حجزت تذكرتي وركبت على متن مركبة الفضاء دندرن 14 على غرار ابولو
وكان معاي في الرحله احد
الاصدقاء .. المهم شكلكم مو مصدقين اني رحت القمر بس تدرون شلون تعالوا اوريكم
الصور عشان اتصدقون
ها
شرايكم بالصوره مو سطح القمر ؟؟ اي ترى انا اقول الصج مو تقولون شسمه بعد
وياويلك ياسواد
ليلك لما تطلع لك الحيّه الرقطه ...
عاد الحين احنا رحنا القمر وخلصنا خلونا انقولكم على نظريه اوكي ؟؟؟
لاتصدقون كان
مجرد حلم عابر في مخيلتي .. ولاسطح قمر ولابطيخ كل مافي الموضوع اني كنت قاعد على
شاطئ البحر صوب المارينا كرسنت والتقطت هالصور اللي جنهم سطح القمر
عاد انا هني تذكرت شغله .. تذكرون لما طلع تقرير وقالوا فيه انه الامريكان فعلا
ماراحوا القمر ؟؟ انا هني قلت والله شكلها صج السالفه صوروا في البر عندهم وقصوا
علينا وقالوا انهم راحوا القمر واحنا ياغافلين لكم الله ... ليش ماانصور احنا بعد
في البر او صوب البحر عندنا ونقول انه احنا وصلنا كوكب بلوتو مثلا ؟؟ خو اشدراهم
مايدرون لا وانقول بعد سوينا عزيمه على سطح كوكب بلوتو وانييب معانا صخلتين ونذبحهم
وهالجدور والمرق واندف لااتندف لحق لاتلحق خو مايدرون عدل ؟؟ ها منو يسوي المشروع
هذا وياي ؟؟ ترى البر موجود والصخلتين موجودات اللي يبي يسوي المشروع وياي حياه
الله ... بالله بذمتكم شنو الفرق بين المكان اللي انا صورته والمكان اللي قالوا
عنه اهمه سطح القمر ها ؟ الفرق انه هني دندرن اهوه اللي امصور وهناك اهمه اللي
امصورين ^_^