طلعة البحر حلوه وخصوصا بالصيف … وخصوصا لما تحط ببالك ودك تركب جت سكي فشرايكم اليوم نركب جتات وندش في عرض وفي طول البحر ونشوف شكو ماكو ؟؟؟
يالله توكلوا على الله
سلمكم الله في البدايه حق الأشخاص اللي ماعندهم جتّات يروحون حق اقرب واجهه بحريه في الكويت ويدفع مبلغ وقدره 15 دينار حق الساعه الوحده بس ويعطونه لايف جاكيت ويقولون له روح توكل على الله ولانشوف رقعة ويهك الا عقب ساعه
عاد انتوا هني دوروا وتمقلوا في الجتات وجربوها لايقصون عليكم يعطونكم جت اي شي مافيه حيل كلش حتى لو اتسابقه ركض يمكن تسبقه
والا نفس الجت اللي مره اجرناه وطلع الشاصي مضروب لوووووووول يلف على صوب بس عاد مو علينا معاي واحد عسى الله يسلمه نشّف ريجهم على ماطلعوا لنا جت مضبوط
مثل ماتشوفون هني الجتات صافطين ويقولون حق الاوادم يالله اللي يبي يطق فيني فره حياه الله
والشاب اللطيف اللي بالصوره هذا منّزل جته يعني ماله اهو مو تأجير
عااااااااااااااااااااااااد ونبلش معاكم وراح تشوفون ان شاءالله شغلات مش طبيعيه وحركات وسوالف راح تشوفونها ان شاءالله بعرض البحر ونبتدي مع هالشاب اللطيف
من أولها جذي يالحبيب ؟؟؟
ونبتدي ندش في وسط البحر الغجري المجنون يسافر في كل الدنيا … قد تبدو أمرأة ياولدي يهواها القلب هي الدنيا … شكو ؟؟؟
وتصير المنافسات أحلى وأحلى في التسابق … عاد مو شي اللي يطلع الجت ماله مافيه حيل فمن جذي اقولكم جيكوا عليه بالأول عشان لاتتفشلون وقت الصجيه اتلاقون اللي معاكم مشاخط في البحر وانت يالله تقول راكب لك طقطاقي مافيه حيل حتى تطق فيه فرّة بالفريج
المهم خلونا نكمل طريجنا ونشوف ايضا هواية التزحلق على سطح البحر مع هذا الشاب ^_^
ياسلام عليه والله يشيش يبيله الصراحه جذي على يوم انسوي مثله … بس المشكله مانعرف
وتستمر الحياة حلوه ياشباب
وتشاهد المناظر الخلابه … بس عاد لاتركزون حيل في الموجود في البحر
انا انصح اي واحد يبي يجيّل بيته يعني يبي يترس البيت من اغراض وسوالف يطق له فره في البحر وياخذ اللي يبي ويروح بيتهم
طبعا راح تشوفون انواع القواطي المحذوفه في عرض البحر … قواطي تقال بالقاف يعني قواطي جمع قوطي بالقاف ققققققق اوكي ؟؟ وهذي لازم تنقال بالقاف مو في أي حرف ثاني
قوطي البيبسي
وقوطي السفن أب ومايندرى بعد جان اكو قواطي ثانيه بس هذيل القواطي اللي شفناهم يومها
وتشوفون بعد انواع كثيره من الصحون ومواعين البيت والاكياس والعصي جمع عصا
عادي بعد راح تشوفون سمج ميـت
وين البيئه عن هذيل اللي يوصخون البحر ؟؟
يعني ماشاءالله جيّل بيتك بطقة فره بسيطه في البحر وتطلع بخوش شي ^_^
المهم ونكمل ونكمل مسيرتنا في البحر
طاط طاط وخر يالحبيب
عاش واقف … مو جنه الجت كبير عليه وايد ؟؟؟
المهم في احدى طلعاتنا كانوا معانا قروب اجنبي عزمناهم في احدى الرحلات
فعاد توهم داشين بحر والا يخرب احد الجتات عاد مشكله اللي يتوهق واهوه بوسط البحر ومايشتغل الجت فيه
مايفيدك الا القلص في هالحاله اربط وامش
وكملنا طريجنا وشبعوا الربع شماته وحرمت يومها ضيفتنا الانجليزيه تركب جت مادري شنو اللي خرعها يومها … انزين ياشقول دامج ماتعرفين تسبحين شكو رايحه بعيد عن الشاطئ ومتفلسفه علينا ؟؟؟
ونكمل …….. ونستمتع ….. ورايحيييييين ورادين وسوالف ووناسه ورايحين ورادين
ذكرني بصاحبنا اللي خلص بانزين سيارته وشاف طياره فوقه ورماها في بندقيه وقض تانكي البانزين وحط بسيارته بانزين طياره … عاد عقب على كلامه اهو طبعا … يقول .. لما مشت سيارته من بعد ماعباها بانزين طياره جان تطير بزززززززززززززززززززززززززز دزها على البراد الحبيب
شوي ونطالع يمين والا جت بروحه هههههههه وين رواده ؟؟
شنو ماكو أحد والا شسالفه ؟؟
ههههههههههههه هذيل شنو ؟؟ يالله اديلوووو سباحه ياقوي وطش طش عاد بيــــــه مو شي اللي يروح عنه الجت بعيد ومافيه لياقه ينهد حيل الواحد واهوه يسبح
ها جنهم وصلوا الربع يالله هانت هانت شدوا حيلكم يالله
طبعا حلاتها وانت راكب جت سكي تقلب بالماي ايابااااااااااااه شغل عدل ترى … جذي اتحس نفسك ريفريش
هوب هوب لحظه لحظه في صوت ياي من على شمالنا
V
V
V
اخيــــــــــــــه هذا المنقذ وصل لهم هىهىهىهىهىهى وعامل حسابه الحبل متدندل وراه حق القلص لوووووووووووول
تعالوا انكمل جولتنا … اهو بس
يعني شلون ماتحلى الوقفه الا جذي ؟؟
ايا المسكين … كلكم عليه يعني ؟؟ والا عشان مايعرف يسوي مثلكم ؟؟؟ باجر يتعلم ويغرقكم
هذي بعض الاجواء اللي تصير بس ويت ويت ويت أكو واحد قاعد بروحه شسالفته ؟؟؟
V
V
ترن ترن سيكشن ثيرتي ون ترن ترن
………. طوووووووط طووووووووووط
انقطع الخط