اليوم عندنا رحله الى فرنسا اتمنى من صميم قلبي واعماق اعماقي انه الرحله تعجبكم واللي راح نقضيها في وسط نهر السين ….عاد اهوه ليش سموه سين ماادري والله انخلي هالشغله حق اخواننا القزيزه في فرنسا العالميه

المهم نتوكل على ونركب اللنج … لنج يعني عباره تمشي الهوينا في وسط النهر وعلى الراحه مغطاة بزجاج من النوع الفاخر جدا مدا لاتسمح لأي نسمة هواء عليل بأن يدخل هذه العباره … ايييييييه اتذكرني في العبارات اللي توديك حق فيلجا يطيح حظك وينهد حيلك وتطلع زبدتك كلها على ماتوصل فيلجا … لاوتطقك اللواهيب يكفخ فيك الهوى يمين يسار واخرتها على ماتوصل فيلجا الا مالك خلق حتى تنزل من العباره المهم تعالوا نركب العباره ونتمشى بوسط نهر السين

بداية الرحله كل واحد يقعد على الكرسي اللي يبي .. اهوه صج ماكو ارقام بس ناس مرتبين وماكو دزني وادزك على اللي يقعد صوب الدريشه ههههههه مثل واحد الله يذكره بالخير كله يتهاوش لما يركب الطياره يبي يركب صوب الدريشه ولما يطالع من الجام المناظر الطبيعيه اتلوع جبده ووده يستفرغ 

بدت العباره في المشي شوي شوي … ههههه وانا قاعد اتنقل من دريشه لي دريشه 

طبعا مالك امل تشوف يهال يتخطرفون جدامك مؤدبين قاعدين في اماكنهم ولايتحركون مو مثل عيالنا الله يخليهم جان سووا العباره ملعب يلعبون فيه جميع الالعاب اللي عرفوها واللي ماعرفوها بعد

تلاقيهم يلعبون طمباخيه والا مقصي والا تلاقيهم متعلقين على الجام وطبعة ايدينهم دبق من اكل البفك والفلفل اغراش والعصير ياااااااااااو … لاواخرتها لما ينزلون تلاقيهم يحذفون العباره يبون يكسرون الجامه اي ليش عاد ليش ؟؟؟

تعالوا الحين نشوف شوية مناظر من وسط نهر السين

هذا مادري شنو

وخّر ويهك يالطيب شوي خلنا نصور … الله يهديك غطيت على الكاميرا بنشوف ياابن الحلال  عاد مادري شنو هالشي ليما الحين

اهاااا هذا مو جنه حصان الساحر اللي مع سندباد ؟؟

اللي له اجنحه من غير راس ؟؟ بس هني جنهم ملصقين راسه ابـ صمغ حديد مو؟؟

المهم نمشي ونمشي ونمشي نشوف معالم فرنسا

والا شنو نشوف ؟؟

أحكـــــــــر طاحوا عليه صادوه ههههه جكجك

مساكين يحبون بعض اهيه ضايق خلقها وقاطه راسها على صدره وتشكيله حالها سمعت انا ورديت على ماقاله الصج يبقا والتصنف جهاله … دندرن

واخوانا العرب مايخلون احد بحاله لازم يخزون ويتطنزون على الاوادم يبا شعليكم منهم الديره ديرتهم ان شاءالله يسوون اللي يسوونه احنا شكو ؟؟؟

بس ماكو معروفه اللقافه شينه اللهم ياكافي بل

ونمشي ونمشي بشويش بشويش

والجو حلو وهادئ ولايوجد مايعكر صفو الرحله بتاتا

هههههههههه شنو صار ؟؟ اشفيهم الاوادم انقلبوا رأسا على عقب ؟؟؟

الروس نامت والعصاعص قامت يالله ماعليه

على فكره ترى هالصوره مو فبركه حقيقه والله العظيم فجأه والا روسنا تحت واريولنا فوق شلون ماادري 

عاد الشاطر يحلها ويحتلها 

هذيل منو ماادري بس قيل لي والعهده على الراوي انه عندهم حفلة زار وطقطقه 

احد المعالم الفرنسيه

هذا مطعم … انصحكم فيه ترى خوش مطعم ههههههه

لوووووووول مبين من ويهه عربي الاخ مادري شفيه حاقد علي

هىهىهىهىهى

وهذا واحد من الموصاحين في فرنسا .. الاخ حسباله راكبين باص مواصلات قاعد يأشر لنا يبينا نوصله … اهني الواحد يتذكر ايام الصبا لما كانوا اليهال يركبون في الباص ويجعسون وياهم طابوق وبلاوي زرقه واذا مروا يم الاوادم حذفوا عليهم …. اي ليش عاد؟

والله اباليس هالصغار  ترى انا ماكنت وياهم كلش ملش

لايروح بالكم بعيد يبا هذي مو مغنيه ولاشي الله يغربل بليسها طول الرحله تقرق على مخنا والله مافهمت منها ولاشي هذي طال عمركم المرشده السياحيه للرحله حسبالها الحين اللي قاعدين كلهم فلته بالفرنسي مايدرون انه ثقافتي المانيه ومااعرف بالفرنسي شي  بززززززززز دندرن على البراد

بس والله حليوه بنت الحلال تقرق من قلبها … والاوادم محد ملقيلها بال

يالله تعالوا خلونا ندش تحت الجسر ههههههه

طان طان طان بيب بيب اهلي بيب بيب بيب زمالك 

شكو شكو ؟؟

عاد الحين راح اوريكم اللي عمركم ماشفتوه ولاراح تصدقونه ادري لكن اللي مايصدقني يروح فرنسا ويشوف بعيونه وراح يصدق لووووووووووول

عاد تصدقون هالشي؟؟ تصدقون انه عنتر وصل فرنسا بحصانه ؟؟

انا عن نفسي ماصدقت الا لما شفت بعيني 

اثاري عنتر طلع فرنسي واحنا ماندري ويقصون علينا الافلام المصريه ويقولون بلعته الرمال المتحركه مع شيبوب ومادري شنو واخرتها الحبيب بو شداد طلع قاعد بفرنسا ويحب عبله الفرنسيه

لاقينا اخواننا المصريين يقصون علينا ويسوون افلام انه عنتر من الجزيره العربيه واهوه ساكن في خيمه على نهر السين 

عاد انتوا مو تصدقون نتغشمر يبا

وبجذي خلصت رحلتنا حق نهر السين في فرنسا ونشوفكم ان شاءالله في الرحله القادمه هم من فرنسا الى ان نلتقي لكم كل الحب والتقدير ياناس يامحترمين

جميع حقوق الدندره والتعليق والتصوير محفوظه لـدندرن HaMaD