السلام عليكم ورحمة الله وبركاته
كل عام وانتم بخير بمناسبة السنه الجديده 2012 وان شاءالله تكون سنة خير وسعاده علينا وعليكم يارب
نما الى علمنا ونحن باليواخير العامره ان مدينة دبي الجميله كل سنه يطلقون العاب ناريه من برج خليفه اللي هو اطول برج بالعالم ماشاءالله تبارك الرحمن
وبما ان احنا ماعندنا جهات رسميه او قطاع خاص يسوي مثل هالسوالف الحلوه .. ولحد يقولي ان احنا بنحتفل بعيد راس السنه لأ فقط نبي نشوف شغلات حلوه في مناسبات مهمه مثل الاعياد الوطنيه وهالسوالف
فقررنا ان نسوي مثل
دبي ونطلق العاب ناريه من أحد اليواخير الجميله والكائن في منطقة كبد يعني نشب
جراغيات اهو اخلص فدورنا أي احد يبيع ولقينا عيال الحلال وايد ماشاءالله بس عاد انت
وحظك اما تكون الجراغيات شغل عدل والا اقنع بالامر الواقع اللي عندك وقص على نفسك
انه جراغياتك احلى جراغيات بالدنيا العالميه
فخلونا نشوف حظنا ومحاولاتنا في اطلاق الالعاب الناريه فكان احد الاشخاص الطيبين هو المتبرع في اطلاقها
عدل عدل ياشبّاب
الجراغيات 
انزين مطول وانت
قاعد يمها ؟؟ 
انحشششش
يالله يالطيب متى تطلع ؟؟؟
وشششششششش <===== مؤثر صوتي يدل على اطلاق الصاروخ
المحاوله الأولى بائت بالفشل ولله الحمد
خنشوف المحاوله الثانيه ,,,,,
وليـــــه شهالجراغيات السكّه
وهذي قاعدة اطلاق الصواريخ البلاستيكيه المكونه من بطول ماي صحه ادفن شوي منها بالرمل وتوكل على الله
هالصاروخ قام يوزع نيرانه بكل صوب
ايضا فشلت المحاوله وعدت عملية اطلاق الجراغيات على خير ولله الحمد
بس عندي ملاحظه ,, عملية اطلاق الالعاب الناريه خطره جدا ولله الحمد عدت على خير لكن في شغلات الواحد لازم يحتاط منها وان مايخلي الصغار اهم اللي يتكفلون بهالشغله لعدم درايتهم فيها فممكن يلف الصاروخ على الموجودين فاصابته خطره جدا فلو تطلقون هالصواريخ في اماكن بعيده جدا وان تتثبتون من قاعدة اطلال الصاروخ وتكون ثابته جدا وياليت ايضا الجهات المسؤوله والقطاع الخاص يسوون مثل هالاحتفالات عشان يبعدون الناس عن مثل هالامور الشخصيه وتكون تحت مراقبة الدفاع المدني والمطافي والاسعاف افضل وشكرا ومع السلامه