السلام عليكم ورحمة الله وبركاته
شفنا الجزء الأول من رحلة الذهاب الى باريس ... شرايكم اليوم نكمل فرارتنا وجولاتنا من باريس ونروح حق برج ايفيل ؟؟
فتوكلوا على الله وطلبوا تاكسي وقولوله يوديكم برج ايفيل .. عاد الله يعينكم على اصحاب التكاسي ياكثر الدعل اللي فيهم .. تلاقيه يعني دمه خفيف ويقعد ينكت عليك بالفرنسي وانت مالك الا كاهاهاهاها يعني فاهم واخرتها ماتدري شنو يقول ... فاحسن طريقه ماكو الا تبتسم وتقوله وي وي وي وانت تضحك يعني أي أي أي
المهم جنه وصلنا ... هذا منظر لبرج ايفيل من فوق احد الجسور
خلونا نقرب شوي بعد ونسوي زوووم على احد طوابق البرج
يالله هذا احنا الحين وصلنا للبرج
ياسلام على هالبرج صغير ها
المهم خلونا الحين نصف دور واندش البرج ... طبعا اسعار تذاكر البرج لأعلى قمه في البرج هي 11 يورو
ماعليكم صج الطابور طويل بس يخلص بسرعه ... التنظيم التنظيم يايبا ^_^
ونشوف الاصنصير اللي راح يودينا لي فوق
انا اول مره اشوف اصنصير يصعد على جنب ... يعني على كتر مو سيده لي فوق لأ على جنب
وصعدنا الاصنصير ... ههههههه ماشاءالله اشكبر الاصنصير اتقول صالة أفراح من كبره
ونزلنا من الاصنصير عشان هم نركب اصنصير ثاني عشان يودينا فوووووق
هههه هذيل اشفيهم يطلون من هني ؟؟
خلونا الحين نشوف بعض من شواهد باريس من خلال الطابق الاول في البرج
هذا منظر للبرج من الطابق السفلي
وهذيل بعض الاوادم اللي في البرج يطلون فوق وتحت
وهذي احدى السفن اللي تاخذك في جولة في نهر السين ان شاءالله راح نقوم في رحله في احدى هذه السفن في الاجزاء القادمه بأذن الله تعالى ^_^
وهذا منظر لقصر الباسليك من فوق البرج
وهذا منظر للجهة الأخرى
المهم عاد في البرج اكو المناظير
اللي يشوفون معالم باريس من خلالها ... فأنا قلت خل اشوف من داخل هذه المناظير
واشوف الزوم مالهم شلون صاير
هذا اهو المنظار
يالله تعالوا حطوا اعيونكم وشوفوا من داخل المنظار ^_^
هههههه هذي لقطه من كاميرتي من خلال عدسة المنظار
ها اشرايكم في الناس الموجودين في المنظار ؟؟ قريبين ها ؟؟
تبون تعرفون وين في قاعدين هالاوادم اللي شفتوهم ؟؟
هني
يالله عاد الحين خلونا نصعد لي آخر طابق في البرج ونشوف شكو ماكو فوق
جان نوصل
هذا منظر عام
وهذا قصر مادري منو
وهذا ملعب تحت البرج صاير ويبين نهر السين يمه
وهذا واحد من الشباب الطيبين من
اعلى قمه في البرج
وهذا قوس النصر ... ميدان جارلز ديجول
وهذا مادري شنو
عاد خلصنا الحين من البرج خل ننزل تحت وننطر الاصنصير اللي بينزلنا
احم احم
عاد في ظل نطرتك اللي ماراح تطول كثير طالع شوي على يمينك فوق وراح تشوف هالاعلام اللي تبين لك المسافه بين كل دولة بالعالم وبرج ايفيل
وهذا علم دولة الكويت فديته والله
يالله خل ننزل خلاص
خل نحوس شويه تحت البرج في الحدايق اللي حوالين البرج
صوره للبرج من تحته ... بل عليه يكسر الرقبه وانت تطالع اي آخر البرج ... يالله تعالوا نحوس بعد
صوروا صوروا اخذوا راحتكم يبا
مادري ليش لما شفته تذكرت تايتنك
يالله خل نعبر لي الصوب الثاني من الشارع المقابل للبرج ونروح صوب .. دار الأوبرا يقولون خوش مكان حق التصوير هناك ^_^
احترام كامل للشارع ... انزين الشارع فاضي طوفوا ... لأ واقفين .. عاد شتسوي تنطر لين اتشب الاشاره المخصصه لسير الأوادم .. في هاللحظه هالله هالله بالآيس كريم .. والا اقعد جكجك والا طيحله حش بينك وبين اللي معاك لين تقزر السالفه
مايخلصون من سوالفهم هاليابانيين ... لازم حركات واكشنات في التصوير
جان نوصل للمكان اللي نبي انصور منه ... يالله خلكم مع الصور
يحليلكم وانتوا تخلوني اصوركم ...
ديروا بالكم بس لاتطيحون وراكم ترى مو شي
هني بدت اترشرش علينا السما بقطرات قليله من المطر
وصار الليل ... وكانت عقارب الساعه تشير الى الـ 11 ونص جان اتغيب الشمس
وينتهي يوم من ايام باريس الجميله ... وانروح لشقتنا عشان نحط روسنا ونعطيها النومه السنعه عشان ورانا باجر فراره بعد^_^ يالله سي يو
تصوير وتعليق دندرن HaMaD