السلام عليكم ورحمة الله وبركاته
شلونكم شاخباركم عساكم طيبين ان شاءالله ؟؟
ها فيكم سفره في هالصيف ؟؟ شرايكم نتوكل على الله ونعقد العزم على فرنسا ؟؟ يالله فوقه ... يقولكم باريس زينه وحليوه وشغلها ميه ميه امرتبه شغل عدل فخلونا انقص تذاكر ونسافر حق باريس ... على فكره الرحله راح تتكون من أجزاء يعني ماراح انخلص السفره كلها بموضوع واحد ... راح يكون اكثر من موضوع ونطرونا وراكم شي ؟؟ ان شاءالله اذا الله اراد راح انكمل الرحله بأذن الله تعالى
بداية حجزنا وصار يوم السفره ورحنا المطار وسوينا شغلنا كله وركبنا الطياره واقلعت فينا متجهة الى باريس مرورا بجنيف ترانزيت ساعه وبعدين اتكمل رحلتها الى فرنسا... تستغرق الرحله حوالي الست ساعات ونص فعاد في هاللحظه الواحد شيسوي ؟؟
انا اقولكم نصيحه بما انه الطريج
طويل شوي وماعندك الا الطياره اتحوس فيها فشتسوي ؟؟ من أول شي حاول اتضبط عمرك
وتقعد عند الدريشه عشان اذا ضاق خلقك قزرها على المناظر الخلابه وانت بالطياره بعد
شتسوي لاموبايل تقدر اتبطله وتلعب فيه ولا لاب توب مسموح فيه مشكله الصراحه ...
فمالكم الا الدريشه يمدحونها ترى
واقلعت طائرتنا الميمونه الى فرنسا ... في رحلتنا راح نمر على عدة دول وراح تشوفونها ان شاءالله وحده وحده ^_^
هني بداية الوصول الى بغداد والصوره القادمه هذي من فوق اجواء بغداد ... عاد مادري النهر اللي باين بالصوره اهو دجله والا الفرات واحد منهم
هذي صوره لبغداد من السماء
طبعا وانكمل مسيرتنا وخلونا نتعبث في التلفزيون اللي جدامك بالطياره خنشوف شكو ماكو
اخخخخخخخخ ياعيني على هالفلم حده شغل عدل ... ترى يمدحونه خوش فلم مال بروس ويليس اسمه
16 Blocks
شخصية هالخال بالفلم فصله مجرم ويبون شهادته على احداث صارت مع الشرطه .. فخوش فلم عشان يقزر عليكم الطريج
في الصوره هذي اللي شفتوها فوق تركيا ... سبحان الله ارض العراق وتركيا تقريبا متشابهه
ونكمل ونعدي بوخارست طبعا ماكان فيها شي يستحق التصوير ههههههههههه لا ماعليكم فيها أشياء حلوه بس مو بكيفنا من وصلنا بوخارست حاشتنا موجه شديده من المطبات الهوائيه والغيوم لدرجه جناح الطياره يالله يالله تشوفه وماتشوف حواليك الا بياض الغيوم والطياره تسير بوسط هالغيوم واستمرت هالموجه قرابة الساعه تقريبا والطياره تصعد وتشدخ فينا مره ثانيه والطيار يعابل ابن الحلال لين عدت على خير الحمدالله
وعدينا بوخارست وربعها وماشفنا منهم شي بسبب الغيوم ووصلنا الى ايطاليا
V
V
هذي ايطاليا اللي شفتوها ... وكملنا وكملنا لين وصلنا جبال الألب ... المحتاس عذب وايد ناس وانت انسان حساس والفاس طاح بالراس
مالت على هالاغنيه البايخه المهم خلونا انشوف جم لقطه للجبال الشاهقه والغيوم تمر خلال الجبال العاليه الشاهقه ... اخخخخخخخخ
شرايكم ماودكم نلعب طمباخيه فوق سفح
هذا الجبل ؟؟
وبدأت الغيوم بالانقشاع ياسبحان
الله على المناظر ... للحين ماشفتوا شي ترى
ودخلنا الأجواء السويسريه رويدا رويدا وشيئا فشيئا جان انشوف شوي من ملامح الجبال الخضراء اياباااااااااه
وبدت ملامح جنيف تظهر ... أخيييييييييه على الشاطئ ... تدرون شلون بخليكم تشوفون وانتوا علقوا بينكم وبين نفسكم ^_^
والله يبيله اتحطلك في هالساحه الخضراء قولين وتسوي دوره كرة قدم
خوش ميناء ... ههههههههه هذا جنه
بيت الوالد اللي باعه على واحد من هالسويسريين
موجنها بيوت الصوابر ؟؟
ياجماعه ليش بيوتهم جذي حلوه ؟؟
وشوي شوي بدت تنزل الطياره ليـــــــــــــــن طبت بالمطار وقعدنا ريحنا تقريبا ساعه بالطياره مانزلنا عشان نكمل رحلتنا الى مطار جارلز ديجول في باريس ... وسلكنا المدرج شوي شوي عشان نطير مره ثانيه الى فرنسا واحنا قاعدين نمشي على مدرج الطياره في مطار جنيف خلونا نشوف شكو ماكو على اطراف مطار جنيف
دخل البرده داخل ياشقول ... امخلي
الغرفه اتهوي تطرق
هذا سكن عزابيه شكله بجانب المطار ... على فكره اتشوفون الشبك الموجود بالصوره ترى هذا حدود مطارهم لووووووول
لو عندنا هني جان اتلاقي المطار 89
كيلو يبعد عن البيوت وعن الشوارع الرئيسيه هههههههههههه وهناك عندهم ابد لاصقين في
سور المطار ... ناس اتفكر
<==== شكو ؟؟
عاشوا الخوال
قاعدين
يلعبون كره بجانب المطار ويبين شبك المطار ... هم والله لو عندنا في الدول العربيه
اقصد جان ساحبينهم الشرطه ومشلخينهم تشلّخ والسبه قاعدين يلعبون كره بجانب سور
المطار ^_^
وطارت طيارتنا الى باريس ....
وعننننننننننننننننننننننننننننننننننننننننننننننننننننننننن <=== مؤثر صوتي يدل على صوت الطائره وهي تطير في الأفق ... وبينت باريس طان طان طان
وبدينا بالاقتراب من الهبوط
وهبطنا ولله الحمد
ماشاءالله الجو في هالديره عجيب الحين مو شمس ؟؟ راح تشوفون وخلال لحظات كل شي يقلب يصير غيم ومطر
المهم ركبنا بالتاكسي متوجهين لمكان السكن في أحد الفنادق في منطقة اللاديفانس في باريس
لمشاهدة رسم توضيحي لباريس ضغطوا على الصوره اللي فوق عشان اتشوفون الصوره بحجمها الطبيعي
طبعا في الوقت اللي سافرنا فيه
وصلنا تقريبا الساعه 7 ونص بالليل بتوقيتنا لكن عندهم للحين العصر الشمس طالعه
..... وماتغيب الا الساعه 11 مساءا عندنا
والعيب اللي فيهم بعد انه محلاتهم ومطاعمهم اغلبيتهم يسكرون مبجر ... فوصلنا فندقنا
ووحطينا جناطنا بالشقه والا واحد من الشباب جزاه الله خير امزهب لنا وجبه خفيفه لأن
غالبية مطاعم باريس يسكرون في الوقت اللي وصلنا فيه
حمص وتبوله وفتوش وقيمر وتوست وهالسوالف الخفيفه اللي اتسد الجوع ... المهم كلينا وسدينا يوعنا ولله الحمد عاد الحين خلونا نطل من البلكونه الموجوده في الشقه ونشوف ...
ههههههههههه مو قلتلكم الجو بسرعه يقلب ؟؟؟ هذا قصر الباسليك على ماأظن مبين من شقتنا الفندقيه
وبدأت الأمطار بالهطول وكان هذا اول الخير ... الحمدالله على كل حال ... طلعنا من الحر رحنا للمطر ^_^
وتبدوا قطرات المطر ترفرف ... انزين من بعد هالرحله الشاقه شرايكم انريح اشوي ونستأنف جولاتنا في الصباح الباكر ؟؟
وبعد نومه عميقه من التعب مال الطياره خلونا نبلش فراره في باريس .. طبعا عاد أول مايخطر في بالكم ودكم تروحون الشانزليزيه عدل ؟
يالله عيل فوقه نروح حق الشانز ... نصيحه حق اللي حاب يفتر في باريس لايروح بتكاسي قزروها بالمترو ترى حده شغل عدل ورخيص التذكره الوحده بيورو واحد تقريبا بلا تاكسي بلا بطيخ لأنه تكاسيهم غاليه ... فييبولكم خريطه للمترو مثل اللي راح تشوفونها عشان اتكون لكم دليل في التنقل بالمترو
هذي اهيه الخريطه الخاصه بخطوط المترو الواصله بين ازقه باريس وشوارعها ^_^
من فندقنا لين الشانز اتعدي خمس محطات والمحطه السادسه تنزل في محطه اسمها
George v
والا انت بوسط الشانز
يالله خنروح المترو عشان نروح حق الشانز
وهذا اهو القطار اللي تحت الأرض ...
هني الدرج المؤدي الى المترو
والواصل لشارع الشانزليزيه وهذا اهو شارع الشانز
وخلونا الحين نتجول في الشارع ونشوف بعض من شواهده
اول ماتطلعون من المحطه والا بويهكم محل
LV
شكبره ولد اللذين
احدى المشاكل اللي تصيرلكم هناك ... الأكل .. فهالله هالله في الأكل الحلال وابتعدوا عن لحم الخنازير الله يقطعهم غالبية لحومهم فيها لحم خنازير فتأكدوا قبل لاتاكلون ... اكو خوش مطعم لبناني في الشانز ذبحه اسلامي ويتكلمون عربي حق اللي مايعرفون انجلش
احد الشوارع المحاذيه للشانز
يالله تعالوا انكمل تجولنا في الشانز
هههههههههه شنو هالمواتر اللي صافطين ؟؟ ^_^
مالك أمل يعبرون الشارع لين يوقف
يحترمون الاوادم وقت العبور لو
عندنا جان صار مسابق منو يهوّش حق الاوادم
في الوقت اللي سافرت فيه فرنسا كانت المباريات النهائيه لكأس العالم شغاله فكانت الأدوار القبل النهائيه وفرنسا اوصلت للنهائي فتعالوا نشوف بعض المظاهر اللي يسوونها لما يقعدون في الشوارع والمقاهي يتابعون المباريات
هذيل هني اميمعينهم عشان يسوون معاهم لقاءات رياضيه قبل مبارة البرتغال في قبل النهائي
وهذي وحده شكلها يقول اهبل مادري شنو كاتبه على ريولها اتشجع منتخب بلادها
تعالوا نشوف القهاوي في الشانز اللي يقعدون فيها الاوادم وخز مخازز في الرايح والراد
وهني قاعدين يتابعون المباريات من القهاوي
وهذا منظر عام للشانز كله من أوله لي آخره وتبدوا الاعلام الفرنسيه على جانبي الطريق دعما للمنتخب الفرنسي في النهائي ... وهالمينن واقفين بوسط الشارع ويصوورن بس ماعليكم ماتدعمهم السيارات شوفوا شلون محترمين الاوادم وواقفين عشان يصورون والسيارات وراهم عندهم القانون قانون محد يتعدى عليه .. لدرجة انه السياره توقف حق الواحد عشان يطوف جدامه او يوقف يصور عادي عندهم .. لو عندنا جان حرقووه هرنات وطاط وطييييييييييط لين يطيح حظ اللي بيعبر الشارع مسيجين ^_^
الشانزليزيه ويبدو مناك بعيد ميدان الكونكورد
ويبدو في الطرف الآخر ... اعلى برج ايفيل اللي راح نزوره ان شاءالله في رحله قادمه
اعلى برج ايفيل
هههههههههههههه هذي شقاعده اتصور ؟؟ ^_^ انا اعرف ولاتستعيلون الحين اوريكم
هم هذيل انكسرت رقابهم واهمه يصوروون فوق ^_^
كاهو كاهو اللي قاعدين يصوروونه
VVV
VV
V
قوس النصر ... ميدان جارلز دي جول
ونروح تحته بشوي
هذا قبر مادري منو تحت قوس النصر يمكن قبر تشارلز ديغول وقاعدين يصورونه
حمامه يم القبر
وهذيل قاعدين فوق سطح القوس ويطلون على الاوادم
وبجذي خلصت جولتنا الأولى في ازقة
وشوارع باريس ونشوفكم ان شاءالله في الاجزاء الأخرى من باريس انتظرونا فالقادم مذهل
اكثر ههههههههه