المدينه الترفيهيه بالنهار

17/11/2005

السلام عليكم ورحمة الله وبركاته

اليوم بنوديكم ان شاءالله في رحله للمدينة الترفيهيه ..

هذي واجهة المدينه الترفيهيه

يالله نتوكل على الله وندش داخل المدينه الترفيهيه وأول ماتشوف بويهك هاللشي ^_^

ممممممممممم والله شكلها يساعد على أن نركب فيها شرايكم ؟؟

يالله تعالوا تعالو عشان نركب ^_^

ممممممممممممممممممم ها فيكم شده ؟؟ لا فيكم شدّه ادري ^_^

وتبدأ اللعبه بالصعود إلى أعلى فترتفع وترتفع وترتفع الى ان تصل إلى أعلى نقطه وتقعد تفتر فيك داير مدار المدينه الترفيهيه

فتعالوا الحين نشوف معالم الترفيهيه من فوق ^_^

أول منظر يطق بعينك ماشاءالله هالمنظر

برج التحرير ومعالم مدينة الكويت العامره ... عسى الله يحفظها

وتفتر وتفتر وتظل تفتر بعد

أحد معالم الترفيهيه

وراح تشوفون بعد لعبة البرق

هذي اللي شفتوها هي سكة لعبة البرق

وخلوها تفتر بعد شوي ^_^

طريق لعبة السيارات الأوروبيه والتجول حول معالم اوروبا ^_^

ونشوف بعد لعبة قطار الموت هههههههههههه اخاف صج موت عاد بس اهو بيني وبينكم يخرع شويه مو وايد ^_^

ونشوف من ضمن المعالم اللي راح تشوفونها وتلعبونها لعبة الجندول الاسترالي

شرايكم شوي نشوف شكو ماكو في لعبة الجندول ؟؟؟ ونشوف بعض الناس اللي راكبين لهم جم جندول ويحوسون فيه ^_^

طاط طاط ها شلون القز بالماي ؟؟

طاق اللطمه الحبيب ^_^ أهم شي الياهل اللي منخش ورى ظهر ابوه ههههههههههههه

جنكم تشيشتوا مو ؟؟؟ شرايكم ننزل من هاللعبه ونروح على طول الجندول ونركب ؟؟؟ يالله فووووووقه

أووووووووووووه شكله الحماس طاغي على الشباب

يالله كا وصل دورنا خل نركب

إيــــــــــــه استعنا عالشقا بالله

وانيي حق اول صعده عشان نصعد ونمشي فوووووووووووووق هام السحب

وهذاك جدامنا جندول ثاني سابقنا يالله مو مشكله انحاول نلحقه هههههههههههه

ونمشي فوق في وسط الانهار والناس تحتنا واحنا فوق .. خو اكيد الناس تحتنا واحنا فوق يعني شلون بالله صاعدين لي تحت ؟؟ انزين لحظه شلون نهر معلق فوق ؟؟

مايصير بعد

وكل مالنا ونقرب من الشلال والغرقه

ههههههههههههههههههه كاهي النزله رحنا فيها

يالله خربانه خربانه عادي

هوووووووووووووووووووووب وطش بالماي

طبعا اللي معاي وهقوني خلوني أول واحد واهمه انخشوا وراي

اثاري بالاخير انا اللي كليتها من الماي واهمه ماحاشهم الا شي بسيط

ونكمل في وسط الغابات والاشجار لي حد مانوصل الى النهايه وكيلو ماي على ملابسنا

هههههههه هذيل اللي كانوا سابقينا والله بغينا نصيدهم بس ماقدرنا ^_^

مو مشكله سهالاات ان شاءالله ... يالله خنروح حق لعبه ثانيه ... ها وين تبون ؟؟

ممممممممممم خنشوف جم لعبه عالماشي واحنا في طريجنا نتمشى

لعبة المنخل

اهم شي اللي ايده طالعه بالوسط جيكوا يم اللي واقف في ايد طالعه من الوسط .. شكله انخض خضّه سنعه ^_^

والا اللي منسدح مناك على صوب ... غلطااااااان نام بعد أحسن

خنشوف لعبه أخرى ^_^

هذي خوش لعبة اتونس ^_^ بس لاتوقفون تحتهم وتطالعون في اشياء تتحذف خارج نطاق التغطيه ترى ^_^ هذا انا علمتكم وانتوا كيفكم عاد وقد أعذر من أنذر

خنشوف لعبه ثانيه عالماشي .. وهية لعبة الاعصار اظن اسمها جذي او شي من هالقبيل والله مو متأكد ... يبا تدرون شلون هذي اهيه

اكيد عرفتوها .. عاد النوعيات هذي من الالعاب انا اقولكم شيصير .. اول شي الواحد يكون عادي ماكو مشكله بس من ترتفع شوي فوق وتقعد تقولب فيكم يمين ويسار وفوق وتحت ... يعني اتخيل في يوم من الأيام بطنك يصير فوق وخشمك تحت والحاله عفيسه مو طبيعيه واتحس بتقلبات معويه وكل شي يصير فيك ... عاد وفي نفس اللحظه وانت قاعد اتابع في أمان الله ماتشوف الا شباصه طايحه عليك من فوق ... ملفع بالغلط ... نعل عزكم الله ... ممممممم موبايل بالغلط شوي والا سويج سياره ... اشوي والا ساعه ماركه اتجيّك عليها عدل والا تطلع تقليد ^_^ من جذي افلتت من ايد صاحبها .. شوي والا لاااااااا الوضع تطور عالآخر ... حزام طاير عليك اوله هذا شلون طاح هالحزام ؟؟ ... مو اقولكم الواحد فوق يحس بتقلبات معويه فتاكه تفتك بالواحد

مو مصدقين ؟؟ تعالوا الحين شوفوا الدليل لما عامل التنظيف يقعد ينظف المكان من بعد ماتخلص اللعبه ^_^

يالله خنروح حق لعبة البرق ونركب ونلعب ... بس ترى عاد شوفوا نزلوا اغراضكم وحطوهم بصندوق الأمانات انا مو مسؤول عن اي شي يضيع منكم ^_^

هني في بداية الصعود ودايما كل مره اركبها لازم أول واحد ... اي حق التوهق زاهبين الجماعه

يالله خنشوف شتسوي

وبدأت بالتحرك

وكل مالها وتصعد تصعد بنت ابوها

وليـــــــــــه اعتفسنا واعتفسوا الاوادم ... ريولهم صارت فوق وعيونهم تحت ليش عاد هالعباله ماله داعي

طيري طيري ياطياره انا بعدي صغيره وعنونه ... هني عاد تقعد تسمع اغاني ملخبطه فوق تحت ستين الف لحن يطلع بوقت واحد

يالله بس خلاص .. انا اللي بس خلاص .. وصلت اللعبه للنهايه قواكم الله ياشباب

ها بشروا شنو صار وياكم ؟؟

يالله خنروح انصف دور عشان نركب قطار الموت .. أي شي بس قطار الموت ... اهو استريح بس

عاد واحنا صافين دور ... نشوف هالحلوين واهمه راكبين القطار

ممممممممممممم جنه شي جميل ... يالله عاد على ماوصل دورنا والا الدنيا ظلمت من الزحمه ^_^

عاد هالمره مالقيت الا اقعد آخر واحد واجكجك

هني لحظة الصعود الى الأعلى عشان بعدين تجفت رواسي وبعدين عاد فجج عمرك

المهم اهيه صعدت صعدت وصعدت بعد ... جاااااااااااااان تقعد تقولب فينا يمين ابـ يسار

عاد انا قلت خل اصور وبعدين اشوف الصور شلون بتطلع

هههههههههههههههههه تعالوا شوفوا الضحك

هني من أعلى قمه في لعبة قطار الموت... يالله ماعليه

هههههه ياسلااااام فن تشكيلي ؟؟؟ شنو هالشخابيط ؟؟

تقول ياهل توه متعلم يكتب ماسك قلم وقاعد يشخبط ^_^

هني عاد وصلنا خط النهايه لووووووول الكاميرا الظاهر من الخرعه اللي حاشتها ماقامت اتصور عدل هىهىهىهى

المهم خنروح داخل إحدى الصالات المغطاة وندش ونشوف شكو ماكو هناك

بيــــــــــــــه شاخباري ياريّال يحليلهم ^_^

ممممممممممممممم هذي شنو؟؟؟ الله يخضها ان شاءالله شكلها خضّت الاوادم اللي فيها

اوله اوله ليش ليش ؟؟ يامعودين السقف شوي شوي .. جندس جندس يافلان عاد ترى انت كلش مو طويل

يالله خلاص خل نطلع ونروح حق الدردور ^_^

وركبنا لعبة الدردور .. وهي عباره عن شي مدور جذي مثل الصحن تقعد فيه ويقعد يفتر فيك ويمشي وسط شلالات مائيه عاد ترى موشي بالبرد ... وخصوصا الدقّه اللي صارت فيني لما يه الماي كله على ملابسي