السلام عليكم ورحمة الله وبركاته
جذي مرات الواحد يحس انه وده يفضفض .. وده يقول ... يتكلم .. بس ماكو فايده ملينا من البحر مجابلينه يعني رومانسيين ونطالعه وساكتين يعني نسولف للبحر
ونتأمل وآخرتها داق سيارتك سلف وماشي ومخلي البحر ماعطاك اي حل
المهم عاد قررنا ان نطلع هالمره في رحلة قنص .. يعني نروح حق البر يمكن نشكيله ويشكي لنا
بس عاد هالمره قنص من نوع آخر مو رايحين نصيد طيور لأ .. رايحين نصور طيور
فتوكلوا على الله وحياكم معانا
ووصلنا وجهتنا والا بسم الله الرحمن الرحيم اول ماتشوف بويهك هالخروف وربعه بااااااااااااع
انزين ليش جذي طاقك الحفا ... مالت على راعي الغنم اللي المفروض يدير باله عليك
ونشوف هالخضيريّه تتخطرف جدامك ويمك وحواليك
ياسلام سلم شي جميل ورائع .. هذا
عرباوي 
عاد في هالحاله ينزل عليك الالهام وتقعد تتغنى في هالطيور الحلوه وتشعر وتقول ..
ياطير ياللي بالهوى لك تخافيج .. بالله ماتوصل سلامي لخلي
اي ترى بالكويت هذا مو بره الكويت
وهذا قدساوي يتأمل هو الآخر
بالطبيعه 
بسم الله
ها مواعد من ورانا
يالله اخذوا راحتكم محد درا عنكم
اظهر وبان عليك الأمان
شتدور يالحبيب ؟
الحين خلونا نشوف هالطير الجميل في هدوئه وسكينته
شوي ماوعيت الا طب ... والا طلقه بندق مادري من وين ياساتر
تطشر االطير الله يغربل بليس عدوك ياللي رميته
جان على راسه طااح ميت لاحول ولا قوة الا بالله ... ياجماعه والله مايصير جذي تذبحون الطيور وتخلونهم
وين حماية البيئه من هالنوعيه .. مايصير جذي ياجماعة الخير ... شقيتوا أم أبو البيئه ومافيها ... الطيور ماقامت تمر فوق ديرتنا بسبتكم
وهذا طير ثاني يتمشى بين طلقات البنادق ... ياجماعه خفوا شوي واللي يرحم والديكم
ياربي اشـ هالأذيه والله دوخة راس ... ترى عويذ الله من شرك ياولد الناااااس
مسكين مصوب من طلقه عشوائيه ... والله مسكين قاعد يعرج واهو يمشي
الحين خلونا نشوف شوي من بيئتنا
الحلوه والطيور اللي فيها اللي ماعرف اساميهم الصراحه
شدعوه عطنا نظره يالطيب
لاتصد هناك ياعمري دقيقه .. العمر محسوب بحساب الدقايق
قاعده على الشط .. قاعده اتمشط .. بس هذي ماياها الواوي
روح يالله تمردغ في الغيله والطين
يالله وجبة الهنا ...
كل شي اوكي لاتشيــل هم يالحبيب
الحين خل نشوف شي ثاني واهمه اثنين من البنغاليه سالفتهم سالفه
هذا الأولاني دش وعبر المستنقع لحاجه في نفسه داخل مادري شبيسوي
هوووب لاتطيح يامعود ماتسوى عليك ينغسل شراعك في هالمستنقع
ماوعينا الا هاللي طالع لنا من بين الزرع وشايل على صماخه كومة حشيش وزرع
وعرفنا انه هالطيب يروح يقطع من هالحشيش والزرع الظاهر حق الغنم او شي مني مناك
وليـــــه طاح الولد ... هههههههههه ياسلام عاد الحين يبيله صج انقاذ
هذا المنقذ صديقه .. اهم شي بالموضوع الراديو اللي معاه
شوي والا الشاب اللطيف مجفس دشداشته
ركضه دبجه ركضه دبجه
ياعيني على عضلات الريول
هوبلااااا
وراح ينقذ صديقه ...
ولازالت سيارتهم على حطتها مبطل كبوتها ودبتها مشرعه
وبيتهم بمكانه ماتغير فيه شي
ياترى شنو صار عليهم .. هل البطل المغوار انقذ صديقه من الطيحه والا لأ ؟؟
هذا ماسوف نراه في الحلقات القادمه اذا صارت لنا رحله لنفس المكان ان شاءالله