وهي ظاهرة خروف العيد … يمكن البعض في هالايام هذي بالذات في عيد الاضحى بالذات يتمنى ويقول الله لو عندي جم راس خروف عشان استقل هالايام المباركه وابيع الخروف الواحد ضعف سعره الاصلي مرتين … وهذا اللي صاير عند غالبية اصحاب الخرفان الله يهديهم … لكن الواحد شيسوي مجبور يمشي ورى اهوائهم الشسمها عشان الاضحيه … ناهيك عن كيفية نقل هذه الخرفان المسكينه في سيارات النقل وفي طريقه غير سليمه وغير حضاريه ههههههه وين حقوق الحيوان عنهم ؟؟ 

فيعني مثلا اتلاقي واحد عنده سيارة نقل مثل اللي راح نشوفها بالصوره التاليه وتقعد اتركز شوي وتلاقي جم راس قاعدين يتحركون من داخل السياره لأنه الباب شوي كان مفتوح … انت اول مايخطر في بالك حسبالك اوادم اللي داخل … لكن الحقيقه غير جذي … فتقعد تمشي تمشي وراه لين يوصل المكان المراد تنزيل هالاشخاص فيه … وفجأه ينزل البنغالي والا الهندي ويفتح باب سيارة النقل والا اتلاقي ولا 60 راس خروف نازل من هالسياره اتقول فرقة كوماندوز تبي تقتحم مكان  

نروح الحين حق المسكين اللي متوهق مايدري شلون ينقل خروف العيد وماعنده الا سيارته الخاصه ينقل فيها خروف العيد … عاد واتكون السياره على قده …. وتلاقيه في الاخير حاشر الخروف بالسياره والخروف يعاني مسكين يطقطق روس شوي يسار وشوي يمين لين يوصل لمرحله يقول الله يغربل هذاك اليوم اللي قطني بيد هالريّال …. فـ الله يعينك ياخروف العيد 

انا خلاص ان شاءالله قررت اذا الله رزقني بجم فلس باشتري سيارات مكيفه لنقل خرفان العيد مخصوص من والى مادري وين ^_^

وفي الأخير … نروح حق ظاهرة المسجات والرسائل القصيره قبل العيد وتلاقي المسجات الحلوه والمسجات البطيخيه

**************************** 

سلة مادري شنو والعيد مادري شصار فيه وحبيبي قبل مادري شنو انا مااقدر اعايد على الناس وانت بعيد … وتلاقيه حتى مو داري عن هوى دار أمه اللي يابته … ويمر الوقت وانت بعيد وانا مالي شغل بالعيد ههههه هذي من تاليفي  فعاد اشحقه كل هالعباله واللويه ؟؟؟؟

يبا احلى مسج تدزه وتفك عمرك من التفكير وياويلي فلان دزلي جذي وفلانه دزتلي جذي ياربي انا شدز لها ؟؟؟ لازم ادز شي احسن من اللي دزوه حقي ياربي انا اشكثر اعاني … مالت على غمازاتج الصناعيه اهو بس

V

V

V

V

V

انا اقولكم احلى مسج دزوه اهو اللي يوصلكم من شركة الاتصالات سووله فوروورد وفكوا اعماركم 

وعيدكم مبارك وانشوفكم في الايميلات القادمه وتقبلوا تحيات أخوكم دندرن