شلونكم يالطيبين والطيبات ؟
رجعتلكم من جديد بعد غيبه لظروف مادري شنو بس المهم اني طولت عليكم وادري ولاواحد فيكم اشتاقلي ولاشي بس يالله قاعد على قلوبكم ^_^
المهم اليوم بنتكلم عن جوله صغيرونه في ربوع باريس وضواحيها وازقتها وووو الخ الخ الخ عشان في المره اليايه بنركب الطياره ونرجع الكويت ... يالله فوقه وخنشوف شي بسيط من الفراره في سوقة باريس
هذا الظاهر حواّي او شي شكله من القواطي المعروضه بالفاترينا ... وعلى فكره المنسدح عند الباب هذا ترى موصج مجسم اهمه مسوينه جذي ..
يالله خلونا نتمشى عشان تطلع اللياقه ... نصيحه اللي يبي أو تبي تسوي ريجيم سافروا ويفضل تروحون باريس عشان تطلع كل الدهون اللي فيكم صح ... خو كله مشي ينهد حيلكم وانتوا تمشون ... عاد اللي متعود على الرباده ماله داعي يسوي ريجيم يرضى بحالته ويستريح
ياحليلهم هناك عادي حريمهم يسوقون
سياكل .. قواري .. طيارات .. قطارات .. اي شي جدامها طقته ومشت
يازين باصاتهم كشف مايشيلون هم الحر
^_^ ياليت يسوون عندنا جذي وخصوصا بشهر 7 و 8 ودي اشوفهم يقعدون مثل هالقعده والا
لأ
الا تلاقي نفط يطلع من روسهم هههههههههههه
شرايكم في هالمنزل ؟؟ عجيب مو ؟؟ .. هذا يقولون لقوا وثيقة البيت القديمه وطلع حق مادري منو تصدقون ؟؟
وهذا سلمكم الله ميدان الكونكورد اللي قبل حدايق تريلوي يالله تعالوا ندش حديقه تريلوي ونشوف بعض من ملامحها الدايخه
عاد أول ماتدش والا هذيل بويهك
ناقصكم بو عيد على الكمنجه عشان تكمل السمره
زين تعالوا نشوف هالتاير العود ^_^ ولد الذين شكبره اعلى من العمارات اللي حواليه
زين سؤال بالله وقف وانت اخر شي فوق
شالحل يعني ؟؟ اتحذف عمرك عشان تنزل ؟؟ جنها ماتسوى السالفه
يالحبيب شلون التصوير معاك ؟؟ عساه فلـّه ؟؟
ممممممممممممممممم جنه المنظر يشوق
من فوق
يالله عاد طق براسي بركب هىهىهىهىهى بشوف هذا شقاعد يصور
بسم الله ... يالله سترك .. توكلنا على رب العالمين لااله الا الله
وفرّت فينا شوي والدوخه مالها والي
واخيرا استقرينا فوق .. عاد الحلو فيهم لما تصير فوق تقعد تفتر على الراحه جنهم
يقولون يالله اخذ راحتك بالتصوير
خل اوريكم بعض المناظر اللي صورتهم من فوق
مادري شنو هذا بس عجبني
وهذا ياطويلين العمر .. ميدان جارلز ديغول في شارع الشانز قوس النصر .. واللي ورى اخر شي منااااااااك للي بين العمارات هذي سلمكم الله منطقة اللاديفانس مكان فندقنا ... يالله بس جنه راسي افتر من فوق خل انزل واكمل فراره
مممممممم شرايكم في هاليخت ؟؟
بيــــــــه شنو هالرياح العاتيه
شصار بالدنيا ؟؟ لالالالا يامعودين ديروا بالكم
ههههههه على فكره ترى هذيل هاليخوت
والمراكب العاب في بحيره صغيره في حديقة تريلوي اييبون مثل المراوح القويه شوي
ويشغلونهم على البحيره يسوون مثل الهوى القوي وجذي ويقعدون يلعبون ... فرنسيين ماكو
شغل
وهذا منظر لبرج ايفيل مع ممر الكاروسيل من فوق احدى شرفات متحف اللوفر ... شرفه يعني بلكونه اوكي ؟؟
بس عاد برجع صوب فندقنا تعبت من
الفراره
اكو مثل الجزيره الصغيره صوب فندقنا
فيه خوووووووووووش قعده شرايكم فيكم شدة جاي وشوية حب ونقعد هناك ؟
هذا مدخل للجزيره الصغيره ممر
طويــــل مغطى بالاشجار والاعشاب ... شي رومانسي الصراحه والمطر قاعد يرفرف عليك
آآآآآآآخ ياقلبي دلم دارد ميكونيه
اي والله وينهم ليش ماكو أحد ؟؟ شنو
لي هالدرجه ماكو رومانسيه بفرنسا؟؟
ماكو الا انا بروحي ^_^
يالله عاد هني حط شغلك واقعد حاطيلك
كراسي شغل عدل ... بس لو عندنا هم مااييب روسهم ربعنا لازم بساط وفرشه ارضيه وبسّط
على الأرض
خل نشوف شنو على اطراف الجزيره هذي
هذا سلمكم الله انا من رحت فرنسا
وانا مراقبهم كل يوم هذي قعدتهم في هالمركب هالشياب قاعدين هني مادري شعندهم الظاهر
ديوانيه لهم والا بيتهم مايندرى عنهم .. بالليل موجودين .. الصبح من صباح الله خير
قاعدين ... والله انا اقول شكله بيتهم والله اعلم
تشوف في الطرف الثاني والا هالاوادم
وعلى هالزوارق .. ياخي خوش رياضات عندهم اي جذي تطلع اللياقه مو بس ركض على ممشى
مشرف والا السره
اشتر زورق وانزل بحر ورووووووح
وانت تتأمل في ملكوت الله سبحانه وتعالى والا تشوف هالبطيطات يسبحون في النهر
اي والله ... مو اقولكم اجواء رومانسيه ماتصدقون
وصار الليل ... وتعبنا عاد من صج ... وكانت هذي آخر ليله لي في باريس عشان باجر طيارتي ان شاءالله برجع الكويت
تصبحون على خير واشوفكم في الجزء الأخير من رحلة فرنسا في الطياره في طريق العوده الى الكويت الغاليه ^_^
تصوير وتعليق دندرن HaMaD