من زمان ماقزينا شوي في شوارعنا الحلوه .. خلونا اليوم نطق لنا فره عالماشي
مثلا طق براسك اتروح شارع سالم المبارك تبي تتسوق .. وأول ماتدش الشارع اتلاقي الشارع ظلمه خرمــــــــــــس ماكو كهرباء شنو يكون موقفك ؟؟؟ عادي يعني شنو بيصير بدش الشارع واطلع الصوب الثاني هههههههه
وبعد ماضاق خلقكم من اللي صار لكم انا بوديكم حق مطعم بحولي ... يالله خنروح نطلع على البحر واحنا اللي رايحين لمنطقة حولي العالميه
عاد الله يعينكم من اللي راح تشوفونه بالشارع
ترى هابين في هالسيارات يعني منهم الجماعه ترى احنا شي ركب له تاكسي طوله مني لي شاليهات الخيران وقام يقز عالبحر ... مالت خو اركب طقطاقي ترى زين
؟؟؟؟؟ ليش عاد جذي ؟؟؟؟؟
الحين خلصنا من السيارات الطويله اللي جنهم زرافه انيي حق هذيل عاد
بس عاد تدرون ترى هذيل احسن من هذوليج
انا اقولكم احسن بشنو هذي تلبق بكل مكان ويدش بكل داعوس ماعنده مشكله هذيج املك اتدش بشارع سالم المبارك اللي صوب الطاهر ونكست والغانم الشارع اللي رايح راد فوق حدر اعتقد ماكو رصيف ماراح يصعده
لفت نظري هالشاب اللطيف اللي كاتب على سيارته هالكلام
ممممممممم اهيه وجهة نظر ... لكن خل تطالعه بنت واتطل بويهه بس مجرد طلّه .. اعتقد ماكو لاشارع ولاسكه في الكويت الا راح وراها ... يعني ماله داعي هالحجي والكتابه ... يعني ترى البنات مو هامينك ؟؟ خير ان شاءالله
المهم وصلنا حولي يالله خل اعشيكم وبعدها نلاقيكم ان شاءالله في القـّزه اليايه سلام عليكم
