السلام عليكم ورحمة الله وبركاته
في مره من المرارير خذيتلي موتر صغيّر الله يعطيني خيره ويكافيني شره ان شاءالله ... اي قولوا آمين عاد
المهم فطق براسي اني افتر لكي أغير قليلا من الجو لدي ... فتعرفون الواحد زحمة شغل وعمل فلازم الواحد شوي يغير قليلا من الجو لديه
وبما انه من زمان ما افترينا في شوارع الكويت العامره حياكم معاي نشوف شفيها مافيها شاللي تغير شاللي ماتغير ..
يالله بسم الله نتوكل على الله
هذي موتري العجيب ... شرايكم فيه حلو مو ؟؟ ^_^
وبدايتن وانا توني طالع من فريجنا ومسكت الشارع الرئيسي لمنطقتنا الظريفه والا اشوف راعي هالوانيت امحمل سحاحير وكراتين وفوق رابط كرسي بروحه
انزين لماذا بروحه ومربوط ؟؟ خو من زين الكرسي عاد اقصاه كرسي نايلون يوزعونه مجانا مع كل ربطة ارويد من جبرة الخضره مادري ليش خايف عليه لي هالدرجه
حلاتها عاد وقته تكون درجة الحراره فوق الخمسين وراعي هالوانيت رايح طريج بعيد شوي يعني نقدر نقول العبدلي والا السالمي خو هذيل ابعد مناطق عندنا وقاصين على روحنا فيهم نقول اوله يابعدهم .. عاد المهم مايوصل هناك الا الكرسي ذايب سايح من الحروره ايااااباااه ويتحسر عليه ويرد الديره ويشتري له كرسي ثاني وهم بعد يسيح من الحروره وبعدين يزهق من الديره راعي الوانيت ويهاجر يروح ديرته ... وبجذي تخف الزحمه اللي صايره عندنا بسبة هالوافدين
نروح نشوف شاب لطيف آخر
مادري شنو الحكمه من انه رابط سلسله في هالمكان ... يمكن يقلص الجت سكي ماله فيها ؟؟
الله اعلم كل شي جايز
ياسلام عليك انت بعد مو مخلي ورده نايلون مو ملزقها عالسياره بابو
مممممم خنشوف غيره ...
زين انا خابر السمج لما يموت يطفو على اليال مو طراد ... لا وصاير مرتع للعب الاطفال
هذي الظاهر عين ماصلت عالنبي يابته كتاف
جك بم والا السيد لقاح النخل ... متعلق على نخله وقاعد يعابل فيها ....
عاشوا الشباب قوهم قوهم
خلونا نروح ننزل شوي من السياره نتمشى على ريولنا ... خل نتمشى شوي على شواطئنا الجميله
في أيام العطل الرسميه يكثرون ماشاءالله الجاليه الهنديه على شواطئ الكويت يقزرونها سباحه وفراره وتمشي وصواريخ على بعض وهذا يضبط ميري وذاك يتحرش بشامه وهات ياجذب ... المهم تعالوا نشوف هالشباب الحلوين
عندهم وقفة تصوير والحبيب الطرفي كاشت فيهم يدق زقاره ذابحته
يالله خنكمل تمشي
ياعيني عالسدحه ... رووووح مين قدك
شي جميل
ههههههههههه منو اللي حابسج هني ^_^
عاد خلصنا من الشواطئ واذا بي اتفاجأ مثل ماتفاجأوا الماره بوجود سوق اليمعه عند سوق شرق هههههههه
على نوص على نوص
منو يشيل على نووص
انزين شرايكم بظاهره صايره هالجم يوم في الديره ... وهي انك لما تطلع بتركب سيارتك والا تلاقي على يدة الباب والا جامة السياره كرت حق كهربجي والا ندّاف والا مطعم والا والا والا ... هذا كمثال يعني
لكن لما تشوفون مثل هالكرت محطوط على السياره شبتكون ردة فعلكم؟
تعالوا نشوف الكرت مع بعض
سلمكم الله هذا قبل عيد الحب بجم يوم لقينا هالكرت على السياره فانتوا شرايكم بالمكتوب عليه وبصراحه
يقولك المكتوب عالكرت
"محتار في هديه ؟ فاجئ من تحب بارسال فرقه موسيقيه تحتفل به عند باب منزله في أي مناسبه"
زين عاد اي نوع عندكم من فنون الموسيقى ؟
تدرون شلون خل نسمع بعض انواع الطقطقه وكل واحد ومزاجه
مادري شيقولون واقص ايدي اذا الغالبيه يعرفون شيقولون يالله فوقه وحتة ضغطه صغيره
ها شرايكم بانواع الطقطقه ^_^
يعني انا بعرف شلون فرقه موسيقيه تروح عند باب بيت الحبيب ؟؟
وفرضا طلع له الابو وشاف الفرقه شبيقولون الطقاقين حق الابو ؟؟ واللي يعافيك نبي بنتك والا ولدك عشان انطقله لأنه احد الاشخاص اتفق معانا عشان انونس بنتكم والا ولدكم بعيد الحب ؟؟
ماقول الا يا اخرطي الصراحه ... جني اشوف الابو الكريم بيشختكم باقرب ماعنده وبيتوالكم طق سنه بساعه
ماتستحون ؟؟ اش هالقواة العين اللي اتييبون فرقه عند باب البيت شنو ماكو حيا بويووهكم ؟؟ والله عيب
انزين فرضا واحد مايدل بيت حبيبته شلون يعني وين يطرش الفرقه ؟؟
يقولهم روحوا عند باب دوامها واول ماتطلع من دوامها لحقوها وغنولها ؟؟ ههههههههههه عاد تخيلوا الفرقه لاحقينها واهي منحاشه واهمه وراها يطقطقون ياحسين انا عيني سهيره ماتذوق المنام لوووووووول وتلاقون الفرقه راكبين وانيت بو غمارتين ومحشورين كلهم في البودي ويطقون مره هبان ومره سامري ومره شرقي ومره غربي وحلاتها بعد جذي بنص الطريج تصير زحمه ويطق بريك قوي راعي الوانيت بشوف شبيصير فيهم وقتها
الصراحه مصخره
لا وبعد مترجمه باللغه الانجليزيه ..
انزين خلصنا من بطاقة عيد الحب خنشوف كرت ثاني لووووووول
شرايكم في ابو فيصل ؟؟
ياسلام على الخدمه السريعه يابو فيصل .. بس عاد هل عندك ترخيص يارجب ؟ ^_^
أهم شي مكتوب تقطيع حسب الطلب ... تخيل حجي رجب تدق عليه وخلال نص ساعه يايلك بو فيصل وصافط عند باب بيتكم ويلبس المريول ماله ويقولك تنقى من هالخرفان الطيبه الموجوده في الوانيت ويسحبه بو فيصل ويسمي عليه ويكر الخروف ويطشر دمه تطشيرتن قشره
يالله سامحوني طولت عليكم واشوفكم في لقاءات أخرى واشوفكم على خير
تقبلوا تحية شقيقكم دندرن
فمان الله