مساكم الله بالخير او صباح الخير او كله بالخير شلونكم ان شاءالله طيبين؟؟

سلمكم الله تعرفون الشقيق اكيد !! أول شي ترى الشقيق هو لقب فقط يطلق على احد الاصدقاء فقط لاغير ^_^

فعاد في مره من المرات حب يجرب حظه في لعب البلاي ستيشن

عاد كانت هالمره اول مره يطقها لعب ... ومشكلته مشكله هالولد ... دايم يحب التحدي ويتحدى العالم

فأصر في يوم من الايام ان يتحدى كل الموجودين بالدوانيه ويباريهم بلاي ستيشن في كرة القدم ... وخذا فريق ريال مدريد ... اقشر من قده ماخذ ريال مدريد الحبيب  المهم فقال هل من مبارز ؟؟

جان يقوله واحد من الربع انا اول واحد يباريك

جان يقوم الشقيق

شاد حيله الاخ توه متعشي الظاهر من امنا الأرض ويبي يطلع قوته في اللعب

جان ياخذ مكانه الشقيق وزاويته المفضله اللي كله يحب يقعد فيها

^

^

^

شقيقي وهو ماخذ مكانه في الدوانيه

المراد مانطولها عليكم وابتدأ اللعب

هني الشقيق ماسك يدة البلاي ستيشن ويباري صديقنا اللي طالع في الصوره ^_^

الشقيق وهو مندمج ومصدق روحه يلعب هىهىهىهىهى ^_^

ها شالسالفه شفيه وقف الشقيق عسى ماشر ؟؟

ترى كلها بلاي ستيشن يالطيب شفيك واقف ؟؟؟ ^_^

شفيك يابوجاسم عسى ماشر يبا ؟؟ والله موصج ^_^

جان يرد يقعد مره ثانيه الأخ ... والجمهور يتابع المأساة واللعب السئ من الشقيق ^_^

يقولكم يومها طيّح حظ ابو سمعة فريق ريال مدريد ... سواهم من النادي الملكي الى النادي الهلكي ... مرمطهم مسيجين مسح في كرامتهم الارض لوووووووووووووول

صاروا مو ريال مدريد صاروا دياي مدريد هههههههههههههه

جان يرد يوقف مره ثانيه وليييييييييييييييه شفيك يايبا ؟؟؟

لوووووووووووووووووووول الشقيق يعترض على قرارات الحكم هههههههههههههههههه

اخاف بس صج بيسمعك ؟؟؟

انسحب ياشقيقي ... والله صار ريال مدريد ابو الخرطي والسبه انت ولعبك ^_^

اقول ياشقيقي شرايك تدش بالتلفزيون بعد وتلعب وياهم ؟؟

لا روح روح بعد شناطر ^_^

خل اقولكم شغله عن مباريات الشقيق يومها في الدوانيه

أصر الشقيق على ان يلعب ثلاث مباريات الأولى انهزم فيها 3/صفر ...

واللعبه الثانيه نفس الشي هم انهزم 3/صفر

والثالثه وفي اول المباراة ياب قول ولاتشوفون فرحته مسكين وظل طول القيم الاول واهوه يقول انا شلون يبت القول ؟؟ مو مصدق انه حاط قول بس الشهاده تنقال خوش قول الصراحه

وهالقول كون القول الوحيد له في حياته الظاهر ^_^ جان يتملطش اخر ملطشه من اللاعب اللي جدامه وينهزم بنتيجة 7/1  هههههههههههه لا وعاد تعالوا وشوفوا الاقوال كل قول غير عن الثاني مره دبل كيك مره من بره منطقة الجزاء مره من الكورنر ^_^

مو قلنالك ياشقيقي توك صغير عاللعب ماصدقتنا 

بس بيني وبينك الواحد يتعلم من الهزائم المتتاليه الصراحه اشوفك سويت خوش مجهود في الهدف الوحيد اللي يبته في المباراة الاخيره واللي على أثرها خسرت 7/1 ^_^

عموما وقعد الشقيق بالدوانيه من بعد هالخساير مطأطآ رأسه مسكين مايقدر يطل بويه احد

وخلصت وملصت ويت الديايه وعنفصت