اليوم عندنا رحلة الى مصبغة السيارات هههههههه هذا اول الخير المغسله صارت مصبغه ها ؟؟
يالله ماعليه بطوفها لك هالمره
دندرنوتي
المهم خلونا نشوف شيسوي الواحد اللي بيروح المصبغه وخصوصا لما يكون اول مره يدش هالاماكن ومايعرف شيسوي ... عاد شدعوه عليك ... شدعوه بتفك الخط يعني ؟؟ كلها مغسلة سيارات ... المهم تعالوا نشوف شنو صار
طبعا اول ماتدش اتدور لك مكان وتصفط سيارتك فيه
عاد هني الغسال بيقولك تبي نرفعها لك والا انخليها على الارض ؟؟
انا اقول
خلوها على الارض احسن من الرفع لأنه الرفع يقولون والله اعلم انه مو زين يعور
الشيّالات عاد صج جذب ماادري
واذا تبي
ترفعها مثل هالسياره ماكو مشكله ارفعها بس عاد مو تصير دعله مثل صاحبنا اللي بنشوفه
في هالصوره
طبعا صاحب
السياره طول ماارفعوا السياره واهوه مادري شقاعد يسوي تحت السياره بروحه ... وتلاقي
بنفس الوقت وانت قاعد اتشوف سيارتك يغسلونها كرم الضايفه في بعض محطات الغسيل من
بيبسي وجاي وكاكاو حليب وحليب كارنيشن مع جاي ... حشا رايحين كشته للبر مو محطه
غسيل
المهم بعد مايتم غسيل السياره اتروح حق اللي ينشفون سيارتك وهني عاد الله يعينك
هذا صارله خمس دقايق ماادري شعنده يعابل في دبّة البورش
مو
تستعيلون راح تعرفون اشعنده بعدين
على فكره
ترى مو غلطه ولاشي فعلا اهيه دبة البورش من جدام مو ورى مثل باجي السيارات ... اللي
ورى المكينه ... اشفيكم يبا تكنلوجيا يبا العلم تطور العالم وصلوا القمر ... واحنا
ليما الحين مو عارفين انطلع قانون حق البلوتوث
المهم نروح حق صاحبنا اللي يحوس تحت السياره
المسكين الحين يه الغسال يبي يشوف شغله وهذا راعي السياره امناشبه ... للعلم فقط طول ما الغسال يغسل السياره والشاب اللطيف صاحب السياره واقف عنده
ممممممممممممممممم تبون نرجع حق راعي البورش ونشوف شنو كان يسوي الهندي في دبة البورش ؟؟؟
يالله تعالوا
v
v
v
v
v
هههههههههههههههههههه صارله ساعه موعارف يسكر دبّة البورش لووووووووووووووووول
واخرتها شوفوا شلون سكّر الدبّه
غلطاااان يالحبيب خلها امبطله بعد احسن ههههههههه
الحين تعالوا نشوف شنو وشلون ينشفون سيارتك بعد الغسيل
المعدات اللازمه لتنشيف السياره
1 - فوط ويفضل ان تكون من ماركه معروفه ههههههه والافضل يمدحون فوط كريستيان ديور او شانيل او او او الخ الخ الخ
2 - مخمّه كهربائيه وبالعربي الفصيح مكنسه لشفط البولاي المتنيله بستين نيله داخل السياره واللي تكون محذوفه بين الكشنات والفتحات الصغيره
3 - عدد اثنين غسال ويفضل من النوع الفاهم للغه العربيه شوي لأنك راح تتاذى وقت التنشيف مع اللي مايفهمون عربي تعال يابابا نظّف مني تعال نظف هني تعال الحس الرنق تعال مادري شنو عاد اشماله هالعباله ؟؟؟ شوف لك اثنين يفهمون عربي وفك عمرك ....
هذي كانت رحلتنا لمصبغة السيارات ان شاءالله تكونون استفدتوا من الرحله بشكل كبير جدا جدا