السلام عليكم ورحمة الله وبركاته
من بعد رحلة الغواصه الصفراء رحنا بنفس اليوم بالليل الى مجمع رويال جاردن بلازا Royal Garden Plaza وهذا سلمكم الله عباره عن مجمع تسوق وفيه بالدور الثاني خوش شغلات
تقصون تذكرة بقيمة تقريبا 600 بات يعني خمس دنانير جذي وتدشون فيها اربع اماكن ترفيهيه بالمجمع وهي
البيت المسكون
متحف صدق او لاتصدق
وسينما ثلاثية الابعاد 3d
ولعبة الزجاج العاكس هذي اللي تدش وتطالع نفسك وكل شوي تدش مكان تدور الباب كل شوي تدش غرفه غير عن الثانيه وكلها جام ماتدري وين الباب واللي تحتك نفس اللي فوقك ماتدري خوفك تطيح بحفرة والا شي مني مناك المهم ماخلونا نصور في السينما ولا لعبة الزجاج ولا البيت المسكون .. فصورنا فقط بالمتحف من الداخل ومن بره البيت المسكون فقط
فتعالوا الحين نشوف شوية صور من الرويال جاردن
هذا المجمع من بره اول ماتوصل على شكل طياره داشه بالعماره
هني وصلنا الى البيت المسكون
وتشوفون الناس حوالين البيت المسكون جدا طبيعيين
ويتمشون في امان الله
وهذا مدخل البيت المسكون الاوادم صافين بالدور عشان يدشون ... راح اقولكم عن مغامرتنا بالتفصيل من الداخل وان شاءالله تستمتعون معانا
وانا قاعد اتطمش في بوابة البيت المسكون واتأمل في الرايح والراد ماوعيت والا واحد حاط ايده على جتفي ويقولي ها دندرن اشيايبك بتايا ؟؟!!
انا انصدمت الصراحه قلت منو هالشخص اللي يناديني ويربت على كتفي ويناديني بكل هدوء وسكينه ويقولي اشيايبك بتايا
والتفت واذا بي ارى هالحلو جدامي ...
V
V
اشتبي انت ... منو امبكس فيك امدممك جذي ... ول ول مناك اهو بس ول
خلوه يولي عنكم وطالعوا وتمقلوا في جدران البيت المسكون بس لاتقربون حيل من الطوف لاينطلكم مثل هالحبيب اللي من غير ريول
لا والمشكله انه عادي عنده يخوزز في خلق الله مو هامينه وهذي حالته يوميا على هالحاله زين ماتمل يعني ؟؟
والحين راح اقولكم قصتنا داخل
البيت المسكون عشان لما تروحون ان شاءالله تتذكرون كلامي وتقولون اي الحين بيصير
جذي وبيصير جذي ... طبعا صفينا دور انا ومعاي الربع الاثنين ومعانا واحد اجنبي
وزوجته واثنين يابانيين وعطونا حبل نمسكه كلنا مع بعض عشان لانضيع داخل وصار
الاجنبي وزوجته في المقدمه وانا وراهم وبعدين مشعل المتختخ وبعدين الحمادي ومن بعده
اليابانيين صاروا اخر شي هونوا مايبون لا بالنص ولا اول شي يبون في الاخير الظاهر
شوي مخترعين
هني بداية الدخول الى البيت المسكون يستقبلك هالطيب ابو كبوس مقلمّ وحطنا في قفص
مسكر وقام يسولف علينا يهذر انا عن نفسي الصراحه مادري شكان يقول قاعد اتلفت يمين
ويسار انطر شنو بيصير واهو يهذر الظاهر يقول قصة حياته وانا اطالع ربعي اللي منتبه
على اللي يقول القصه واللي مطنش فيه ومايدري شالطبخه وماوعيت والا ضربه قويه من
حديد طربااااااااااخ افتحت الباب الخلفي للقفص اللي احنا فيه ... اللي فهمته منه
انا قالنا يالله دشوا بروحكم وراح يتصكر عليكم هالباب ... دشينا احنا والمكان ظلمه
... خرمس والله التفت على صاحبي وراي بشوفه ماني قادر اشوفه ماتحس الا باجسام اوادم
تتلصق فيها والحبل اللي ماسكه ... وشوية اصوات تخرع وقايدنا الانجليزي في المقدمه
رايح يتهبّد مايدري وين رايح على عماه واحنا وراه عاش قايدنا
ويمشي فينا في وسط هالظلمه
والاصوات المرعبه عاد هني توقع غير المتوقع وخل الخرعه فيك من اول ماتدش لين تطلع
لأنه راح تطلعلك شغلات ماتدري من وين طلعت ... الحمدالله عدينا الغرفه الأولى بسلام
ويسر عاد لقينا باب ... دخلنا منه والا ممر ومشينا فيه ( شششششششششش
ووووووووووووووووو وزوزوزوزوزوزوزوزوزوز ) <== اصوات تطلعلك ماتدري من وين شوي والا
منحذف عليك راس ادمي مقطوع وليــــــه مو وقته ياناس وراي ادمي من كثر ما اهو مو
مخترع كلش شوي ويفصل راسي عن جسدي من كثر ما اهو زانطني
يامعود شلعت رقبتي خلاص
يامشعل تكفى هدي اللعب شوي ... ونكمل طريجنا وندش غرفه ثانيه ولازالت الاصوات تون
فوق روسنا وماتحس الا باللي يلعب بريولك مادري اهي فيران تتخطرف زهيويه ... اوادم
... ماندري المهم شي يلعب بريولك من تحت واحنا ركضه بوسط هالظلمه طربق طربق طربق
ماندري وين رايحين المهم وين ماياخذنا القايد بالحبل احنا وياه ... وندش مكان والا
تشوف هالقتلى والجرحى مسدحين يمين ويساراللي يطلعلك هيكل عظمي والا مدمم والا من
غير راس مع اصوات شجيه تساعد على النوم العمييييق وص وص وص وص عاد تمر في عدة مراحل
وللحين اليابانيين ماحاشهم طشار الخرعه والبلاوي كلها علينا واخر شي هيئييييو صار
فيهم شي ماصار ولا استوى ... اخر شي قبل الطلعه واحنا ماندري انها اخر غرفه والا
ماوعينا الا اللي لاحقهم بمنشار كهرباء
واللي كانوا اخر شي صاروا
جدامنا من الخرعه والشي اللي شافوه لووووووول وعقب هاللويه والركضه والخرعه جك بم
وتفتح الباب والا انت بوسط المجمع والعالم تتطمش عليك وتشوفك وانت طالع مخترع
يالهويييييييييييي
وهذا الباب الاخير اللي طلعنا منه الى وسط السوق
وبجذي انتهت مغامرتنا الأولى في البيت المسكون خل نروح الحين ونشوف شويه من متحف صدق او لاتصدق
وهذا تقريبا في عندنا واحد يشابهه بالكويت في حديقة الشعب
فتعالوا الحين نشوف شكو داخل المتحف
بوابة الدخول الى المتحف
ويكون في استقبالك هالمتعلق في الباراشوت
رفيجنا الحمادي ومقدمة الطياره
اللي داشه بالمجمع من بره هذي تكملتها داخل المجمع
نكمل ونحوس داخل المتحف
يبيله زراعة شعر الصراحه مسكين حت شعره من القهر اللي اهو فيه
مشعل وزنه على سطح القمر 4 كيلو لوووووول
انا طلعت كيلو ونص هههههههههههه
شتطالع يامعود عماره من 30 طابق مو آدمي ماشاءالله
ايخسي على هالحلج بالوعه مو حلج ولد اللذين
هني يقولولك اذا تقدر تسوي مثل لسانها سو يالله واقعد فرفر بلسانك وقولب فيه مره يمين ومره يسار وحاطين لك منظره جدامك عشان تشوف نفسك فيها وانت تسوي مثلها ... وبعدين راح تكتشف انه العالم قاعدين يطالعونك وانت تقولب بلسانك وتحاول تقلدها هههههههههه ويشحطون عليك
هذا مادري شنو الظاهر كان مكان تعذيب
وهذا مجسم مسوينه حق تايتانيك من مليون عود كبريت ملصقينهم مع بعض ومسوين السفينه ... شي خيالي الصراحه
سيارة على خشب ... هذي بعرف لو اييبونها الكويت بشهر 7 او 8 بعز الحر وتحتر مكينتها شيصير فيها ؟؟
رفيجنا يجرب هالخوذه ^_^
وفي الأخير وليس آخرا مشعل يودعكم من خلال هذا النفق الدوار واللي يحاول فيه ان يصلب طوله ومايختل توزانه
وفمان الله
