3/4/2010
السلام عليكم ورحمة الله وبركاته
مثل ماذكرنا قبل في مرات سابقه ... راح تكون رحلتنا اليوم ايضا برعاية خرفان افندي هذا سلمكم الله صديقي من 4 سنين دائما يواسيني في رحلاتي فاليوم سلمكم الله خرفان افندي شاف اشياء حزت بخاطره الصراحه ... فشرايكم نشوف شنو الشغلات اللي حزت بخاطر الحبيب خرفان افندي
وانا بطريقي لمجمع الافنيوز هذا المجمع اللي سووه طفره بين مجمعات الكويت عامه واللي على كثرة مصافطه ماتلاقي موقف ايام الويك اند الا بطلعة الروح شاهدنا بعض الشواهد اللي لازم انها تتشاهد
الله يهداك ليش جذي حاشر الخرفان
بهالحر داخل هالباص؟؟ عيزان اعنبو دار بليسك تنقلهم بشكل سليم وصحيح ؟؟
المصيبه الثانيه اتهقون شنو الريحه في هالوقت داخل الباص ؟؟ لا وعاد المصيبه الاكبر لو يكون طاق درب يعني مثلا من الوفره لي العبدلي ... اتهقون يستحمل ؟؟
ماظن
انخلص من هالشغله اللي حزت بخاطر خرفان افندي ونشوف شغله ثانيه
ركز خرفان افندي ... وركز كثيرا
وقال في قرارة نفسه ياترى هل راح يكون مصيري مثل مصير ربعي هذيل ؟؟
ونخلص من خرفان وربعه ونكمل طريجنا ... ونشوف هالطيب
بالله هذي حاله ؟؟؟ الطيب منشكح في الكشن الخلفي وامدد ريوله بره الجام ... اي خلي الهوى يطقها قبل لاتوصل البيت ويشمون الريحه المميته
خلوا احترام للشارع وللناس اللي بالشارع يابعض الاوادم اللي في الطريق
مالكم نيه تنظفونها يعني ؟؟
الله يحفظكم ان شاءالله ياجماعه لاتتهورون زياده ترى هذا شارع وفي ناس بالشارع طايرين بسياقتهم ماينتبهون
ووصلنا للافنيوز ونشوف جم شغله بالمجمع
ترا مو نشيد وطني يالطيب قاعدين
يدمبكون اي شي ... شفيك متسمّت جذي ؟
شنو السر ياترى ؟؟؟
ونطلع من المجمع ونروح نفتر شوي
باتجاه مجمع آخر بعد ماصار الجو حليو شوي والمطر يرفرف ومع شوية يوع يطقك بنص
الطريق فلابد انك تاكل اي شي جدامك
ووصلنا صوب مجمع المارينا مول وكان في فريق سياكل من البحرين يتجولون على البحر والمطر يرفرف لااله الا الله ... الله يديم هالاجواء الحلوه ان شاءالله
وفجأة
ياجماعه انتبهوا بسياقتكم ... عسى الله يحفظ الجميع
الحمدالله ماكو الا العافيه لصاحب السياره مافيه شي الحمدالله ... بس الله يهداكم ديروا بالكم بالطريج انتبهوا خصوصا وقت المطر
ومن بعد هالتعب والحوسه قلنا نروح نقعد بستار بكس المارينا كريسنت شوي والا هالشخابيط اللي على الطاوله ... شدعوه عليكم ذكرتوني بايام المدارس ماكو طاوله دراسه مو مشخطه .. الكل يطلع هواياته على هالطاوله المسكينه .. اهي رسومات ... اهي اشعار وقصايد اهي نكت مليقه وبلاوي متنيله بستين نيله
بس هالمره كان في شبه اثبات حاله على هالطاوله
انزين اوكي انتي كنتي هني احنا شكو
؟؟ شالمطلوب نسوي ؟؟ الله يهديج يادانو مو جذي يشخطون على الطاوله حفرتيها يامعوده
هذا شنو بعد ؟؟ شفيه جذي معفس ؟؟
... يالله خل نخربط عليه شوي
هالمره مايعطيك جوانح يعطيك غتره
وعقال تطيرك
ذبحونا يعطيك جوانح وجوانح ماعمري
حسيت بتغيير فسيولوجي لما اشربه عادي جدا حاله حال اي مشروب غازي ثاني
وسامحونا على القصور وانشوفكم ان شاءالله في اوقات أخرى باذن الله تعالى
وديروا بالكم وعسى الله يحفظ الكل