السلام عليكم ورحمة الله وبركاته

شلونكم شاخباركم من زمان عنكم ماتبينون شدعوه شدعوه ... المهم في يوم من الأيام في شهر في ليلة وكانت الدنيا العصاري جذي مريت يم صوب مارينا كريسنت جان اشوف ذيج الزحمه اللي مو حيل زحمه انما شوي شوي يعني نص ونص والا جان اشوف في البحر المقابل للمارينا كريسنت ذيج السفينه الحمرا

وتنثر الماي تارة يمنى وتارة اخرى شمالا والا اثاريها سفينة المطافي وعندها عروض بحرية بتسويها في ذاك اليوم والا انا اقول بعد ليش اتكت ماي على الفاضي خو لاحريجه بالبحر ولاشي اللهم احفظنا

وفي ظل هذا الهدوء والسكينه

تشوف شوي شوي المتطفلين من رواد البحر يبتدون يقربون من السفن المطافية

ويبتدون بالتحرش بالسفن

ورواد السفينه المطافية يتعوذون من ابليس لاحول ولا قوة الا بالله ياصبيان وخروا عن السفينة لااتفترّكم ورواد البحر من اصحاب جتات وطراريد صغيره يتحرشون بالسفينه مايسمعون الكلام .. شوي جان يفصل عليهم راعي السفينة المطافية ويقعد يرشرش عليهم في الماي مال السفينه ... عاد تعرفون ماي سفينة المطافي قوة الدفع عنده قويه فشوفوا هالمعركه البحرية اللي صارت ^_^

بداية الدفاع عن النفس من قبل اصحاب السفينة المطافية

عليهم عليهم ...

حيلك فيه أهو ...

جان يلف على راعي الطراد

وهذا راعي الطراد يعني قوي هههههه شوي والا مطيره منااااااك

اديلووو

لحظة الاستسلام من اصحاب الطراد هههههههه بس بس نتوب نتوب ... ماايوون الا جذي

نروح نطالع الصوب الثاني ونشوف هالبرمائية

دقوها سلف ... جيغيغيغيغيغيغيــــه

ها وين رايحين بس استسلموا الجماعه اللي هناك خلاص يبا ماصار الا الخير غشمره مو صج

جان يطقون فره في البحر ويردون .. ياعيني على هالبرمائيه حلاته الواحد عنده وحده مثلها ... ترى اتقحص على البر تصدقون ؟؟ اتذكرني بالافلام القديمه ملوت الغابات والانهار جنه في فلم جذي حق بروسلي او شي من هالقبيل اذا ماخانتني الذاكره

توب توب يابحر توب توب يابحر اربعه والخامس شهر

روح روح كمل ... يالله دربك خضر وتراب

غيــــغ <==== يعني سحب سايد وطق فوق حدر

كفو والله خوش دريول الصراحه ... الله يحفظكم

 ============

انزين خل نوخر شوي عن الشاطئ ونروح شويه ورى وشنو انشوف .؟؟

اها انشوف هاللي متشنقل في هالحبل في رافعة المطافي ... ياسلام جنه المنظر من فوق حلو ويساعد على النوم العميق شرايكم فيكم شده نصعد هالرافعه ونشوف شنو انشوف من فوق ؟؟ ^_^

يالله خربانه السالفه فوقــــه

وبدت تصعد شوي شوي وانا فوق والرافعه تهتز من الهوى الله يغربل بليسها ... يالله سترك

ياهلي ياهلي ججك جك يكفي ملامي والعتاب .. تيريريررم

لاتلوموني اذا هبدت من فوق تريريريم

هذيل صوب المعرض مال المطافي  .. الصراحه خوش اجواء من فوق الرافعه

معلومات بسيطه للرافعه كانت على ارتفاع تقريبا 35 متر ومعلقه بالسلم بس يعني أي لفحة هوى شوي قويه جان تشوفونا في البحر لاحنيس ولا ونيس قاعدين نعابل بروحنا بوسط الماي وخصوصا لما تدرون انه اخوكم دندرن قد قطع بحر المانش من قبل خلال اربع دقايق و35 ثانيه ... بس الحمدالله الله ستر

هذا منظر حق الطراريد اللي صافطه عند المارينا كريسنت من فوق الرافعه

وهذا منظر للمارينا كريسنت

وهذا منظر آخر للصوب الآخر

وهذا فندق المارينا

عاد من بعد هالأجواء الحلوه مادري ليش تذكرت اللي يقول

يبا يبا لما لا أعمل في الأطفاء ؟؟؟

جان يرد عليه الأبو ويقوله واحطبه هذا عمل فيه عناء !!

اشتبي بالمطافي لابارك الله فيك وفي الساعه اللي عرفتك فيها يالله انجلع

الله يذكر ايام مسلسلاتنا الكارتونية القديمه بالخير كانت خوش شي

واشوفكم على خير وعافيه ان شاءالله ... صديقكم واخوكم دندرن