مباراة الكويت وماليزيا بالصور

بعيدا عن المؤامره اللي احيكت في الصين بين منتخب الصين وهونغ كونغ واللي الكل عارف خباياها نقول مبروك للأزرق التأهل للدور الثاني بفوزه على منتخب ماليزيا 6 / 1 ... واليوم نبي نتحجى عن مباراة الكويت وماليزيا الاخيره اللي صارت بالكويت واللي على أثرها تأهل الازرق الى الدور الثاني مع منتخبين خليجيين السعوديه والبحرين واللي اتمنى لكل الفرق الخليجيه يارب تقديم مستوى طيب في الدور الثاني وانشوفهم ان شاءالله ثلاثتهم بكأس العالم في المانيا 2006 قولوا آمين ... وتعالوا الحين نشوف بعض الصور الحصريه من تصويري وان شاءالله تعجبكم ... طبعا في البدايه انا صارلي فتره مو رايح مباريات وذلك نظرا للمستوى اللي كان عليه الازيرق والحمدالله لما ردوه ازرق صار زين :)

يالله نتوكل على الله ونشوف الصور

هني أول مانزل منتخب الكويت للإحماء والتسخين ... حشا مواتر مو أوادم شنو تسخين ؟؟

ياشباب سخنوا عدل ولحد يستعبط على بو انه يعدل دلاغه والا مادري شنو عشان مايسخّن ^_^

تسديده على كنكوني .. بس هذي مو باللعب هذي بالاحماء ... يالله بوكنكن بالمبارك :P

وهني منتخب ماليزيا واهمه قاعدين يسخنون ... كلهم ماشين عكس المدرب الا رقم 25 و23 شادين حيلهم شوي .. يطبقون نظرية خالف تتفنقر

يذكروني بتصوير أغنية مايكل جاكسون الغبر ... ثريلر يوم يطلعون من المقابر ويقومون يرقصون ... اي ماكو شغل حدهم

وهني حكام المباريات هم بعد يسخنون ... شنو عندهم هدّه ؟؟

الحين خلصنا من الملعب خل نطق فرّه على الجمهور الكريم شوي ونشوف شكو ماكو عندهم

يالله تعالوا انعد .. واحد .. اسنينه .. سلاسه .. اربعه .. خمسه .. سته.. بالله شمقعدكم بين جمهور الكويت؟؟

شنو ماوراكم دوامات ؟؟ اشدعوه يشتغلون بالخارجيه عاد

لحظة وصول رابطة المشجعين النسائيه للمدرجات ... أهم شي المكرفون اللي شايلته

ام تي سي فودافون هوه هوه

بييييه شفيكم يابنات جذي متيمعين على مكان واحد ؟؟ شنو يعني ماكو الا هالكرسي الوحيد اللي بتقعدون عليه ؟؟ يبا كا الكراسي فاضيه الله ماكثرهم توزعوا .. حشا جنكم نمل على دبق

عجبني هالمنظر

وانتوا شمقعدكم فوق كلش ؟؟ الحين مالقيت اتصور الا من هالمكان ؟؟ يامعود تعوذ من ابليس وانزل لااتييك الطياره اللي وراك وتطيرك بهواها والا متعلق بالجناح عاد شلون انييبك بعدين ؟؟

ونبتلش فيك عقب تبي تعويض عن اصابة عمل