في سنة 2007 وريتكم موضوع عن رحلة تايلند وعرضت فيه بعض الاماكن اللي زرناها وشنو كان فيها ومافيها .. تقدرون تشوفون الموضوع القديم بالضغط هنا .. هالمره موضوعي راح يكون شويه غير وهي عرض لابطال الرحله اللي كانوا موجودين واشياء ماشفتوها في الموضوع السابق حبيت ان اعيد ذكريات هذه الرحله الجميله وخباياها من وراء الكواليس
راح يتكون هالموضوع من جزئين لكثرة الصور فيهم
الجزء الأول : كواليس شانغ ماي
الجزء الثاني : كواليس بوكيت
بسم الله نبدي ونشوف نشاط الربع بالطياره
طبعا اهم شي عند واحد من الربع انه يأمن روحه بالاكل اول مايوصل وحشرنا بالتوك توك بيروح يدور بقاله
ومن بعد البقاله عزّمنا ثاني يوم نروح عرض الفيله حياكم هني لمشاهدة تفاصيل الرحله
وقعدنا مع الجمهور حالنا من حالهم وبلش العرض
لاتطيح ويدوسك الفيل وتخرب علينا الطلعه اركد
بعدها عاد كل من وهواه اللي بيركب فيل واللي بيركب ثور كيفه كل واحد ومزاجه احنا عزمنا نركب فيله والباجي توزعوا خنشوف
بعض اعضاء القروب اللي معانا ركبوا ثيران واحنا فيله
اي تمسك تمسك هذا ماجنيته على نفسك يابو حمد من وعد قبل السفره لما قلت انا معاكم بالحلوه والمره وبكل مغامره تحمّل اللي بييلك
ولازال متمسك نفس المسكه
اي زين هد ايده اخيرا
وهذا الدريول مالي قلت خل اصوره للذكرى
وصاحبنا الثاني هدد بروحه .. مايندرا عنه شكله دز السايق ماله والا زهق منه وقاله بسوق الفيل بروحي مايندرا شسوه فيه
ونرجع حق بو حمد
ماشاءالله بديت تمشي بروحك ها ؟؟
اها الحين قمت اتسلم بعد مانزلت من الفيل ها ؟؟
ونروح نركب عربة الثيران في طريقنا لرحلة البمبو .. اللي اهيه تكون عصي مشبوكه في بعض تمشي بوسط النهر
صافيّن المواتر
ونمشي نمشي
دريولنا الجميل طول الرحله بس يضحك ماشاءالله عليه ..
وهذيل قوارب البامبو مادري شسمهم ماشاءالله يعني السيفتي فيهم 100% ماتحتاج لا لايف جاكيت ولاشي عاد انت ونصيبك شيطلعلك من النهر .. تمساح , ضفدع , حيه مائيه انت ونصيبك
راسك شوي يالحبيب لا تحوشك العصا
اللي قاعد عاليمين لابس تريننغ هذا صديق من قطر تعرفنا عليه هناك والنعم فيه كان رايح بروحه فلما شافنا اثرنا ان يكون معانا طول الرحله لتوطيد اواصر الاخوه والصداقه الخليجيه .. الله يديم هالمحبه بين دول الخليج وجميع الشعوب الاسلاميه والعربيه الشقيقه .. حلوه توطيد صح ؟؟
بعدين يامحفوظين السلامه نروح حق عرض الافاعي .. واللي يبي يشوف العرض وتفاصيله يدش هني
ماشاءالله هيبه الصراحه الله يخلي عدسة الـ 70-200 والا من له خلق تنط عليه حيّه تتعلق برقبته بلاها ياعمي
عدل عدل يعني مو هامك الوضع ها ؟ ماشي نشوف الحين
صوروا صورا يبا اخذوا راحتكم
ياحيف على الرجاله الست بتمسك الحيّه وانتوا بتتطمشوا بس ؟
ايـــه يا الطيب ادري ادري
يعني اذا طالعتها بطرف عين بتتحاشى طمرتها عليك مثلا ؟؟
ونخلص من عرض الافاعي ونروح زياره للشلالات ضغطوا هني للي يبي يشوف تفاصيل الرحله وخلونا الحين مع خلف الكواليس
شفيكم خقيتوا مافيكم حيل ؟؟
السكه جنها صارت طويله
ههه صار العكس جني انا اللي تعبت واهمه وصلوا قبلي
وهذيل الشلالات
وهذيل الربع يزهبون شغلهم
ويلحفون شغلهم من الماي اللي قاعد يطشر عليهم
سبايدي كاااب
شنو قاعدين عند محوّل كهرباء الحبايب ؟؟ عاشوا الشباب الحلوين
يالله نزلي شفيج خايفه
استراحة مصور
وبعد هالحوسه مالك الا الاكل الخفيف ترا زين
بعدين نروح لأعلى نقطه في تايلند هنا الموضوع كاملا مكملا بالتفاصيل
عاشوا الربع شادين حيلكم بالتصوير ماشاءالله
بس هذا اللي هامك الدكاكين .. ويقول ابي اضعف
الله يديم المحبه ياشباب
بعدين نروح حق معابدهم العاليه في شانغ ماي .. اللي بيروح مره ثانيه لشانغ ماي نصيحه لايروح هالمكان حده ماله داعي
يستفسر عن طريق الرحله
جنهم ينوا الربع
هذا واحد من معابدهم
وبجذي خلص الجزء الأول من رحلة شي ماشفتوه من شانغ ماي بتايلند اشوفكم ان شاءالله بالجزء الثاني من بوكيت