اليوم موضوعنا شوي قديم … وودي اتكلم شوي عن الماضي الباست الباست يايبا مو الحاضر الحين ؟؟

واللي ماله أول ماله تالي ياجماعة الخير مو ؟؟

المهم نبدأ شوي شوي ونسترسل بالحجي لين مانوصل حق … والا اقولكم خلوها آخر شي عشان تعرفون شلون الواحد قبل كان يعاني ^_^


بياعة الباجيلا والنخّي … أيام قبل كانوا الشباب اللطيف يقعدون عندها ياكلون من هالبوادي اللي يايبتهم اهيه لين مايخلصون وعقب يعطونها بيزاتها ويتوكلون على الله

الحين انروح حق قعدة الابهات … يعني باباتتنا يعني ابهاتنا … يعني الوالد اوووه

ونشوف الوالد وين كان يقعد


كانوا ماعندهم الا هالقهاوي … هالارجيله والقدو واستكانة الجاي والنامليت وانقز

ماكان عندهم لاستار بكس ولاكوستا ولايشربون موكا بارده وحاره والا كابتشينو ولاغيره ولابطيخ


ويامهدلييييي غير راس القدو … وطرطرطرطرطرطرطرطرطرطرطرطرطرطر

عاد مساكين على وقتهم مافي اختراع اسمه بلوتوث حق التضبط بالقهاوي

اتلاقي الواحد طاق بريوله بالقهوه مايتحرك من مكانه كلش لين يقول الله أكبر صلاة العشا اتلاقيه ينطر زول يمر بالغلط زول وحده رايحه السوق والا شي عشان يحبها خو قبل من تمر وحده على طول اللي يشوفها يحبها وتلاقيه ثاني يوم طاق بيت اهلها خاطبها ودور الاسبوع الملجه عقبها عاد اذا شاف وحده واعجبته يروح بيتهم ويحط راسه على المخده ويقعد يفكر فيها ويسوي قصص حب بينه وبين نفسه والمهفّه اتهف عليه ومساكين ماكو لاتكييف ولاشي … هني العذاب في الحب مو الحين قاعدين بالتكييف وطايحين له رضاع وآخر شي يتهاوشون وينامون


طبعا اعتقد عرفتوه مايبليه بعد .. هذا الفنان القدير بدر الطيار

المهم نرجع حق موضوعنا الحين ونشوف بعض السوالف البطاليه اللي اتصير في قهاوي قبل


اتلاقي واحد عقب ماشرب استكانة جايه وراس القدو ماله يكتشف انه مافي مخباته ولابيزه يدفع حق راعي القهوه ويبي ينحاش مثل اخونا هذا جان يصيدونه هىهىهىهى

انخلص الحين من القهاوي القديمه ونروح نشوف شلون كانوا يبنون البيوت قديما


هني واهمه يشتغلون وكراف لين اخر النهار ماكو لاشركات مقاولات ولاشي


وبوسط الشغل يطلع لك راعي البيت يقعد يستملق على مخك بييييييه والله فاضي

وتلاقونهم يقعدون يغنون اغاني حزينه جدا من القهر اللي اهمه فيه ويطلعون الاكو والماكو مساكين وعليه عليهم

الحين انروح حق اليهال واللي كانوا يسوونه قبل في الفريج وهالسوالف

عاد اتلاقي الابو توه ياي البيت ويتذكر انه عنده ولد يلعب بالسكه


ويقعد يسأل ربعه …. ها ماشفتوا فلان ؟؟ والله اذا ماقلتوا وينه اطقكم … وعاد يفصل عليه واحد من اليهال ومن يلف ظهره الابو يعطيه الياهل وحده من ورى يحذفه بصخره ويصيرون ربعه انذول ويعلمون عليه لوووووول ويبدأ الفلم بين الريّال العود والياهل


الولد منحاش والابو اللي يدور ولده قاعد يلحقه ويحذفه بكل شي يلاقيه جدامه من نعل عزكم الله والا صخر والا بعقاله اي شي يشوفه جدامه يحذفه فيه

عاد شوفوا لما يصيده لوووووووووول … الدكتاتوريه كلها تطلع على هالياهل المسكين

شوفوا الياهل الاقرع الضعيف قاعد يطاول الابو العقال عشان يطق رفيجه لوووووووووول

والله نذل هالصبي هىهىهىهىهى

أحححححححح يعور ياشقول عاد بالاخير يفصل عليهم كلبوهم اي واحد يشوفه جدامه يطقه

وهات عقبها تحذف على الريال العود من اليهال كلهم …اذا موقد السالفه ليش تطقهم؟؟ هىهىهىهىهى

ترى انا ماكنت اسوي جذي قبل انا زين ماأحذف ولاشي

الحين عاد راح الابو من عقب هالهوشه أوكي ؟؟ راح يدور ولده

ولازالت الحره اللي في اليهال موجوده ليما الحين ماابردت والدليل ريل هالصبي يرفس التراب من عقب ماراح اللي كفخوه

وتلاقي البنات في الفريج يلعبون ومالهم شغل في شي كلش والصبيان يلعبون وياهم عااااااااادي جدا قمه في البراءه قبل …. والله حسافه لو عيال قبل بشطانة عيال هالوقت جان كل واحد امضبط نص بنات الفريج جان الواحد قبل عنده على الاقل اربع بنات من فريج واحد … بس وين راحت عليهم … أحم أحم

واييلك عاد شوي الفريج ههههههههه املقط كل غنم الفريج ورايح يرعاهم … ولما يخلص يفتر في الفريج يقط على اصخله والا تيس على بيت معازيبه واهو اللي رايح … والمسكين من يدش الفريج مايخلونه عيال الفريج بحاله ايننون أم اللي يابته

وتلاقيه يزفف فيهم وماايوزون

ماكو فكه اميننينك يعني اميننينك

لوووووول اشفيه قام يصاقل ويرافس ؟؟؟ مسكين مو منه من الحره اللي فيه عيال قبل كلش مو شياطين

ولازال البحث جاريا عن الولد اللي منحاش واهله مو دارين وين رايح … خو راح تعرفون بالاخير ليش يدورونه اهله

جان يجغده الأبو هههههههه مسكين تالّه من اذونه صاده عند الشاوي ويبي يوديه وين؟؟؟

الحين اتعرفون وين يبي يوديه

وهني المسكين الولد يستفسر عن سبب البحث عنه

هههههههه شنو هذا ؟؟

زوووم زوووم بعّد الزووووم

اهااااا اثاري هذا الحلاق ايييييييه عرفنا الغمنده يبون يحلقونه

وهالشمّاته هذيل قاعدين بره الحلاق ويتطنزون على عليوي ويغنون عليه

والحلاق عصب عليهم هم يننوه المسكين مايخلون احد بحاله

والابو موداري عن هوى دار الولد نايم بالحلاق والحلاق يقصقص بشعر ولده .. عاد قبل ماكو لاسبايكي ولامارينز ولابطيخ اهمه قصتين ماكو غيرهم … دجّه والا تواليت والبكله على صوب هههههه

وليييييييييييه اشفيه هذا بعد اشيبي يسوي ؟؟ لووووووووووووووول

جان يحذف المنظره السحريه … عاد من زين المنظره اقصاها جامة كبت شالعها وحاطها بالمحل عشان الزباين

جان يدزّه الحلاق ورى الصبيان اللي كسروا المنظره

الأبن يقعد الأبو عشان يشرح له اللي صاير … يقولك فكه الولد خلاص مايبي يحلق لوووووول خو قبل يستانسون على الخنافس والشعر الطويل

الولد يشرح للأب

الحين عاد منو بيكمل تحسونة الولد ؟؟؟

أهااااااااا الوالد اهو اللي بيكمل تحسونة الولد ماكو فكه من التحسونه والمسكين تغرق من الماي اللي كتّه الابو على راس ولده يعني الحين امغسل راسه ها ؟؟ والا الماي كله على هدومه

الوالد يفرك راس الولد بالماء

ويضع الفوطه ….. ههههههه مو جذي يحطون الفوطه يايبا

ويبدأ الأب في حلاقة ابنه

عاش الوالد عااااااااش

حشا قصاااااب مو حلاقه صارت هذي

امحلقينك حق العيد يعني امحلقينك هىهىهىهى اثاري الوالد يدور الولد يبي يحلقه عشان العيد والولد اهياته من سكه لي سكه ومن فريج لي فريج ومن شاوي لي امشاحي جلاب عزكم الله

وبس سلامتكم عاد وسامحونا اذا طولنا عليكم

ولمشاهدة مقاطع الأوبريت كامل … حياكم المقاطع التاليه كامله

أوبريت والله زمن 1 – القهوه

أوبريت والله زمن 2 – لابس عقال مطولي كراكيشه

أوبريت والله زمن 3 – شاوي المطبه

أوبريت والله زمن 4 – شاوي المطبه

أوبريت والله زمن 5 – التيس ينطح

أوبريت والله زمن 6 – اقرع اقيرع طاح بالطاسه

تمت كتابة هذا الموضوع بتاريخ 12/11/2004

العوده للصفحه الرئيسيه