السلام عليكم ورحمة الله وبركاته
اول شي نقدر نقول لكم شلونكم شاخباركم عساكم طيبين ان شاءالله
ونعود اليكم من جديد في الجزء الثامن من شواهد من شوارع الكويت
نبتدي اول شي في مكان كله زحمه ولويه ومالك مكان حتى تصفط سيارتك للأسف وهو صوب عدة بنوك كويتيه صوب البورصه
طبعا ماشاءالله هناك مالك محط رجل من الزحمه .. وتشوف في وسط هالزحمه لوحه تنبيهيه بعدم الوقوف في مكان معين ... فخلونا نشوف
شنو مكتوب في هاللوحه التنبيهيه وعلى ماذا تحتوي
انزين انا بعرف اهوه اي نقد يقصد النقد الفني والا الرياضي ؟؟؟
تكفى بطلوا عيونكم شوي (^_^)
تعالوا الحين نطلع شوي ونروح انقز بالشوارع وانشوف شاللي عندها
جذي وانت ماشي في امان الله تمشي وتمشي وتمشي بلاد تشيلني وبلاد تحطني وجك بم وتطيح عينك على هذا
يعني انا بعرف شغله .. اهو الحين مستانس امطلع سيقانه جدام الاوادم والا حركه بس يبي يلفت نظر الاوادم؟؟
انزين مثلا مثلا نقول مثلا .. يبي يضبط وحده وقالت له البنيه .. اهوه العاده البنت اتقول حق اللي يلبس خوذه شيل الخوذه بشوف ويهك
هذا شتقوله بالله ؟؟ شيل غترتك وعقالك عشان اشوف ويهك؟؟
بييييييييييه عاد عباله اذا ماعجبتها تعال طق اللطمه من يديد والا الاشاره شابه والعالم وراك تدقدق هرنات طاط طااااااااط وانت تأشر لهم لحظه لحظه يبا الحين اعدل نسفتي وامشي ...
بس انا عاجبني المكسّر اللي لابسه جذي مع السيقان وايد مغري يالحبيب
انخلص من هذا ونروح شوي نتمشى بعد وبعد وبعد
هوب هوب هوووووووووب شنو هذا؟؟
واااااااااااااي ياحلاته ابي منه .... هههه اثاري صايره موضه بالديره هالسالفه
حتى الصعيدي لبس اللباس الرسمي اللي قلنا عنه قبل شوي للسياكل واداها قزّه مثل اخونا اللي قبل شوي .. بس هالمره الصعيدي ملتزم بالزي الرسمي لبلدته اسيوط ولابس العمّه والجوانتي والدشداشه الباراشوت .. وهات ياقز
يحليله والله ملتزم باللوحات المروريه وواقف مثل ماطلبت منه اللوحه المروريه
على فكره ترى هذا مو قاري هذا سيكل بو قاري القديم .. اثنين في واحد .. حشا شامبو مو سيكل
انخلص من اهل السياكل وانروح لأصحاب السيارات الحين وانشوف شكو ماكو
وتلاقي واحد مار عليك يمشي حد العداد 300 واتشوف اللي يمه قاعد امبطل اللاب توب ويشتغل عليه
آخرتها لو اتركز فيه اتلاقيه يلعب قيمز
اتخلص من هذا والا يمرك الفلته الخطير اللي ذبح عمره وقالك يبي يكتب شي على سيارته وشي خطير ترى ها ؟؟
تعالوا نشوف شنو كاتب الاخ
يعني قصده تكفى لاتحوش سيارتي ... بس شوفوا شلون كاتب الجمله ولكم التعليق ... دندرن
طوفوا طوفوا ولاتركزون ... وشوفوا الافتراء ياخراااااااابي اي ده ابعز الحر وامركبهم بالهواء الطلق
تعجبني ثقة بعض الامهات في ترك اعيالهم يسرحون ويمرحون كما يحلوا لهم من غير رقابه .. يعني انتي ماخذه عيالج وامكشختهم على سنقة عشره واخرتها اتخلينهم ياخذون حمام شمس جدام الاوادم ؟؟
لعب ولعب ودثر وتحمم وخلص شغله وامه قاعده اتطالعه .. لاومعاه اخته بعد كانت تلعب وياه عند النافوره اللي بمارينا كرسنت
انزين الحين عقب حمام الشمس هذا وين بتودينهم ؟؟ لايكون بس بتكملين فرارتج واهمه ملابسهم متغرقه ماي ؟؟
تعالوا الحين بوديكم الى احدى
المناطق اللي احبها
بوريكم شي غريب في هالمنطقه مادري بالضبط شنو هالشي
ممر ترابي بجانب أحد البيوت مادري هل هالممر هذا يودي للطابق الثاني للبيت على طول والا شالسالفه يعني ؟؟
يذكرني في الاماكن القديمه اللي
يسوون فيها اختبارات حق اللي يبون يتعلمون على سياقة السيارات كانوا جذي يسوون
الجماعه جبال اصطناعيه يعني جسر