شواهد من شوارع الكويت الجزء الرابع

هذا الجزء الرابع  لشواهد من شواارع الكويت ... راح انشوف اليوم شي من اللي يصير بشوارعنا الحلوه .... دندرن

راح انشوف بعض الافكار الجهنميه اللي تصير للواحد لما يوصل الى مرحله عميـــــــــــــــــــــــــــــــــــــــــــقه في التفكير ... ونشوف لما الواحد يوقف مخـّه شنو يسوي عشان يطلع الفكره اللي بيوصل لها

 لايطلع مخّك مع هالتفكير واللي يعافيك 

نطلع شويه من بوتقة التفكير العجيب ونروح نفتر شوي بالشارع ... ولايزالون اصحاب السياكل في وادي والناس في وادي آخر .....يعني مثلا سؤال يطرح نفسه ليش دايم اصحاب السياكل من يشوفون بنت صاروا دعله والصقوا فيها؟؟  هالسؤال لازم اوجهه للبنات عشان اعرف وجهة نظرهم في الموضوع اشمعنى اصحاب السياكل اهمه الشسمه ؟؟؟

انزين بالله طحت لك بوحده غشيمه ياراعي السيكل وعندها جيب والا سوبربان وانت تتحرش فيها جذي بالغلط نامت عليك بسيارتها ... قلت بسيارتها عشان لايروح تفكيركم بعيد بعد  المهم ونامت عليك وصعدتك فوق الرصيف بعيد الشر عنكم ان شاءالله كلكم شيكون موقفك بالله ؟؟؟ انا اعتقد وقتها بتـ ... نمل

ومن بعد هاللويه والعفيسه خل نروح نشوف نوعيه من الشباب اللي من بعد مايخلصون سباحه في البحر وقفوا على شارع الخليج عند الرصيف وانسدحوا ... انزين شنو المتعه يعني ؟؟؟

احنا الثلاثه والقطيو بروحه ههههه  طبعا اهمه نوعين من هالشباب ياينسدحون على العشب ... او تلاقيهم كل واحد فوطته على راسه والا قاعد يأشر يبي توصيله حق بيتهم ... انزين دامك ماعندك سياره ولافلوس تاكسي شاللي يايبك يعني ؟؟ الحين البحر صار حلو يعني ؟؟؟ اترس لك ماي بطشت واقعد فيه ترى وايد زين

الحين عاد خلصنا من البحر وبلاويه خلاص بنروح بيوتنا ... تلاقي وانت ماشي بالغلط احدى سيارات الدول الشقيقه والمجاوره لنا من المملكه العربيه السعوديه

طبعا لاتعليق ... بس اهو سؤال للاخوه في السعوديه ... شنو معنات هالاحرف هذي اللي على لوحة السيارات ؟؟ شنو القصد منها وعلى اي اساس توضع على اللوحه؟؟ هل هي دليل على المنطقه مثلا او الاماره او المحافظه او شنو بالضبط؟؟

هذي كانت فرتنا على شارع الخليج بالجزء الرابع من شواهد من شوارع الكويت العامره والحلوه ... انشوفكم ان شاءالله في الجزء الخامس والسادس ...