اكمل معاكم اليوم الجزء الرابع من رحلة شرم الشيخ العامره وتحديدا الى الاكوابارك في منطقة الهضبه في شرم الشيخ

نصيحه حق اللي يروح شرم لازم يروح الاكوابارك مكان جميل وحلو جدا جدا واتزبطنا خوش تزبيطه في سعر تذكرة الدخول

سعر تذكرة الدخول مع وجبه 165 جنيه مصري للفرد تحتوي الاكوابارك على 36 لعبه متنوعه للكبار والصغار فحياكم الى الاكوابارك

في الطريق الى الاكوابارك فمثل ماتعرفون احنا 6 اشخاص الله لايفرقنا ننقسم الى قسمين كل 3 يركبون بتاكسي وهني الربع في التاكسي الامامي وللعلم اللي بيروح بتاكسي للاكوابارك ترى اذا ذبح عمره السعر بعداد او من غير عداد 25 جنيه مايزيد ويمكن ينقص

ووصلنا للاكوابارك وهذا المدخل وتصعد وتنزل الصوب الثاني

وياسلام على هذا الحوض اللي شهد انتصارين للأشاوس فريقنا من مبارتين خاضوهم في هذا الحوض بالذات وراح نكون مع التفاصيل فيما بعد

مكان ثاني للاكوابارك

دئوا الشماسي دئوا الشماسي عالبلاج

وياعيني عليج ياشرم

والحين نروح ونشوف بعض الالعاب الموجوده

ياييلكم يالزحلاقيات المميته

ايه هاللعبه الحمره هذي واحد من الشباب الله يستر عليه ضرب راسه فيها من بعدها نام 16 ساعه واثنين الله يستر عليهم بعد قاموا يدورون داخلها 6 مرات بينزلون من الفتحه اللي تقط على الحوض مو عارفين شلون

البيت المسكون والا شنو بالضبط ؟؟

وهذا فندق داخل الاكوابارك يحتوي على غرف مساج حق اللي يبي

جانب اخر من الفندق الداخلي

ممرات مائيه

هوشة ديناصورات

ايـــــه ياهالحوض الله يستر منك بس

مريحين الربع ناطرين البيبسي يبرد على جبودهم

بيه شاخباري كينغ كونغ

والحين نروح لحدى المباريات اللي اقيمت بين فريقي الأزرق الكويتي وفريق المحترفين المصري واللي انتهت بفوز الأزرق بفارق هدف وكانت مباراة ناريه بصراحه وخصوصا راؤول من الفريق الخصم

طبعا النتيجه متقاربه لأني مالعبت كنت اصور فلو انا لاعب المباراة جان فزنا عالراحه بس ميخالف المدرب كان مريحني خاشني حق المباراة الثانيه <<== بز محد درا عنك ترا

راؤول يسدد على مرمانا وصاحبه فاتحله مناك بس ماعطاه الكره كان في موقف تسلل

مشاركه قويه بين المحترف البولندي مادري شنو اصله بالضبط مع الجمل ... ياجماعه شوي شوي عالكره انبطت

مايندرى شبينكم يالجمل انت وياه لعبكم طول المباراة كله دز مدازز والنقدي يترقب خو دشله اقطع الكره مع رفيجك قاعد تطالعه

اديلووو يابو يعقوب

بو جاسم اطلقنا عليه لقب احمد عجب دورة الخليج اكثر واحد ضيع اقوال ... تكفى ركزوا على ايده القول فاضي ترى يعني اسقاط خفيف وخالصين لأ الحبيب يشوت فوق وعلى الجنب ودي اعرف جم قول سجل في هالمباراة ؟؟

وهذا كابتن الفريق الثاني اللي باريناهم وغلبناهم 20/6  اهمه على اساس لهجتهم من الهند سبحان الله شلون صاروا من بريطانيا ماندري ... لقونا بيمشونها علينا

وانت علامك منو مشخط فيك جذي ؟؟

بس كلش مو رابكه على ظهره رسمة دلفين وعلى الايد قرصان شنو هالتناقض يالطيب

والحين جاء دور التزحلق والتنطط ونبلش مع جم واحد مانعرفهم

أول مره اشوف آدمي له اربع ريول

عدل ياالأريل يطلع ايران والسعوديه بالرطوبه بس ماشاءالله جم واحد راكب بالطفاحيه ؟؟ جني اشوف اربع روس والا يتراوالي

عاشوا الاشاوس ... هدي الجمل

ياساااااتر على تعابير ويهك يابو يعقوب

ها شفيك بو يعقوب شنو طايح على صخر الله يهديك ؟؟ ترى كله ماي يالحبيب

شحقه حاط النظاره برقبتك دامك مو لابسها

يا الله راحوا عيالنا ... مادري شسالفة النعول عزكم الله كل واحد لي هالدرجه خايف على ممتلكاته يعني ؟؟

زين ليش التخين ورا والضعيف قدام ؟؟ عشان التوازن يعني ؟؟

وين التوازن اللي تقولون عنه وانتوا كل طبه متكرفسين بالماي ؟؟؟ جم لتر ماي شربتوا ؟؟

أهم شي النظاره يابن نقدي ... لاتضيع بالماي

الجمل ... هد الريال شتبي متعلق فيه خله يعابل بنظارته ... بس والله يابن نقدي جنه نظارتك فوشحت شوي

وبجذي خلصنا الجزء الرابع من رحلة شرم الشيخ 2009 نطرونا ان شاء الله في الرحلات المتبقيه

العوده للصفحه الرئيسيه