وصول المنتخب البرتغالي أرض المطار
كان الشيخ خالد اليوسف (بوصباح) في استقبال الوفد البرتغالي .. بقولكم سالفة بو صباح لما كنا متيمعين ناطرين الوفد البرتغالي يدخل صالة التشريفات .. قعدنا نضحك مع بو صباح ونقوله بو صباح بنصور اللاعبين شلون ؟؟ يمكن بس يسلمون ويمشون ... جان يقول خلوها علي .. كل واحد يدش من اللاعبين قولولي عنه وانا امسكه لكم واخليكم تصورون لين تملون فكان كل لاعب برتغالي يدش نقوله هذا اوكي بو صباح وكان يمسكه يقوله طالع الكاميرات واحنا نقعد نجكجك ... اتوقع يومها لاعبين البرتغال عيونهم شوي وتنبط من الفلاشات
الشيخ خالد اليوسف مع ديكو
وهني مع ناني ... ومبين على الشيخ خالد ماسك اللاعبين اللي نقوله عنهم ^_^
وبعدين دشينا داخل صالة التشريفات وطبعا كان المكان مثل خلية النحل هذا يبي يصور مع ذاك وهذا مع هذاك ماوعيت الا ذاك اللي يقولي فين زيكو ده اللي بيأولو عنو ؟؟ قلتله زيكو منو ؟؟ يبا زيكو اعتزل من سنة يدي الحين اكو ديكو مو زيكو تعال شوف هذا ديكو
حتى ديكو خربتوه على البلوتوث ؟؟ .. واحد من الشباب يوري بلوتوث حق ديكو
جيب القدوع ياولد ... بعرف شقاعد يطالع داخل الفنجان ديكو؟؟ يبا مافيه شي لاتخاف قهوه قهوه يارجال
لقطة جماعية للفريق البرتغالي
وخلصنا من هاليوم سلمكم الله وصار ثاني يوم يوم المؤتمر الصحفي وتمرين البرتغال في ملعب ثامر في نادي السالمية
نروح نشوف الجزء الثاني المتعلق بالمؤتمر الصحفي وتمرين البرتغال