سيداتي آنساتي سادتي ... نحييكم ونقدم لكم اليوم وصفا تفصيليا لمباراة كرة القدم بين منتخب الكويت الوطني ومنتخب الفنانين
والتي اقيمت على ملعب استاد جامعة الخليج في منطقة حولي العالميه
يمثل منتخب الكويت الوطني كل من ... مادري منو في حراسة المرمى
وبدر المطوع ووليد علي .. يعقوب الطاهر ... جراح العتيجي .. مبارك عبد العزيز .. وخالد الفضلي مهاجم مو قولجي ^_^
ويمثل فريق الفنانين كل من .. يوسف الشطي .. خالد العجيرب .. نواف القطان .. خالد البريجي .. محمد الطاحون .. محمد الوادي
خالد أمين .. مشاري البلام .. احمد صلاح الدين وجم واحد ماعرفهم
والنجم اسماعيل سرور
طم طم طم طم
خلاص يبا امسحها بويهي يامعود ^_^
وبدأت المباراة في هدوء تام والكرة مع بدر المطوع والحكم وراه مبتسم ليش ما أدري
لكن في ظل هالظروف والا هجمه مرتده لفريق الفنانين
وقووووووووول للفنانين يسجله خالد البريجي
واحد / صفر النتيجه الآن للفنانين ونشوف هل راح يتعادلون المنتخب معاهم والا لأ ؟
شنو شالسالفه ؟؟ هذا بنطلون منو؟؟ :D
ومحاولة مرور من المطوع وواقفله نواف القطان يبي يقطع من الكره لكنه ماقطع الكرة
وتستمر الهجمات على فريق الفنانين في محاولة للتعديل
وهجمه من الفضلي يسجل منها هدف
وهجمه ايضا ثانيه من الفضلي
ويسجل في مرمى الفنانين ايضا
وهم بعد هجمه وقووووول شالسالفه ياشباب ؟؟ دفاعكم شفيه صار مرق باميه يالفنانين ؟؟
النتيجه الآن 3/1 للمنتخب
محاولة مرور من نواف القطان
سلامات يابو فوز
يااااه القول الرابع للمنتخب ... شفيكم يافنانين حطيتوا قول اول شي وبعدين طخيتوا .. شنو فزّة خيول ؟؟ :p
بدر المطوع يرجع للسنتر بعد تسجيله هدف ايضا في مرمى الفنانين ... دكوهم دك ههههههههه
هههههههههههه اصابة للاعب خالد العجيرب من فريق الفنانين
هل ياترى يقوم من بعد هالاصابه والا لأ ؟؟ هذا ماسوف نراه في الدقائق القادمه
ياااااه شنو صار ؟؟ جنه قام العجيرب ... شنو ؟؟ هجمه ؟؟ وقوووووووووووول للعجيرب الظاهر الاصابه سوت شغل ها ؟ ^_^
وينتهي الشوط الأول بتقدم المنتخب بنتيجة 5/2
استراحة بين الشوطين ونرجع لكم مره ثانيه في أمان الله
وبدا الشوط الثاني
ومحاولة هجمه للعجيرب على فريق المنتخب
ها شالسالفه ؟؟ اشوف جنه بدر المطوع صار يهجم مع فريق الفنانين وكشت بربعه ...
وينزل فيصل الرشيد مع فريق المنتخب ردا على بدر المطوع ههههههههه
هذا فيصل الرشيد شبيسوي ؟؟
قط الجوتي عزكم الله يبي يشوت ^_^
وهجمه ايضا للمطوع على المنتخب ... صارت خلطبيطه السالفه الظاهر لووووووووووول
اوووووووووه هذا نايف البشايره ايضا نزل ارض الملعب مع الفنانين لالالا قاعدين يطعمون الفريق في لاعبين محترفين
وهجمه للفنانين وتوصل الكره الى خالد البريجي
وخالد البريجي يبي تشجيع من الجمهور وكاشت باللعب ... مطول يالحبيب ؟؟
لكن هم ماكو فايده يبيلهم تطعيم من احد اللاعبين ... في لاعب ناقص مالعب اعتقد لو ينزل مع الفنانين راح يغير نتيجة المباراة فوق تحت
وينزل ارض الملعب الفارس الأسمر سمعه اسماعيل سرور
يطلب الكره من ربعه يقولوهم عطوني الكره يبيـــهم يبي المنتخب ;)
ويقطع الكره اسماعيل ويهجم وياخذ واحد
وياكل اثنين يقطهم وراه وينفرد ويوصل لي القووول
ها شنو شفيك سمعه ؟؟ مو كرة يد هذي :D
وقوووووووووووووووووووول الفوز خلاص هالقول عن عشر اقوال
ويصفر حكم المباراة معلنا عن نهاية المباراة بنتيجة كذا مقابل كذا ... الصراحه مادري جم النتيجه خبري فيها الشوط الأول 5/2 الشوط الثاني صارت لويه ومادري جم النتيجه بس الأكيد انه المنتخب الوطني اهو اللي فاز
وسلامتكم وتعيشون هذي كانت مباراة حبيه وديه بين الفنانين ولاعبين المنتخب اقيمت على ملعب جامعة الخليج بحولي بمناسبة الأسبوع الرياضي اللي تقيمه رابطة جامعة الخليج نشوفكم ان شاءالله في لقاءات أخرى
تصوير وتعليق دندرن HaMaD
17/5/2007