السلام عليكم ورحمة الله وبركاته

تجولنا في الايام اللي طافت في ربوع واجواء باريس ... اليوم نروح حق معلم من معالم باريس وهو متحف اللوفر

 بداية الأمر خلونا نشوف الخريطه عشان نعرف موقع متحف اللوفر وين صاير بالنسبه لشارع الشانز

1- اللي بالدائره البيضه .. هذا متحف اللوفر

2- برج ايفيل

3- ميدان الكونكورد

4- قوس النصر ميدان جارلز ديجول

ها عرفتوا الحين وين صاير ؟؟ خلونا الحين نشوف مخطط للمتحف

يالله تعالوا الحين خطوه بخطوه عشان اندش داخل

هذا ممر الكاروسيل المؤدي الى متحف اللوفر من صوب حدايق تويلري

منظر جانبي لمتحف اللوفر قبل الدخول

احد اجزاء المتحف من الخارج

وهذا هو الهرم ... وهو المدخل الرئيسي للمتحف تدش داخل الهرم وبعدين تنزل بالسرداب عشان تتجول في متحف اللوفر

يالله تعالوا الحين نصف بالدور وياهم

ونزلنا تحت عشان نقص تذاكر .. شرايكم نقول جم معلومه بسيطه عن المتحف ؟؟

ينقسم المتحف الى ثلاث اقسام رئيسيه وهي :

1 - ريشليو

2 - سوللي

3 - دينون .. وهذا القسم اهو اللي فيه الموناليزا

ويتكون المتحف من اربع طوابق ... سرداب , أرضي , الطابق الأول والطابق الثاني

انا انصحكم اتييبون معاكم جي بي آر أس عشان لاتضيعون اذا بديتوا بالتجول داخل المتحف ^_^ ومااعتقد انه يوم واحد راح يكون كافي في التجول للمتحف .. انا عن نفسي رحتله 3 مرات متتاليه عشان اخلصه وهم احس ماخلصته كله جنه  في اماكن ماشفتها داخل المتحف من كبره ..

ويضم المتحف المجموعات التاليه :

1- الآثار الشرقيه القديمه

2- الفنون المصريه القديمه .. زمن الفراعنه .. بل عليهم مو مخلين شي في مصر مو ماخذينه وحاطينه بمتحفهم ^_^

3 - الآثار الإغريقيه والرومانيه

4 - فن الرسم

5 - المنحوتات

6 - التحف الفنية

7 - الفنون الاسلاميه

8 - الفنون التخطيطيه

9 - تاريخ متحف اللوفر

10 - فنون أفريقيا وأوقيانيا وأمريكا

فخلونا الحين ندش صوب جناح دينون ونروح ندوّر سحيله أم الخلاجين الموناليزا

بداية دشينا صوب مادري وين وقعدنا نحوس نحوس جان ندش هالممر ونشوف هالويوه جدامنا

هههههههههههههههه اللي حاب يجرب واحد من هالويوه يكسر الجام ويقعد يجرب شرايكم ؟؟

مخطوطات أثريه قديمه

يالله خلونا نكمل مشوارنا ... ونمشي ونمشي ونشوف هالتوابيت ... آثار آثار ياعيني على الآثار

والله فن ها ؟؟

صوروا يبا صوروا

ماصارت هالموناليزا تعبنا واحنا ندورها

وقعدنا نسأل الرايح والراد ... عليك أسأل عليك أسأل عليك أسأل من الرايح والراد ... آآآه ياعين

هذي معلقة بالسقف ... عاش بو فضاله والله وتذكرتك ياعبدالله فضالة في ربوع باريس ...

وصاعدين ونازلين في هالممرات جان اخير شي نطيح على قسم الرسم قلنا يمكن نلاقيها فيه

إحدى الرسومات المعروضه ... طبعا هذي وحده من آلاف مؤلفة معروضه بالمتحف

وأخيرا دلونا عيال الحلال على مكان الجوكنده مالت ليونارد دافينشي ...

كاهو مكان قاعتها ... للعلم ترى ممنوع اتصورونها مشددين الحراسه عليها وحاطين اثنين سيكيورتي مادري على شنو عاد

خايفين تنباق مره ثانيه يعني والا خايفين احد يصورها ويرسم مثلها ؟؟ هههههههههه

طبعا التصوير شغل تزرّق اوكي ؟؟

أهم شي الاوادم يطالعونها وحاطين هيدفون على اذونهم اي ليش ماتدري

طبعا يقولون من وين ماتروح تطالع الموناليزا تقعد تطالعك من كل صوب ... وهالشي بالفعل صحيح رحت يمين طالعتني ^_^ رحت يسار هم طالعتني ^_^ قعدت هم طالعتني ^_^ ياااه اشتبين ؟؟

ونكمل جولتنا في مجموعة الرسومات وبما انه ممنوع تصوير الرسومات نكتفي بهذا القدر 

 

 

يالله تعالوا الحين نروح صوب الحضارة الفرعونيه ... أخيــــه مشكله الواحد اذا حن حق العرب يالله فوقه القسم المصري

ودشينا صوب جناح سوللي وتشوف بويهك اول ماتدش هالقلعه اللي تدل على التاريخ المادري شنو

وتكمل واتعدي بحور وجبال ... لالالا ماكو بحور لابحور ولاجبال مجرد طابوق بس

ممر فرعوني قديم مصمم على الطراز الحديث

نسخة ابو الهول بس مصغره ^_^

هذا هني حداق الفراعنه القديم الظاهر

قاعده على الشط قاعده اتمشط

 

عوايل الفراعنه

مواعين وصناديق وجدور

رايحين يبيعون مادري يقزون المهم اللي هو ...

يدعي ربه

هذا الظاهر يحكي قصة الحرث والزرع

يبيله سمره وطقطقه وطمبوره هههههههههه ^_^

يالله خلنا نروح يالله ... يالله خلنا نروح يالله ... يالله خلنا نروح يم نجمه وقمر .. تريم تريم

طالعه من بيت ابوها رايحه لبيت الجيران

فات ماسلـّم عليّه يمكن الحلو زعلان

شايله بيدها عجره عشان اللي فيه خير يتحرش اتصكه فيها على صماخه

انا اول مره اشوف تكييف بالارض يعني تمشي والهوى البارد يكفخ فيك من تحتك

المهم ونكمل نكمل نروح الحين نشوف قسم ثاني

هذيل كتابات قديمه

 

كلوه حيصور كلوه حيصور

وهذي صوره لمدخل المتحف من داخل المتحف من احد النواف المطله على الهرم الزجاجي ^_^

خوش فارسه الصراحه

اشدعوه عليكم كل هذا حزن يعني ؟؟

 

مدخل الهرم من جهه ثانيه

تعالوا الحين انشوف الجناح الخاص بنابليون

خوش قعده

وهذي المدخنه مالته وفوقها جامه كبيره

وهذي الظاهر غرفة الاجتماعات

غرفة نوم نابليون

وهذا سريره اللي بغرفة نومه يقولون نابليون كان قصير فاعتقد وايد عليه هالسرير

وهذي التسريحه مالته يطالعه فيها ويهه

وهذي ساعه عليها صورته

وهذي لعبة شطرنج مصنوعه من زجاج ومرصعه بالذهب

يالله خلونا الحين نحوس بعد داخل المتحف

 

تبيني الحين ارد سيفي في غمده ؟؟

انزين احلف عاد ؟؟ لي هالدرجه قوي ؟؟ ياعيني عليك تتهاوش مع الحيه ؟؟ لا وزانط الحية بعد

وهذي صوره للهرم الزجاجي الصغير اللي تحت المتحف صوب المحلات والشوبينق اللي تحت المتحف وبجذي تكون رحلتنا خلصت داخل المتحف خل نطلع شوي بره المتحف ونشوف بعض من الشواهد اللي حوالين المتحف

يقولكم اكو بحيرات صغيره ونوافير بجانب المتحف ... الاوادم اييون ويتسدحون هناك مادري شنو الحلو بالتسدح في هالمكان بالذات .. فتعالوا الحين نشوف شوي من هالشواهد الموجوده

تمثال لويس مادري جم

عادي في أي مكان حط راسك ونام ^_^

وتشوفون بعد بعض انواع التصوير من هاليابانيين اللي مايخلصون من حركاتهم

اوبريت والله زمن ؟؟ ... لما حسين عبدالرضا يقول حق ولده تبي دجّه والا تواليت يبي يحلقه

الحين ماحلت لج زاوية التصوير الا هني يعني ؟؟ الله ماكثر الاماكن الفاضيه حبكت يعني ؟؟

ياعيني لاتطير تنورتج بس من الهوى

ان شاءالله عاد ماتنسون الجيس مالكم وتروحون

عادي الاكل في كل مكان ^_^

نرجع للتسدح

اهم شي العلم اللي ماسكته بيدها

والبطه اللي بالماي تقلدها الظاهر

يابطتي يانديه روحي لخلي هديه

مو شي يختل توازنج بعدين تطبين على ويهج بالماي

يطلقون رويلاتهم

 

بسكم تسدح

قعدات رومانسيه

تربط جواتي

لاتخافين محد يبوقها

واشوفكم على خير ان شاءالله

تصوير وتعليق دندرن HaMaD