لااله الا الله ... اصبحنا واصبح الملك لله الواحد الجبار
شلونكم مره ثانيه ؟؟ زينين ؟؟ عسى عسى دوم ياربي
اليوم بنركب الطياره على متن الخطوط الجويه الكويتية في طريق عودتنا الى الكويت مرورا بترانزيت بو ساعه في جنيف وانا اللي راد
طبعا في العوده خونوا اللي معاي ماردوا يازتلهم القعده فرجعت بروحي بالطياره مو مشكله متعودين على هالسوالف .. يالله توكلوا على رب العالمين
هني في الطياره .. وكالعاده بوحميد يدور الشريشه .. عشان ياخذ راحته بالتصوير .. على فكره شريشه يعني دريشه
وهذي طيارة طيران الخليج ... ماشاءالله شعارهم اللي على ذيل الطيارة تقول نقشة دراعه هنديه
وخّر يالحبيب بنحرك ... هذا اتمنى اشوفه يوقف هالوقفه في مطار الكويت شهر 8 الساعه وحده الظهر عشان ينظم سير الطيارات وبعدها بشوف يكمل بوظيفته والا لأ ...
عاد بقولكم شي واللي مسافرين فرنسا
اكيد ملاحظين هالشي خصوصا لما يركبون الطيارة بيردون الكويت ... الطياره تقعد تمشي
فيك تقريبا نص ساعه على توايرها تفتر فيك من شارع لي شارع لي بين مجمعات لي فنادق
لي حدايق ... ترى والله صج السالفه مو غشمره
بتشوفون ؟؟
يالله توكلوا على الله وبدت الطياره في السير على مدرج المطار عشان تاخذ مسارها بتطير ... ههههههههه اهيه المفروض تطير بس شوفوا شسوت ^_^
هني بداية التحرك من المطار ... وبدت تمشي تمشي الهوينه واويلاه
شوي والا مارّه فوق جسر والسيارات تحتنا ههههههههه
خوش مطار لوووووووول
شوي والا مادري وين مودينا الحبيب
جنه فنادق ومجمعات
لحظه ياكابتن وقف خل نتسوق شوي
طبعا هناك في عندهم شغله ثانيه بعد .. مطارهم شغال كل دقيقه وكل ثانيه طياره طايره وطياره نازله .. بالضبط مثل مطارنا هني ماشاءالله ماكو تأخير عندنا والطيارات تطير بموعدها وكل شي سبحان الله
طياره توها طايره واحنا نستعد للطيران
طياره توها طابه واحنا لازلنا نستعد للطيران
وأخيرا اقلعنا هيااااااااا مبروك مابغينا ماشاءالله ... هني في هالصوره فوق اجواء باريس توها طايره الطياره
وهذا الملعب اللي صارت عليه المباراة النهائيه في كأس العالم سنة 98 لما فرنسا فازت على البرازيل 3/صفر
وكانت طيارتنا يومها هدووووء وسكينه
ماكو الا نتفة بالطياره عاد هني على كيف كيفك كل شوي تقعد بكرسي والا تتسدح مثل
هالشاب اللطيف
ماكو أحد خرمس ششششششششششششش
ودشينا اجواء جنيف عشان ناخذ فاصل ونواصل
ياسلام عليج ياجنيف ... بالضبط جنها جبال المطلاع عندنا مو ؟؟
وهم نفس العمليه في فرنسا طياره نازله وطياره صاعده
وريحنا شوي وبعدين استكملنا رحلتنا وطرنا مره ثانيه بس هالمره كابتن الطياره طق له جم فره فوق جنيف الظاهر طار مبجر قال خل اطق فره على مايصير الوقت المضبوط للوصول
يالله اخليكم مع شوية مناظر جنيفية رائعه
بيوتهم يم المطار ماكو مشكله ... لو هني اقرب بيت من المطار يبعد 20 كيلو
خوش عمارات
يازين هالديره زيناه
آخيييييييه ياخي شي يفتح النفس سبحان الله .. هني لو ماتعرف شي بالشعر غصب عليك تصير شاعر يعني مثلا تطلع معاك قصيدة تقول
انا البارحه ياسعود عيني شقاويه
أعد النجم سهران من فرقة الغالي
ترى ماكو لاسعود ولاهم يحزنون جذي
طقت براسي هالأغنيه القديمه وقلت اقولها
شوي تتأمل وتتمقل وتشوف وتطالع وتخوزز عدل والا شنو تشوف ؟؟
انا بعرف هذا شلون يوصل حق هالكوخ ؟؟ زين يامعود روح جابل اغنمك لايطيحون من فوق الجبل وبعدين تقعد اتنتف بشعرك شعره شعره تتحسف عليهم ... خو كلهم مايتعدون 20 راس اذا راحوا شتسوي ؟؟ اتييب دوللي وتستنسخها يعني ؟؟
ونكمل طريجنا
ونعدي جبال وسهول وهضاب ووديان
والله شكلها خوش منطقه ... افكر اشتري بيت فيها ها منو يسوي شراكه معاي ؟؟
ياعيني على جبال الألب ... وآآآه ياألبي ^_^
عاد تدرون شنو اللي قزر علي الطريج الطويل من فرنسا لي الكويت ؟؟
هالياهل اللي بتشوفونه الحين
ههههههههههه ماشاءالله عليه مايركد رايح راد ويتعبث بالتكييف ويطقطق مال الأوكسجين
ويطامر على الكراسي خو ماخذ راحته ماكو الا جم نفر بالطياره عفس أم ابو الطياره
ماشاءالله عليه وأمه وابوه يطالعونه .. خو مسكوا ياهلكم لايودرنا الحين يشلع له
واير والا شي والا احنا بالفلوجه طابين
والحمدالله على سلامتنا ردينا الديره سالمين ونشوفكم ان شاءالله في مواضيع أخرى بأذن الله تعالى
وسامحونا على الطواله وكل شي مني ومناك
تصوير وتعليق دندرن HaMaD