الجزء السادس
هذا الجزء الثاني من مسيرات العيد الوطني والتحرير .... خلونا انشوف بعض العينات العجيبه من مسيرة شاليهات النويصيب انخليكم مع الصور ونتكلم شويه
بداية
مع هالشاب اللطيف اللي قاعد فوق الجيب
المسكين قاعد في امان الله ماله شغل في احد بس يرش على الاوادم ... ومن كثر مااهو مأمن قاعد فوق السياره يعني محد بيطوله ... المهم طبعا الشباب والعالم اللي هناك مو مقصرين فيه ماشاءالله ... بس ماعليه لازال صامد
وقاعد يطالع ابن الحلال في هالأوادم شوي يسار وشوي يمين
طبعا كمل طريجه راعي الجيب يبي يدش بوسط المعمعه ...
طبعا صاحبنا اللي فوق السياره طق اللطمه مسكين
ودش بوسط المعمعه وياليته مادش هههههههه
جان يطيحون
عليه الاوادم مسكين
ويطيحون فيه ترشرش من كل صوب ابن الحلال واهوه يقول بس بس بسسسسسسس وماكو فايده عمك اصمخ لوووووول
آخر شي جان يخلونه مسكين .... اشعقبه عاد ؟؟ مسكين مابقى فيه مكان ماصار ابيض لوووووووول
ماعليه اتعيش وتاخذ غيرها
++++++++++++++
انروح الحين حق هالشباب اصحاب المرسيدسات ونشوف شسالفتهم ... اهمه ربع أوكي ؟؟
هذا أول واحد
وهذا الثاني
طبعا المسيره مو مقصرين فيهم مو مخلين مكان بسياراتهم مو راشين عليه
اشوي جان يصفطون يمنا على طول .. جان يصير سوء تفاهم بينهم لووووووول
وقوموا ورشوا على بعض كل واحد يطلع اللي عنده من رش ويرش على الثاني
هني بداية عملية الرش كانت بسيطه جدا .. خلوكم معانا اوكي ؟؟
شوي شوي جان يتطور الموضوع على الاخر واتزيد العمليات العسكريه ويقوى الضرب ويصير على الحامي
انزين الحين
اهمه ماخلصوا للحين فيهم حره على بعض جان يكملون السالفه بس هالمره بعيد عن
السيارات صارت وجها لوجه فيس تو فيس
وليييييييييه خلاص ياشباب حصل خير يبا مسحوها بويهي
عاد عقب ماخلصوا هوشتهم واللي كانت عباره عن غشمره يعني مو صج كانوا يضحكون مع بعض تعالوا انشوف الحين الخسائر الماديه اللي صارت فيهم
ياحلوكم والله على راسي يالكويتيين الله لايغير علينا قولوا امين .... كلها غشمره واخر شي الكل يضحك ولاجنه شي صاير ... وان شاءالله اتكون كل ايام الكويت اعياد وفرح ووناسه
تصوير وتعليق اخوكم دندرن