مساكم الله بالخير وصبحكم الله بالخير كل واحد بوقته

اليوم بوديكم حق رحله عجيبه لذيذه حيث التسوق والتبضع العجيب في احد اكبر الاسواق المحليه في دولة الكويت العالميه ... وهو سوق مدينة المعلم العالمي في منطقة السالميه المحليه

نتوكل على وانبلش

هني لحظة الوصول انا وصديقي واللي اقترح علي ان نذهب الى سوق المعلم للتبضع ...

الله يعينك على الرطوبه وانت هذي حالتك دايم ؟؟   اشتر نظارات ام مساحات  وش وش وش وش ^_^

عاد الحين تعالوا اندش داخل السوق ونشوف شكو ماكو .. من دندره

بدأ صديقي بالتبضع يبي يشتري بجامات حق اليهال

عاد الله يعينكم والله ياناس كل البجامات نفس الشي في السوق لا والمحلات تتشابه لدرجه انه دخلنا على محلين اكثر من مره حسبالنا غير  ومانكتشف هالشي الا من اللي يبيعون داخل المحل بعدين نطلع مره ثانيه

المشكله طول مااحنا ندش من محل لي محل والا كلهم حاطين نفس الاغنيه وكانت مياده الحناوي اللي تغني ... عاد انا قلت شالسالفه ؟؟ سألت اصحاب المحلات قلت يبا شنو انتوا شارين شريط واحد متقاططين بفلوسكم عليه والا شالسالفه ؟؟

جان يقولولي هذي ادارة المجمع اهيه تبي جذي لووول يعني مو بكيفنا انحط اللي نبي لازم اهمه اللي يحطون اللي يبون واللي فيه خير يسكر السماعات ... انزين فرضا راعي احد المحلات مطوع شلون يعني ؟؟؟ مجبور يسمع اغاني ؟؟

وعجبي من الدندره ... ماعليش حنفوتها المره دي

عاد الحين انيي حق موضوع مهم وشائك ههههههه ... اكو نوعيات من البشر هناك وهذيل شفتهم بكثره فقط في هالسوق .. يطلق عليهم اسم الحداّقه . مستغربين شلون حداقه بالسوق ؟؟ لالالا لاتستغربون كل شي يصير ... تلاقونهم قاطين خيوطهم وواقفين

عاد من بعد هالجوله التبضعيه صكنا اليوع ... عاد اذكر واحد من المخلصين كان يايب لي طاري مطعم في هالمكان العالمي اسمه بيتزا كومباني وبدأنا في البحث عن المطعم

دورنا دورنا ماكو شي ياه شالسالفه ؟؟

جان انطيح على صالة العاب اسمها كوزمو ... والله حلوه واتضيع الوقت الصراحه عاد قلنا خل ندش الصاله وانشوف شاللي عندها وانشوف وانشوف شاللي عندها .. ياب الحلا اخبال اولدي انعلمها وين اوليدها انعلم .. انعلمها وين اوليدها

هذي اهيه الصاله ومكان لعب البلياردو

 المهم دورنا واخر شي مالقينا المطعم عاد قلنا يبا بلاها يمدحون مطعم امنا الارض انروح ناكل منه وطلعنا من السوق

والا بطلعتنا هالحبيب طالعوا وين صافط ؟؟

عاد الحين وصلنا المطعم بالله احنا اشعرفنا في الاكل الموجود؟؟

ييت عند مال الطلبات الكابتن ابي اطلب جان اتوهق  

جان اتذكر نياهاهاهاها ..

تذكرت صاحبنا كان دازلي مسج على الموبايل في احدى الوجبات وقالي جربها .. جان اطلع الموبايل بويه الكابتن واقوله واللي يعافيك عطني هالوجبه  وكلينا بالف عافيه على قلوبنا

وبجذي انتهت رحلتنا الى سوق المعلم الدولي