نكمل معاكم رحلة شرم الشيخ ونروح لمدينة الف ليله وليله وهي تحتوي على العروض الفلكلوريه الفرعونيه القديمه وعروض الرقص الشرقي
حبيب الشعب قوقل ايرث مو مقصر ببعض اللقطات الجويه .. هذي لقطه جويه لـ ألف ليله وليله
ناطرين تاكسي يوصلنا لألف ليله وليله ... طبعا نصيحه اللي بيروح لألف ليله وليله لايحجز من المشايه او من اماكن الرحلات لأ اخذوا تاكسي وقولوه يوصلكم للمكان مايطلع عليكم التاكسي الواحد اكثر من 25 جنيه وروح هناك وقص تذكرتك ودش ارخصلك واوفر
وصلنا الف ليله وليله ودشينا
وقبل لايبدأ العرض طاحوله الربع دور بلياردو بس مادري من فاز شكله لم ينجح احد فيهم
مكان العرض الفلكلوري الفرعوني يبدأ الساعه 9 ويخلص 11 ويبدا بعده على طول عروض الرقص الشرقي في الساحه الخارجيه
مجسم ابو الهول
عرض الخيول
شغل مكوكس على ظهر الحصان
يحليله يسوق الحصان قري
ماشاءالله تقول قاذفات صواريخ باتريوت مو اوادم
وعليكم السلام ورحمة الله وبركاته
اهلا يافندم
طلعوا الهنود بايقين رقصة تومكاري سديكوا من الفراعنه ها ؟؟
بعدين نروح للرقصات الفلكلوريه الشعبيه والشرقيه المصريه
هذا اعتقد يسمونه ابو تنوره
وهذيل ربعه
ياسلام سلم
خوش دراعه لابسه
هذي شوي مشخلعه
روووح صور خذ راحتك وزوّم بعد
واليوم خلص الجزء الأول من رحلة شرم الشيخ واللي قضيناها في مشوار الوصول والف ليله وليله وانتظروني في الرحلات القادمه ان شاءالله
مع الربع بالديوانيه
سلام