السلام عليكم ورحمة الله وبركاته
بعد ماشفنا الجزء الأول من رحلة شرم الشيخ واللي كانت بالمشايه والف ليله وليله قررنا ان نكمل رحلاتنا في شرم ونروح الى محمية راس محمد وهي منطقة محميه تشاهد فيها الشعب المرجانيهوالاسماك الملونه العجيبه وكل شي تشوفه في هالمحميه طبيعي سبحان الله فحياكم نشوف المنطقه من فوق بالاستعانه بصديق الكل قوقل ايرث
هذي اهيه محمية راس محمد كما هي
بالخريطه ... طبعا حبيت اتكلم عن المعاناة اللي نحصلها في غرفة اصدقائنا الثانيه
كما تعرفون احنا حاجزين غرفتين غرفه اللي احنا فيها انا والأخوين يوسف ومحمد
والغرفه الثانيه فيها الجمل والنقدي وفيصل هالغرفه الله لايوريكم اللي يبي يكره
النوم ينام في هالغرفه راح يسهر طول الليل من صوت المتفجرات اللي تطلع من الأخوان
اللي نايمين بالغرفه كان ودي احطلكم تسجيل لهم واهمه نايمين بس مو مشكله المرات
القادمه ان شاءالله 
والمعاناة الثانيه اذا ناموا ماشاءالله عليهم فيك خير تعال قعدهم ... ماينفع معاهم لاتلفون ولا منبه ولاجرس باب ولاشي الا انك تمسك الواحد فيهم وتهزه اربعتش مره عشان يقوم احنا لو ماناخذ المفتاح الاحتياطي لغرفتهم والا جان لي اليوم هذا نايمين ماردوا الكويت ... وكنا في بعض الاحيان نستعين في اللي ينظف الغرف يكون معاه مفتاح لجميع الغرف اللي مسؤول عنها ويبطل لنا عشان نقعدهم من النوم
وفي بعض الرحلات يتطلب ان نقوم
مبجرين شوي يعني على الساعه سبع نكون قاعدين من النوم على مانتريق ونغسل ونتزهب
للرحله فالحبايب اللي بالغرفه الثانيه مايقومون الا بطق فمن هذا المنطلق اهمه
معطينا المفتاح الاحتياطي عشان نقعدهم من النوم في الصباح الباكر
هني في الباص متجهيم للمرسى اللي راح نركب منه احد المراكب الجميله ونروح لمحمية صماخ محمد
للحين نشيطين ماشاءالله تبارك
الرحمن 
في مكان الانتظار ويوسف ياكل برّد
... يالطيب هدي ترى اقصاه برد شوي شوي عليه
والجمل مبتسما والنقدي
مستانس بفنيلة مانشستر
وركبنا على ظهر المركب سي انجل وفي قول آخر على قولة واحد من الربع سنجل
الجمل معاك اللي يمك ؟؟
وحركنا في طريقنا للمحميه
والنقدي يتأمل الطبيعه ويتذكر ايام الغوص لما كان نوخذه
طايره البكله يابن نقدي
عاش قبطانا المانشستراوي
وتشوف يمينك ويسارك المناظر الخلابه
والشغلات اللي تفتح النفس لو تدقق فيها عدل
ونتسابق مع البرنس حاتم ونشوف منو يوصل قبل
اوه يامااااااااااااااال
ولازلنا في صراع وسباق مع المراكب الصديقه
ونوصل للمحميه ونشوف هالأوادم اللي تغطس وتعوم تدور شعب مرجانيه
يا الله على جمال الطبيعه الشرماويه
ويبلشون ربعنا في النزول ... لاحقكم
لاحقكم بس اخلص تصوير والحقكم
والنقدي خايف على عمره وماسك اللايف جاكيت ماله
عاشوا الضفادع البشريه
يوسف وبن جمل عايمين في البلاك جاكيت مالهم على قولة بن جمل يسميه بلاك جاكيت شكو مادري
شكلها شربت ماي بحر ام الهوز الأصفر
عاش اوليفر كان قولجي المانيا
اهداء لبعض الناس
اش هالختم ؟؟ طلعت مختوم يابن جمل ؟
وفي ضوءهالوناسه يطلع لنا واحد من روسي ويتحدى الربع ويقول انا احسن منكم في الغطس والسباحه ويقوم الحبيب يستعرض عضلاته وغطساته من اماكن مرتفعه من المركب والربع يطالعون
الروسي يبدأ التحدي
والربع يقبلون التحدي وأول من يبدأ التحدي ضده هو بن نقدي
ياسلام عليك يالنقدي روح والقلب داعيلك
بسم الله
هووووووووووب غرندايزر اقفز
انطلق يابن نقدي
التحااااااااااااااااام
ونجح بن نقدي في غطسته ياسلام جكجكجكجك
صفقوله ناجح مع مرتبة الشرف
ويأتي دور الجمل
اهم شي ريل فوق وريل تحت تعلم من
النقدي يالجمل
ياساتر
وانفجت ريوله عن بعض بس يالله هم ناجح
عدل عدل يامايكل فيليبس
توروبوروو
والحين دور صاحب النطات العالميه اللي محد ينط مثله الا اللمبي
بو جاسم شوفوه حبيب الشعب
تلعب كاراتيه يالحبيب ؟؟
والنقدي يراقب عن كثب
ياسلام عليكم ياوحوش السباحه الصراحه صكيتوا على الروسي صحيح انه اخر شي الاهبل قام ينط من فوق المركب بس يالله ماعليه اهم شي الروح الرياضيه
والحين وقت الغدا والبلعه
ندف العالم على العيش اياباه
اهداء للربع الصوره القادمه
شوفوا منو اللي كاتبها على ايده
وبجذي خلصت رحلتنا الى راس محمد اللي راح تشوفون المحميه عن كثب في الصوره القادمه
هذا اهو راس محمد الحقيقي من بعد
الرحله خرايط صاير من
الشمس
ونطروني في الرحله القادمه ان شاءالله من الكليو بارك المائيه