سلام عليكم ورحمة الله وبركاته
كل عام وانتوا بخير ان شاءالله ..
شلونكم طيبين ان شاءالله عساكم بخير شلونكم بعد شاخباركم شلونكم بعد .. اي خلاص عاد
هذا حال البعض اذا سلموا على بعض يسال السؤال اربعتش مره مايخلص
هالمره بتكون فرارتنا على بعض السلوكيات اللي تصير بالشوارع مثل بياعين البرّد وغيرهم
ونبلّش
ويبتدون بمزاحمة الشارع لا والمشكله يمشون في البطئ جنها اعادة لهجمه في مباراة ..
قبل كانوا من غير سياكل يعني المفروض الحين اسرع شوي بس شنو الفرق دام السيكل على قاري .. انزين خلوهم في اوقات غير الذروه يتحركون من المناطق مو في وقت الذروه حزة طلعة الدوامات
والله ماقول هالكلام الا عشان المحافظه على ارواحكم من الحوادث لاتصيرون عاد مسكتين ومايهمكم شي ترا الملقّف وايد بالشوارع عن الجمبزه عاد
الحبيب خذاله حاره بروحه
لا عاااااد مو من صجك
ونروح نشوف هالحبايب .. شكلهم يا
يتهاوشون عالمكان والا واحد يبي سلف برّد من الثاني
ونروح نشوف الحبيب الثاني اللي شايل بلاوي بسيارته وماله شغل باللي وراه طاحوا ماطاحوا بالطقاق مو مهم اخرتها يصفط عاليمين ويلملم اغراضه
بالله هذا شتسوون فيه ؟؟
ونروح نشوف هالطيب اللي الظاهر والله العالم حب يختبر ثبات سيارته واخرتها قعد بنص الدوار
وفي الاخير نشوف اللامبالاة من البعض اللي يخلون سياراتهم بالشارع اسبوع اسبوعين ممكن شهر عادي مو مهم مال عمك لايهمك واذا انشالت السياره بعدين من البلديه والا غيرها قام يصارخ ويتشكى مايخلي جريده مايشتكي فيها على اللي سحب السياره اي شيل سيارتك من الاول وفكنا واذا ماتبيها يبا تبرع فيها جزاك الله خير
وسلام