رحلة جزيرة تيران في شرم الشيخ ماتفرق شي عن رحلة راس محمد سوى انك تشوف السفينه الغرقانه فقط ... يعني اللي يروح راس محمد لايروح تيران واللي يروح تيران ماله داعي يروح راس محمد الا اللي حاب يشوف الاثنين هذا شي ثاني طبعا
جزيرة تيران تقع بين سيناء والمملكه العربيه السعوديه وفيها غرقت سفينه لما داخ قبطان السفينه ودش بالشعب المرجانيه اللي كانت في هذاك المكان ومن يومها والسفينه موجوده ماطلعت
وصلنا للمكان اللي بنحرك منه لجزيرة تيران وتشوفون المراكب صافطه في البحر تنطرنا
يالله ياجماعه بالدور بالدور لحد يخطر
كلو حيركب كلو حيركب
جذي ودكم هالأثنين اللي ماسكين
تلفونات قاعدين يكلمون بعض ؟؟
يقولك التدخين ممنوع على ظهر المركب واهم مافي الموضوع دعايات التحذير على باكيتات الزقاير ... يا الله فلم رعب مو تحذير
انزين سؤال التدخين بس يأثر على
الاطفال يعني ؟؟ زين والكبار كلش مايأثر فيهم ؟؟
اسمحلي تحذير فاشل مثل ويه اللي مسويه ... بعد التدخين يأثر عالكل شكو بس الاطفال ؟؟
ماعلينا ركبنا مركبنا وحركنا في عرض البحر ومرينا صوب مكان الربع يحبونه واهو ....
الفنار ... والا يقولنا حتلاقوا
صابون يزحلقكوا بكل حته ... والله احنا اللي تزحلقنا على ماميش مالت عليك ياللي
ببالي
انزين شنو القصه يعني العالم بس تتسدح هني ؟؟ مايسبحون والا شنو ؟؟
واللي بيسبح شلون رواسي مثلا من فوق الصخر ؟؟ مو مشكله
انقلاب ابيض على قبطان المركب ابو كوريكتر وخلينا بو يعقوب اهو الدريول مال المركب
يخرب بيت عدوك افضح رفيجاتك اكثر .. وحده اسمها ياسمين متعرف عليها في 21-4-2007
والثانيه ليلى متعرف عليها في 29-12-2009
لا خوش حب الصراحه
كاهي السفينه الغرقانه
سلم قلبها
بيــــه مصديه من الملوحه
انا خابر اللي بيصور يطالع الكاميرا ... مادري شقاعد تطالع يابو جاسم تحت ؟؟
المكان المصوفر هذا سلمكم الله اهو مكان الشعب المرجانيه والازرق الصافي هذا البحر من غير شعب مرجانيه والملونين اللي بالصوره هذيل اوادم يحومون حوالين الشعب المرجانيه <== احلف بس
عاد عصبوا ربعنا اللي بالمركب شلون في ناس يحومون واهم مايحومون ؟؟ فلازم يحومون ولبسوا لبسهم
وحاموا معاهم في وسط البحر
انا مو ذابحني الا القلم والورقه اللي معاه مادري شنو بيسجل تحت خو معاك كاميرا سو شغلك كله تحت واطلع فوق سجل
حدك فاضي يالطيب
ها الماي دش بعيونك ؟؟ مو قد السالفه البس نظاره
اي ان شاءالله كل شي اوكي بس يالله
روحي معاهم لايروحون عنج ... عاد المنقذين كلش اللي هناك كلش ماينقذونج ابد
يبا هذا طلعوه من البحر لايغرق ونبتلش فيه كل شوي شارب لتر ماي بحر ومطلع راسه
ها شعندهم شسالفتهم شيطلون عليه ؟
أوووه دلافين
يحليلهم اشكثر عندنا هني بالكويت
صوب بحر الدوحه اي
انزين
سباق مع المركب
ها واقفه على الدلفين ؟؟
وخلصوا الجماعه من الغطس وشافوا جم شعبه مرجانيه وردوا بيكملون بعد
وبدال لايصير غطس وشكل الرحله ماكو شغل صار دز مدازز بالبحر
هوووووووووب
اشهالعنف يالطيب لايغرق اللي بيدك الحبيب بدال مايكون منقذ صار مغرق
اعنبو دار بليسك لايموت اللي تحت
الماي ... لايكون الجمل اللي تحت
لا الحمدالله كاهو مافيه الا
العافيه
ها مستانس شعندك
عاد ربعنا كلش مايحبون الدفاشه واحلوت لهم السالفه وكملوها تطبش
وعاش اللمبي حبيب الشعب
وبهكذا خلصت رحلتنا الى راس محمد وكانت آخر رحله لنا في شرم الشيخ وعدنا من بعدها الى ديرتنا الحبيبه وعلى امل اللقاء بكم في رحلات قادمه بأذن الله تعالى
ووووووو
فمان الله ياحب وقف ماكمل المشوار
.. عرفنا مفرق الدربين مايحتاج تكميله
الوداع ياشرم الشيخ