر وصايرلي قولجي واخرتها دشت عليك جوووول … روح موت احسن لك

بس على فكره والله ياعطاه شوته الفيل ضربة لاتصد ولاترد لوووووووووول اتحس طالعه من قلب

وخلونا نلعب سله ياسويداني .. وآه آه آه ليلا ياسويداني

ونبدأ رحلتنا على ظهر مجموعه من الفيلا كل واحد يشوفله فيل ويركب ياجماعه يالله فوقه

ومشينا في طريق مقمرن … تبدوا الفرحة فيه قبلنا وضحكنا ضحك طفلين معا وعدونا فسبقنا ظلنا

هذا حال لسان صاحبنا اللي بتشوفونه الحين اهو مع الفيل 

هد الحديد يا الحبيب لاتخاف مايهبد فيك الفيل .. امدرب عدل

يابو الشباب هالصوب هالصوب

ياعلهم الشقاق فيلتهم بس يبلعون عسى ماشافولهم شجرة موز ركضه عليها تقول مو موكلينهم صارلهم سنين

خل نشوف شوية مناظر من الرحله ونرجع لكم

بعد شويه ^_^

هيااااا وصلنا على خير لوووووووووووول مستانس صاحبنا لأنه وصل بالسلامه

ونخليكم الحين ونشوفكم في رحلات قادمه من تايلند فخلوكم معانا وتابعونا لاتروحون مني ومناك