السلام عليكم ورحمة الله وبركاته
هذي صور مباراة الكويت والسعوديه في تصفيات كأس العالم واللي انتهت بالتعادل السلبي مع شوية تحليل وتعليق على بعض الشغلات اللي صارت وتداولوها الاخوان مع بعض وسائل الاعلام اللي حاولت تهدم العلاقات بين البلدين الشقيقين
اتمنى مشاركتكم بالموضوع والتعليق ... وتذكروا هالصور حصريه ^_^
يقولون راح نفتح ابواب الاستاد من الساعه 4 ونص ... لكن اكتشفنا انهم فتحوا الابواب من الساعه 2 ونص تقريبا
وصلت الاستاد الساعه 5 ودخلت الحمدالله وكل شي لي حد الان نوعا ما سليم
انبلش
نشوف الصور واندردش
صوره للجمهور في المدرج الهلالي هني كانت الساعه تقريبا خمس ونص يعني قبل المباراة تقريبا بساعتين وربع
صوره للجمهور عند الرابطه .. واهم مافي الموضوع اللافته المكتوب عليها ثانويه بيان بنات
يعطيهم
العافيه الصراحه ماقصروا ... بس كانت في لاقته للديوانيه في نفس المكان وين
راحت؟؟ ^_^
لقطه للجمهور السعودي واهمه نازلين داخل الملعب قبل المباراة
هذي صور مباراة الكويت والسعوديه في تصفيات كأس العالم واللي انتهت بالتعادل السلبي مع شوية تحليل وتعليق على بعض الشغلات اللي صارت وتداولوها الاخوان مع بعض وسائل الاعلام اللي حاولت تهدم العلاقات بين البلدين الشقيقين
اتمنى مشاركتكم بالموضوع والتعليق ... وتذكروا هالصور حصريه ^_^
يقولون راح نفتح ابواب الاستاد من الساعه 4 ونص ... لكن اكتشفنا انهم فتحوا الابواب من الساعه 2 ونص تقريبا
وصلت الاستاد الساعه 5 ودخلت الحمدالله وكل شي لي حد الان نوعا ما سليم
انبلش
نشوف الصور واندردش
صوره للجمهور في المدرج الهلالي هني كانت الساعه تقريبا خمس ونص يعني قبل المباراة تقريبا بساعتين وربع
صوره للجمهور عند الرابطه .. واهم مافي الموضوع اللافته المكتوب عليها ثانويه بيان بنات
يعطيهم
العافيه الصراحه ماقصروا ... بس كانت في لاقته للديوانيه في نفس المكان وين
راحت؟؟ ^_^ لقطه للجمهور السعودي واهمه نازلين داخل الملعب قبل المباراة
لقطه للجمهور الكويتي عند الرابطه قبل المباراة بساعه تقريبا ويلاحظ مالك محط رجل
رابطة مشجعي الازرق النسائيه ... يعطيهم العافيه ماقصروا
لقطه ثانيه للجمهور الكويتي اللي على يسار المنصه
تدريب للأزرق قبل المباراة
تدريب للأخضر قبل المباراة
لحظة عزف السلامين الوطنيين
المنتخب الكويتي لحظة عزف السلام الوطني
وبدت المباراة الحين وتعالوا نشوف بعض اللقطات والهجمات من اللقاء
ههههههه وين الكره ياشباب ؟؟؟
فرج لهيب يحاول المرور من لاعب سعودي ... ويبدو الجمهور تحت المنصه ... من كثر مااهو ماكو مكان اقعدوا تحت المنصه ^_^
حمد الطيار والنمش يراقبون لاعب سعودي
هجمه للمنتخب السعودي على المرمى الكويتي
هجمه كويتيه على المرمى السعودي
مساعد ندا وسامي الجابر ...
شد بين اللاعبين من غير كره ^_^ هدوا ياشباب ترى الدنيا ماتسوى
كره مشتركه بين الطيار وبشار مع لاعبين سعوديين
هجمه كويتيه أخرى على المرمى السعودي
على راسي والله هالعلم وهالجمهور الوفي اللي مالقى مكان قعد على عواميد الكشافات مالت الاستاد
ورفرف ياعلم بلادي
هجمه كويتيه أخرة على مرمى المنتخب السعودي ... وشوفوا الجمهور وين واقفين على الشبك اللي تحت
ذكروني في مباريات منتخب الكويت في تصفيات كأس العالم 82 لما كانوا يقعدون نفس القعده ^_^
الله يرجع ذيج الايام
هم بعد هجمه كويتيه على المرمى السعودي
لقطه للجمهور الكويتي في المدرج الهلالي ... ولاحظوا شلون بدت تبين عليهم علامات الاستياء من الاداء السلبي
كره مشتركه بين لاعب سعودي وخالد خلف
ابو ندا
هوب هوب شوي شوي يبا ترى كله لعب موصج هدوا هدوا ...
ياسر القحطاني مع حامل الرايه ونقاش على بعض الامور
ياسر القحطاني وبيده بطل ماي ... يبي يشرب ابن الحلال ذابحه العطش من اللعب
مساعد ندا وياسر القحطاني ونهير الشمري ... اشقاعدين اتفكرون فيه ؟؟
عبدالله وبران هههه يبي ينزل الملعب
وانتهت المباراة بالتعادل السلبي بين الفريقين
لقطه عجبتني من رابطة المشجعين النسائيه .. تعبر عن حال كل كويتي بعد المباراة
اي والله الله كريم ان شاءالله .... جهد يشكرون عليه ويعطيهم العافيه لكل من حضر المباراة وكل من تابع وكل من حاول يدش الملعب وماقدر
والله على راسي هالجمهور الوفي
هذي اللقطه هي رد على بعض الاخوه الله يسامحهم اللي قالوا انه الجمهور الكويتي نزل الملعب بعد المباراة يبي يسوون شغب
انا بقول شغله بس ... قبل لاتسيئون الظن في الجمهور الكويتي تأكدوا .. لاحظوا الجمهور واهمه واقفين مع اللاعبين السعوديين ويسلمون عليهم وبشكل طبيعي جداااااااااا
يعني لافي نرفزه من كل الاطراف اللاعبين السعوديين يمشون عادي جدا ولا اكو شي صاير والجمهور الكويتي نازل ويسلم عليهم ولاحظوا انه غالبيتهم من الصغار بالعمر
وهم هاللقطه ردا على بعض الاخوه المشككين اللي قالوا انه لاعبي المنتخب السعودي كانوا يقولون حق زملائهم يالله بسرعه طلعوا من الملعب لأنه الجمهور الكويتي يبي يتهاوش وياكم
اي شي صح ؟؟؟ انتوا بس لاحظوا شلون كانوا يتمشون بكل هدوء ولله الحمد ماكو شي صاير
ماقول الا الله يسامح اللي يبون يثيرون الفتنه بين هالبلدين
هم هذي لقطه ثانيه للي قالوا انه القوات الخاصه الكويتيه بعد المباراة سمحوا للجمهور انه ينزل الملعب يسوي اللي يبي
اعتقد هاللقطه واضحه وضوح الشمس لكل المشككين ... ماشاءالله عليهم شرطتنا ماسكه الملعب ونظفته من كل شي منعا لحدوث اي احداث مؤسفه
انا مااقول انه ماصارت بعض المناوشات لاوالله صارت ونعترف بهالشي لكنها بسيطه واتصير حتى بين ابناء البلد الواحد بين الانديه اتصير
واللقطه الاخيره راح اتبين الاخوه بين الشعبين الشقيقين
لقطه للجمهور الكويتي والسعودي مع بعض وفي مكان واحد
هذا دليل على شنو ؟؟ ... انا عن نفسي كانوا قاعدين يمنا سعوديين ولله الحمد ماصار مايعكر صفو اللقاء
اشهالحجي والخمبقه اللي صايره ؟؟
تصوير وتعليق اخوكم دندرن ... HaMaD