السلام عليكم ورحمة الله وبركاته
اليوم بنصعدكم ان شاءالله حق برج ايفيل في فرنسا وخلونا نشوف المناظر الخلابه والغلابه من فوق البرج
بداية الوصول للبرج والنظر اليه من تحت ... ثم الى فوق فوق فووووووووووق
عاد انتوا طالعوا لين ماتنكسر رقبتكم ... وبعدين عاد مو تقولون انا السبب كل واحد يطالع على قد رقبته
يعني اللي رقبته مثل نبيل شعيل راح يطق اصبع ومايقدر يطالع
هذيل موجودين قبل
ماتصعد البرج متع عيونك فيهم واصعد 
بداية الصعود الى البرج لركوب الاصنصير .. وباللغه العربيه المصعد
المهم صعدنا المصعد
ياحلو مصاعدهم
لوووووول عادي عندهم اتصير زحمه مو زحمه عادي جدا ... تذكرت وانا في هالموقف فلم
عربي قديم اسمه بين السما والارض لما الاودام يتحاشرون بالاصنصير ويخترب فيهم
المصعد وموعارفين شلون يطلعون انا بوقتها قلت لو يصير هالموقف شنسوي ؟؟؟ خو انا
الوحيد اللي فيهم ماعرف فرنسي اهمه بيتفاهمون بيناتهم وانا اظل بروحي اطق اصبع يعني
؟؟؟ ... لا مايصير جذي مو قبول هالحجي
المهم
عاد بعدين الحمدالله وصل المصعد بالسلامه
نزلنا بالسلامه من الاصنصير ... يالله تعالوا الحين اوريكم معالم فرنسا من فوق البرج ^_^
طبعا اول ماشفت
هاللوحه اعجبتني بس فيني خير اعرف شنو مكتوب فيها
بس
على مااظن نبذه مختصره عن شي شنو اهوه ؟؟ الله اعلم .. لحد يسألني بليز
منظر عام لأحد الانهر المطله على برج ايفيل
نبدأ في اول مشاهده للمعالم من فوق البرج .. ومادري ليش وانا فوق البرج تذكرت شباب احدى القبائل المعروفه عندنا بالكويت ... راح تعرفون الحين شلون طروا على بالي ... اول شي خلونا نقول نبذه مختصره عن شبابهم
يمتاز شباب هذه القبيله بعدة امتيازات منها ...
1 - يصيدون طيور بحرفنه جيده جدا يعني وقت القنص اذا بتصيد طيور اخذ معاك واحد منهم اذا ماصاد كل الطيور اللي يشوفها اقص ايدي يعني نقوشّيين ماشاءالله عليهم :)
2 - لهم لغه في التخاطب فيما بينهم بالاشارات
مثال على ذلك اذا أشر لك احدهم بالرقم 1 فهذا يعني ان صوت الكزوز قوي وممتع واذا أشّر لك بالرقم 2 يعني وانت على اللفه جنك ماتدري قحّص وانت اللي ماشي :)
3 - لهم قدره عجيبه في القياده بالسيارات وحرفنه مالها مثيل بالتقحيص :)
واللي لفت نظري وانا فوق البرج هالسايق هذا الليذكرني فيهم
بداية الامر يمشي بهدوء وسكينه ... ولاحظوا الحمامه لها دور بالموضوع ترى اوكي ؟؟
اهو شاف الحمامه ..... جان يعطيها فوق تحت
يمارس هوايته بالتقحيص بشكل محترف جدا
مسكينه راحت فيها الحمامه ... الحين بيعطيها من تحت واييب اجلها
وهذا اهو اللي ذكرني فيهم وفي حرفنتهم في القياده
المهم تعالوا الحين وخلونا نكمل رحلتنا من فوق البرج وانشوف معالم فرنسا
ملعب .. مادري ليش محشور بين البيوت يعني اذا بتكسر جام البيوت مالك الا اتشوّت عليهم
قصر الوالد الله يطول بعمره تقدر تشوفه من فوق البرج .... وبزززززززززززز على البراد
طبعا هالقصر باعه الوالد على الدوغ فيليب السبعه وسبعين
وتقدر اتشوف من
فوق البرج عمارات الفنطاس بعد
هذا مو حمام سباحه اهمه عدة نوافير على شكل قعده تقعد على جانبي النوافير وتطالع المنظر الخلاب العاطفي
وتقدر تشوف من
فوق البرج ايضا دوار الشيراتون ... هم بعد بزززززززززززز على البراد
قلب حب مصنوع من الزهور الطبيعيه موضوع على مزهريات مصبوغه باللون الوردي ايضا
مجمع الرايه بس
اصبغوه باللون الاسود قالوا انجرب شلون يطلع
وبجذي خلصت رحلتنا الى برج ايفيل ... انشوفكم ان شاءالله في رحلات قادمه ان شاءالله وانتظرونا فالقادم مذهل اكثر
جميع الحقوق محفوظه لدندرن HaMaD