المطارده العنيفه
الحين راح نبدأ رحلتنا مع المطارده العنيفه ... استمرت هذه المطارده اربع سنوات حتى تم القبض على المجرم الخطير اللي راح تشوفون مطاردته لحظه بلحظه حيث بدأت المطارده من سنة 1999 حتى عام 2003 ههههه قويه ها ؟ يالله ماعليه طوفوها هالمره!!!
بداية احداث القصه في سوق شرق حيث تم الابلاغ عن سرقة اربع قواملق من دبنهامز و16 ملفع من نوران وتسع فردات جواتي عزكم الله من ستيبس و20 طقم شرابات وخمس اجهزة كومينيكيتغ من المستقبل للهواتف و13 قوطي بيره و9 كراتين علوج و39 شدة رويد وبقل وخس من مركز سلطان
تم ابلاغ دوريات محافظة العاصمه بالحادثه وجاري البحث عن اللص
تم التعرف على الجاني وجاري ملاحقته
الجاني وهو هارب بسيارته البورش كريرا المهم فلت من رجال الشرطه وتم تكليف جيمس بوند لتعقبه والقاء القبض عليه
وفي احدى ليالي الشتاء الممطره وصلت اخباريه عن المجرم انه موجود على شارع الخليج يقز وبالصدفه رفيجنا ابو بوند موجود بنفس الشارع فـّدزه وراه خو عشان يصيده بعد مايبيله ...
وبعد مطارده عنيفه دخل الجاني احدى المناطق النائيه
جان يشفـّط عليك انت ياا جيمس بوند وينحاش ... طبعا بتعرفون شلون انحاش هالمره بعد .. انا اقولكم اهوه جيمس بوند لاحقه وانشق قزوز السياره عنده وماقدر يكمل وراه
انزين يامعود الرصيف لاتدش فيه عاد والله ابطها عليك ضحك ^_^
اكتشفنا انه جيمس بوند مالنا ماعنده سالفه طلع سكه فاستعانوا فيني احم احم لاداعي شكرا شكرا
مرت سنه على هروب الجاني وهم بالصدفه وانا كنت بالشاليه ومريّح طاقها نومه في البحر ههههههه
دق تلفوني
وانا في البحر لاحظوا وانا في البحر لاتستغربون تلفوني ضد الماي
بلغوني ان الجاني موجود في هالشاليه ... دقيت على رفيجي ابو بوند وقلت له خل نروح نقتحم الشاليه لازم نلقي القبض عليه بأي طريقه المهم رحنا
دشينا الشاليييه دورنا بالدور الاول مالقينا احد نزلنا السرداب ^_^
وخطوه بخطوه خلوكم معانا ................. تعالوا
شمينا ريحة طبخ قلنا اكيد في المطبخ قاعد يهف من الاكل
اقتحمنا المطبخ مالقينا الجاني لقيناه توه قاعد يطبخ مجبوس ربيان عاد بتسالوني شلون مادري روحوا سألوا الجاني اهو اللي مسوي الطبخه مو احنا
كلينا من
المجبوس وكان ذابحنا العطش مالقينا ماي شنسوي نشرب من ماي البحر يعني
؟؟ ههههههه جان نطيح على شغله يالله خير وبركه من الله ماتتطوف
شوفوا شنو لقينا اخخخخخخخخخخخخخخخخ رقي حمر بويا طم ططو طم ططو
المهم بعد ماكلينا الرقي صارت عندنا طاقه وحيويه و جنه نسينا الحرامي اللي لاحقينه ؟؟ تذكرنا انه احنا كنا قاعدين نلحق واحد خىخىخىخى ^_^
دورنا يمين يسار مالقينا الا الجت سكي جان اندزّه ورا الحرامي
وبعد
مطارده عنيفه قدر ال....... انه يوهقنا شوفوا شصار فينا
راح اخليكم مع هاللقطات شوفوها وبعدين نرجع انكمل المطارده
هوب هوب هوووووووووووب
جان نقلب ^_^ هىهىهى يالله ماعليه الواحد يتعلم من تجاربه بس على فكره مو انا اللي اسوق هذا رفيجي ابو بوند اللي كان يسوق بغا يذبحنا الله يسامحه ^_^
ودكم تعرفون شلون قلبنا ؟؟؟؟ كان المجرم يحذف علينا قنابل عنقوديه وهذي وحده من القنابل اللي ماانفجرت لقيناها
قنبله عنقوديه ماانفجرت ههههههههه
ضاع مننا هالمره بعد خليناها على الله
واحنا مسافرين البحرين على الجسر جان نشوف سياره نفس سيارة المجرم جان نلحقها
والا صاحبنا الحرامي فاااااااااج عننااااا عشرين كيلو يبا اهو سيارته بورش واحنا كننا مسافرين على طقطاقي ^_^
وهم ودكم تعرفون بعد ليش ماقدرنا انصيد الحرامي هالمره بعد؟؟
اختربت سيارتنا واحنا قاعدين نلحقه وقزرناها طول الطريج على الونش .. الونش يعني الكرين اللي يشيل السيارات
دندرن ^_^
احم احم احنا وسيارتنا على الكرين لووووووووووووول
يالله ماعليه اوريك ياحرامي الفقر بس خل اصيدك
بس عاد تدرون شعور جميل انك تكون راكب سياره فوق سياره هههههههههههه
اي خل انقص على نفسنا شوي ^_^
المهم بعد عودتنا من رحلتنا الفاشله من البحرين وصلتنا معلومات عن وجود الحرامي في جواخير جبد
تم تجهيز القوه للقبض على الجاني ..... عاد هالمره قلنا يااحنا يااهو يبا اذا ماصدناه هالمره نروح نبيع نعل وجواتي وانتوا بكرامه مثل الخال اقحطه وايد ابرك
جيمس بوند الجواخير
بدأت ملاحقة الجاني ومطاردته وتم تضييق الخناق على الجاني ولكن ......
هالمره ماكو يااحنا والا اهو صايدينك يالنذل صايدينك
مممممممممم ودكم تشوفون صورة الجاني ؟؟؟؟؟
تعالوا نزلوا تحت معاي
V
V
V
V
V
V
V
V
V
V
V
هذا هو الجاني الحرامي المجرم الحقير النذل حرامي القواملق اللي تعبنا اربع سنين واحنا نلحقه من مكان لي مكان
المجرم وهو هارب من يد العداله
الجاني يدخل احد الجواخير عشان ينخش هههههههه
لكن وين تروح هالمره هههههههههه ماكو فكه ماكو فكه .... تذكرت اغنية حق محمد عبده اسمها ماكو فكه ^_^
وبعد محاصرة المكان من جميع الاتجاهات اخيررررررررا
تم القاء القبض على المجرم وتكبيله في سيارة هاف لوري تابعه لحجي اجواد ابوكاظم ... وتم ترحيل المجرم لسجن تابع لمحافظة الجهراء
حجي اجواد ابو كاظم ملوحاً بيده فرحا بالقاء القبض على المجرم ويبدو في الصوره ابنيه كاظم ومطشّر واهمه مجتفين المجرم
جيمس بوند الجواخير وهو يحرس الهاف لوري اللي مربطين فيه الجاني
وبهكذا تنتهي المطارده العنيفه لسارق القواملق والعلوج .. العلوج = جمع علكه بالعربي الفصيح اوكي ؟؟
ارجوا اني اكون ماطولت عليكم لكن ميخالف سامحوني ^_^
يالله سلاااااااام
فكره وتصوير واخراج HaMaD