السلام عليكم ورحمة الله وبركاته
نعود اليكم في الجزء التاسع من شواهد من شوارع الكويت ... طبعا مثل ماتعرفون الواحد طول مااهو ماشي بالطريج يشوف الشي الحلو والشي الموحلو نوعا ما لكن فوق هذا كله كل شي حلو في ديرتنا الكويت يابعد جبدي والله ^_^
وخلونا اليوم نشوف بعض المركبات المتحركه في شوارعنا الحلوه
يعني سياكل شاحنات سيارات باصات طقطاقيات اي شي من هالقبيل
وخلونا نبتدي مع هالحبيب
هذا اللي يقولك حشرٍ مع الناس عيد ^_^
وتتفاجأ
طول ماإنته ماشي بالطريج باللي يبط جبدك ومو مخليك اتشوف اللي جدامك
تروح يمين مسكر عليك ... تروح يسار هم مسكر عليك يعني شالحل وياك يالطيب ؟؟
لكن لحظه لحظه .... مممممممممممممممممممممممم
في شي غلط بالموضوع ممممممممممممممم
مممممممممممممممممممممممم
مممممممممممم
ممممم
انا اقول بعد انه في شي غلط بالموضوع
مو جنه
الباص عوي ؟؟؟ والا انا يتراوالي ؟؟؟
لاوالله صج عوي اشفيهم توايرك مشوطرين كل واحد بصوب ؟؟؟
الحين ماخلصنا من كبرك طاح حظك بعد هالدور ماخذ حارتين ؟؟
ولييييييييييه اهو وخّر بس وخّر مالنا خلق يامعود ^_^
انزين يقولكم بعد هالايام الجو حار وايد ... والواحد الحمدالله عايش بديرة خير ولله الحمد التكييف بكل مكان والاختراعات بكل مكان لكن الظاهر ربعنا هني اخترعوا شغلات يديده في هالامور
يقولكم الواحد اذا يبي ينحاش من حرارة الشمس يشوف له اي طريقه وخصوصا اذا كان بالسياره عشان ماتحوشه الشمس مباشرة
فيطلع الابداع وتبدأ بعض المحلات في عرض المنتجات ليتسابق عليها الزبون ليقي نفسه من حرارة الشمس
انزين لاتطولها واهيه قصيره اهو خلص ^_^
انشوف الابداع الأول ونتكلم شويه عنه ....
الحبيب استغل الظروف القاهره لصاحب البقاله ... مادري شيلوه سكروا بقالته بالشمع الاحمر او شي مني مناك والاخ استغل الوضع جان يدعس سيارته داخل البقاله عشان ماتطقها الشمس ^_^
ونروح
الحين ونشوف الاختراع الثاني اليديد اللي نزل للسوق
يالله بسرعه بسرعه قبل لاتخلص الكميه الموجوده ^_^
انزين خلصنا من ربعنا اصحاب الابداعات خلونا نشوف الحين المدرسه المتحركه ... وشوفوا شلون لما يقولكم اطلبوا العلم من المهد الى اللحد
هني عاد
راح تشوف طريقة ثانيه واهيه اطلبوا العلم حتى لو كان بالسياره ... حق اللي يبي يعرف
ويتعلم انجليزي يلحق هالسياره لين مايتعلم انجليزي بلا غربه بلا بطيخ بلا اعيش عند
عايله انجليزيه على ابو اني اتعلم لغه واخرتها ياقافلين علي الباب مو مخليني ادخل
البيت تالي الليل ... والا تبتلش في عيوز النار الام وكل يوم تصرخ عليك على ابو انه
لغه ولما تصرخ بويهها اتسويلك افلام مالها أول ولاتالي ... فأنا اقول خلكم بالديره
وايد احسن ولحقوا هالسيارات ترى تعم الفايده
******************
وانا ماشي الصبح بالليل ... وخير اللهم اجعله خير ... شفت شغله تذكرت فيها فلم عادل إمام ... كراكون في الشارع
ابد تقول غرفة نوم متنقله ياسبحان الله ... وفي الأخير شنو تطلع ؟؟؟
الحين خلونا نروح ونشوف بعض هالسيارات الشحن وانشوفهم شنو يشيلون وشنو مايشيلون بعد
خو اهمه كل شي يشيلون بس هالمره بنشوف تحميله غير شوي
هذا سلمكم الله مادري شنو يبي يودي حق اهله على هالصندوق ... تقول حاط الشقه كلها في هالصندوق
بس عاد شرايكم بالعنوان اللي اهوه كاتبه المرسل اليه .... ؟؟ الاكو والماكو بالشارع يشوف العنوان بعد شناطر يالحبيب اكتب اسم الفريج وعيال الفريج وكل اللي بقطعتكم لاتخلي احد ماتحط اسمه وعنوان بيتهم عشان مايضيع الصندوق
اتكمل طريجك
والا تشوف سياره جدامك اتزفك
ههههههههه انزين ليش عاد ؟؟؟
وتقولك خلك بعيد ... بس عاد الشاطر يقزرها على هالسياره ^_^ ويقعد يغني وياها
آآآآه
يابوعيد
وآخيرا وليس آخرا نشوف هالحبيب اللي ماتهمه الدنيا العالميه ولاشي ^_^
V
V
V
تصوير وتعليق دندرن HaMaD
ونشوفكم ان شاءالله في مواضيع أخرى بأذن الله تعالى