تكملة لرحلات الربع في شرم الشيخ ومن بعد ماخلصنا البحر والماي والملوحه قررنا ان نتجه الى البراري والضفاف اندوّر نهاش فتى الجبل
سفاري البقيات اكثر ناس حبوها من ربعنا بن جمل والنقدي حسوا فيها بالحنين الى الماضي والتراث اللامتناهي الذي تجلى بين اضلع الجبال الشامخه
طريق رحلتنا اهو .. بين هالجبال والله ماندري راكبين بانشيات ونفتر بين هالجبال وماندري لو انهم يفرونا على المكان الواحد اربع مرات ويقولون لنا ترى طقينا فره هم راح نصدق وما احنا عارفين شالطبخه
اللي اذكره ومن بعد متابعتي للقوقل ايرث وتتبعي لخط سير الرحله انه احنا كنا نحوس بين هالجبال هذي بس وين بالتحديد ماندري فنتوكل على الله ونشوف من بداية الرحله لين نوصل للعشاء البدوي بعدين
الشباب الطيبيبن على هالشماغات بعد مايبيله تعليق كل واحد قصه بروحه
اترك لكم التعليق
وابتدوا العاملين على تضبيط الشماغات للي مايعرفون يضبطونها لهم زبطني وازبطك
ياعمي انت جذي غمتها شلون بتشوف شلون بتتنفس بعد علقها من رقبتها بالشماغ وفك عمرك
غلطان كبوس وشماغ ؟؟ كل هذا خايف على التشققات اللي صارت بالصلعه
المره اللي طافت ؟ 
عدل بو الشباب مع ولده شادين حيلهم
هلا بالحبيب ... شنو بتطير ؟؟
مستعدين للانطلاق
الحين منو البانشي فيهم ؟؟
ها نخفف النقدي ؟؟
أوكي كل شي اوكي بس دير بالك من اللي وراك ترى يسوق ومايدري عن
اللي حوالينه
والحين عشان ندش صوب الرمل موقفين القروبات كلها اللي يعدونهم
واللي يتممون عليهم يشوفون في احد ناقص مني مناك مزرق هالصوب هذاك الصوب واحد ضايع
للحين ماوصل واحد طق فوق حدر وباق البانشي ومارد مايندرى خو
ودشينا البر مكان الحوسه وبدا الغبار يتطاير
ونريح الكاميرا شوي نعابل في عمرنا لين نوصل الاستراحه الأولى
بين الماضي والحاضر
ياسلام عليك يالجمل في واحد معانا يقول هذي احلى رحله له في شرم والسبه الجمال اللي شافها بالرحله ... ماتنلام والله يابن جمل
ووصلنا ولله الحمد الاستراحه الأولى وكل واحد لسانه واصل قبله من
التعب والرمل اللي كلاه 
أهم شي بطول البيبسي فاضيه مو منكم من الحر والحموضه اللي انتوا
فيها
خنشوف الحين القروب الثاني اللي يمنا ونشوف شعندهم
يحليلهم تصوير فيديو ومجموعه كبيره من البانشيات
شعليج لاحقج بالكاميرا واحنا ولا احد عبرنا حتى بفلاش بالغلط
يالله الله كريم
يتأهبون للانطلاق
شكل البعير يقول يابختي
انت ما اذيتنا كل شوي تصور بس خلاص عاد
يالله خل البعير يقوم مو فالح بس قاعد عليه واهوه
مايتحرك
طاع الوقفه خوش وقفه مو بانشياتنا كل واحد بصوب
هذا بو الوردي مادري شسالفته بالضبط ... ترى على فكره ريّال مو مره
اي خايف عالبنتلي صافطها هني
حب وغرام بعيدا عن اعين الناس
اوووووه عوج حلجه البعير
شاللي قردني وجيت هالرحله
المعاناة في عيون حائره
البعير يقول : انا احسن من بانشياتكم هذي كلها واللي براسه شي يطلعه
شفيك ؟؟ العطش لاعب لعبته معاك
انا بس ودي اعرف وين راح الكبوس اللي كنت حاطه على راسك اول
الرحله
والله تذكرني بواحد ماراح اقول منو الصراحه
اما انت عاد لفة شماغك عجيبه يابو غازي ... اخلي الجمل يقولها
انا مالي شغل
النقدي عسى ماشر تصوير مسلسل بدوي قديم ؟؟
خابرك شباب قبل الرحله متى شيبت ؟؟ لي هالدرجه الزمن سوه سواته
فيك ؟؟
ونستأنف رحلتنا من جديد
ونوصل عند مكان ياساتر ... بين جبلين ويقولكم قائد الرحله صفوا صف واحد وكلكم بصوت واحد صرخوا وشوفوا شنو تسمعون
هذا اهو الجبل اللي نوقف جباله ونصرخ ... وعاد اخذوا من الهبال اللي يطلع
نهااااااااااااااااااااااااش نهااااااااااااااااااااااااااش
وهذيل القروب الشبابي فقط اللي كانوا معانا بالرحله
ربعنا الكويتيين وبقية الاخوان من مصر الشقيقه ... بس الصراحه لفتك عجيبه يوسف اهنيك عليها
ونوصل للاستراحه الثانيه الثانيه وندخل من قوس النصر الموجود
بن نقدي تحت قوس النصر
كبينه جانبيه محد قاعد فيها مادري ليش
مادري عاد شيطلع هناك اتوقع بس جذي زينه محطوط لأني ماشفت
تلفزيون هناك واصلا مافيه وايرات موصله بالدش
تشاهد مدينة شرم الشيخ من بعيد
وهذا الجبل اللي فيه خير يصعد ... اتوقع يتكرفس من فوق الجبل والسبه الصخر
اشعنده غرندايزر واقف ... يالله يبا توكل على الله ماكو شي بالرحله اسمحلي
وبجذي خلصت رحلتنا في البانشيات وخلونا نروح للعشاء البدوي واللي يكون في مكان ما في احد الجبال في وسط الصحراء
بداية دخول المغاره ... نفس مغارة علي بابا بس هني ماتقول افتح
ياسمسم لأ تقول افتح يابوووووووووحه
بن نقدي داخل الكهف المؤدي الى ساحة العشاء البدوي
ساحة المكان والاضواء على الجبل
دايرينها الحبايب جاي وماي
يامعود لاتنط عيونك من كثر ماتسحب في هالشيشه
هذي التلفونات الطيبه مو بلاك بيري
وربعه ياحلوك ياتلفوني
ماكو فايده لازم العرج يحن
وبعدين تصير شوية عروض فلكلوريه
مصريه في ساحة العرض 
وبعدها يطيح العشا اللي اهو بوفيه
وليس مثل ماتخيلنا عشاء بدوي مجابيس وهالطقه
شوية عروض
نصيحه اللي بيروح شرم الشيخ لايروح العشاء البدوي مافيه شي مبين من قعدة الاوادم ماكو شغل بالموضوع يالله احنا رحنا وخلصنا فواجب علينا نذكر المكان شنو فيه اذا كان زين او عادي
ونشوفكم ان شاءالله في رحلات قادمه