السلام عليكم ورحمة الله وبركاته

موضوعنا اليوم سلمكم الله شوي قديم صارله 17 سنه ... وسامحوني شوي على الصور لأنه بذاك الوقت اعتقد الكاميرا اللي تم التصوير فيها كانت ربع ميغا بيكسل او أقل بعد ^_^ يعني زين منها طلعّت هالصور ههههههه

بطق فيكم فره على بعض مخلفات الغزو العراقي اللي كانت موجوده بعد التحرير مباشره لـعام 91

دبابه متهرتكه

واحد من الشباب يحليله .. الحبيب على هالقعده قاعد بقهوه ؟؟ مهدلي جاااااااااااااااااااااااااااي

ايضا دبابه

اشوف جنها يازتلك القعده يالحبيب

تعالوا خل نطل داخل الدبابه ونشوف شفيها مافيها

ههههههه قذايفها فيها

قذايف محذفه بكل صوووب

كارجووو مناك على صوب

مدرعات

صجم ^_^ هههه يعني فشق

خندق ... سرير وكوميدينو داخل الخندق

خندق آخر

تعالوا نقرب شوي

نطل داخل

مدرعات مهدمه

طبعا سامحونا على التصوير صج الله بالخير بس الحمدالله على كل حال ^_^

يالطيب وين قاعد

جنود من قوات التحالف يتفقدون المكان

انت ماتيوز ؟؟ مره على سبطانة الدبابه ومره شايل قذيفه اعقل ياصبي

اهم شي الدشداشه المغربيه .... غباااااااااااار بو الشباب

يسلم العهده لشخص اخر هههههه

صارت رفع اثقال مو قذيفه الله يهديكم

عاشوا الشباب ... مايندرى عنهم عاد الحين شباب والا شياب

يتأملون في الطبيعه

ماعرفه ^_^

يالله سترك

صديقي يتفقد سياره مشبه عليها

هذا الوانيت اسمه حمار الجت

الله يذكره بالخير هالوانيت .. ياما كانت له ذكريات جميله وتحمل الصعاب والمشقات

الظلام على الكويت بسبة حرق آبار النفط اللي احرقوهم العراقيين قبل الانسحاب من الكويت

اللهم لك الحمد والشكر على نعمة التحرير

الله لايغير علينا يارب ويطمنا في ديرتنا يارب العالمين

وكل عام وانتي بألف خير ياكويت