في ذاك اليوم الجو كان
عجيب ( بزززز ) .. و قرر الجروب ( مشعل - عبدالعزيز - دندرن ) القيام برحلة على
شواطئ وصحاري الكويت .. و هالرحلة كان لها أكثر من حدث ان شاء الله راح نروي لكم
احداث هذه الرحلة على التوالي بداية بمشعل ثم عبدالعزيز وفي الأخير دندرن ^_^
نبدأ بمشعل (q8soccer)
خلوني اروي لكم احد
هالاحداث و بهذا المكان الخلاب و بالقرب من هذه الشلالات تقريبا
تعرفنا على سمكة بايعتها شوي .. هوايتها التعارف و جمع الطوابع .. في البداية طلت
علينا و ألقت التحية ..
ردينا عليها التحية ..
سألتنا : شعندكم اهني ؟!
قلنا لها : طالعين نصور ..
قالت : عيل صوروني و انا اتسبح ..
بصراحة ضحكنا عليها ..
و قلنا لها : ما شاء الله تعرفين تتسبحين ؟! ..
اهني وقفت و خزتنا خوش خزة و بصراحة اخترعنا
ردت علينا : تستضرفون دمكم ؟! تبوني اسوي شي عمركم ما شفتوه ؟! .. ( احنا صخه
خايفين ) .. و فجأة سوت هالحركة !
كل واحد فينا بطل حلجه ..
قلنا لها : يبه احنا آسفين تامرينا على شي ؟!
قالت : اي و الله ..
قلنا لها : آمري ..
قالت : لا توطوطون اهني مرة ثانية ..
قلنا لها : ان شاء الله طال عمرج !!
و للامانة القصه حقيقية ...
المهم نكمل القصة على لسان
عبدالعزيز ..
الحبيب مشعل ماسك السكان ودندرن
يعطيه الأحداثيات .. وانا مكتفي بالمشاهدة
المهم دشينا مكان غلط .. جان يطلع
لنا الأمن .. أمن غير شكل
الطير : خير شعندكم هني ؟؟
انا : ها ..!! لا ولا شي يايين
نشم هوا
الامن : يالله يالله .. انت وربعك
برة يالله .. ماكو مكان تشمون هوا الا هني .. يالله عطوني مقفاكم
دندرن : هيييه انت شنو عطوني
مقفاكم ؟؟
مشعل
: هدوه شباب .. هذا مو كفو واحد يسوي معاه مقابلة
الطير : ها !! مقابلة أي قناة
إنتوا ؟؟
دندرن : أنيمال بلانيت
الطير : يا هلا ومرحبا تفضلوا
تقهووا
مشعل : روح طير زين
المهم شلعنا من هالمكان ومن الطير
النفسية هذا ورحنا مكاننا .. طبعا تدرون الكويت كلها انهار وجبال وشلالات .. وهذا
شلال يقولون انه نياغرا أشهر منه .. الصراحة ما أشوف بنياغرا زود .. هذا احلى
ها شرايكم .. بالذمة هذا مو احلى
..
عاد وانا قاعد اصور الشلال .. الا
ذاك الكلب عزكم الله ياي ركض وطامر بالماي وهو يقول " خلاااااااااااص ما ابي اعيش
.. خلااااااااااص ... انا اموت احسن لي " وهوب طمر بالماي !!
عاد انا صرخت عليه : شفيك انت ؟؟
عسى ما شر .. شكو تبي تنتحر ؟؟
الكلب : مو فاضي اسولف .. بانتحر
عبدالعزيز : تعال زين سولف وبعدين
رد انتحر
طلع الكلب من الماي ونشف عمره
ونفض نفضة طلع كل البلاوي اللي فيه
عبدالعزيز : شفيك تبي تنتحر ؟
الكلب : طحت على حبيبتي مع كلب
الفريج اللي ورانا
عبدالعزيز : صج انها كلبة وحيوانة
.. خلاص روح انتحر .. ما تشوف شر .. قالولك دكتور فيل معاك ؟؟
الكلب : !!!
وانتحر الغبي
والآن مع
دندرن يروي لكم ماتبقى من الرحلة
أكمل معاكم الرحله اللي اتمنى من صميم قلبي واعماق اعماقي ان تعجبكم ... بعد
التوكل على الله سبحانه وتعالى نبدأ ...
الله
يمسي ضحكة شفاك بالخير ... لذ الوصال وجابت العلم سودك
منّاك جيت من النوى تالي اعصير ... جفني يضف بجفلة النور ذودك
هذا هو المكان اللي كنا فيه بالأمس القريب ... ويبدو السراب واضحا كما يرى القمر في
ليلة ظلماء
طبعا في البداية حبيت اقولكم انه رحلتنا كانت على ظهر السفينة ابولو 82
هذا ابولو 82 واللي تعود ملكيته للصديق مشعل ... بدأت الرحله في تمام الساعه ثنتين
ونص تقريبا واللبن موجود وبطول الماء اللي تروي العطشان موجوده ... ورايحين الى
وجهتنا
طبعا وصلنا في امان الله الى المكان اللي قالولكم عنه الربع حيث الشلالات والخضره
والماء لكن من غير وجه حسن ... لأنه اعتقد لو في وجه حسن جان صار اجلح املح من
الشمس ... فظلينا على الخضره والماء والشلالات فقط كما رئيتموها
شوي والا هالحبيب اللي في وسط هذيج الحديقه الغنّاء ...
على راسي يالأصفر ... والتفت على الربع اللي معاي وجني اشوف لسان حالهم يقولون هذا
قدساوي ماتغلبونه ^_^
واخذنا بالتجول في ربوع الغابة على ضفاف بحرنا العامر
والا طيور هالنورس اللي نحشهم عبدالعزيز كل ما يقرب منهم يطيرون وينحاشون منه ...
بس لحظه لحظه هذا اللي بالصوره المدلقم اللي فوق بالزاويه مو جنه لغم بحري ؟؟؟ شكله
من ايام الغزو وللحين طافح الحبيب ههههههههه ماعلينا نكمل مشوارنا
طبعا عرفتوا سالفة الجلب اللي انتحر واللي صوره وحاول يثنيه عبدالعزيز عن الانتحار
... تعالوا شوفوا حالة عبدالعزيز واهوه قاعد يحاول يثني الجلب عزكم الله عن
الانتحار
والظاهر والله اعلم شدتكم سالفة السمجه المينونه الهبله اللي ذكرها لكم مشعل ...
شرايكم بتشوفون قصتها لي الآخر ؟؟ تعالوا انا اقولكم شسالفتها
هذي وكما ذكر لكم مشعل ما ندري من وين طلعت لنا تقول فيها زيران بنت الحلال
ومن كثر طفاقتها مو عارفه شتسوي ترقص وتطامر وتنافخ اهيه بنفسها مو عارفه شتبي ...
مادري لاكتـّه مادري محششه المهم
كملت كملت والا جان تجبّـل على اليابسه ... ههههههههه هذي وين رايحه ؟؟؟
شوي جان اتحذف عمرها على اليابسه
تريريييييييييييييييييييييم
والا شنو طلعت ؟؟؟؟؟؟؟؟؟؟
طلعت أميره مسحوره اللي من يصير المغرب تتحول من سمجه الى .... طيــــــــــــر
يطير متجها الى حيث يشاء ... لأاحد يعلم وجهته ...
وخلصت وملصت ويت الديايه وعنفصت ...
وفي الأخير اشكر لكم حسن متابعتكم معنا وان شاء الله تكون الرحله اعجبتكم
تصوير
وتعليق مشعل وعبدالعزيز ودندرن
ونشوفكم
على خير ان شاءالله
