السلام عليكم ورحمة الله وبركاته
في احد الايام كنت قاعد اتصفح احدى الصحف اللي تهتم في الاعلانات ماكو شغل مليت من اخبار الجرايد المكرره كلها نفس الشي شكلهم قاموا يسوون نفس الكمبيوترات كوبي وبيست نفس الاخبار بالضبط قلت هالمره بغير يمكن الاقي شي يفيدني مني مناك في هالجريده الاعلانيه فطاحت عليني على جم اعلان وقلت لازم وحتما تشوفون بعض هالاعلانات نبلش في اول اعلان ونشوف اشيبي بالضبط
اهم مافي الموضوع انه حل الصلع بدون دواء وبدون علاج ليش شتسوون بالواحد ؟؟ اتخلون صلعته يطقها الهوى عشان تنتعش البصيلات والا شنو بالضبط ؟؟
يبا مالكم الا هالحل حق الصلع غيره
ماكو 
ضغطوا هني وتعرفون حل الصلع شنو
نروح حق اعلان ثاني
ساعة المرجانه يعني ترى ماركه ها .... خو اقصاها تقليد حالها حال ملوت تايلند اللي هابين فيها العالم اييبونهم من تايلند بخمس دنانير ويكشخ فيها يعني ترى ماركه لا وكل شوي مطلعها من تحت القميص والا الدشداشه او البدله يعني شوفوها والمشكله العالم يدرون انها تقليد بس يمشون السالفه ... طبعا ما اتكلم عن الكل اتكلم عن البعض ... عاد هالمره قالوا لا مانبي نسوي نفس الماركات العالميه قالوا نطلع بفنتك يديد وماركه يديده وهي المرجانه
ذكروني بفرقة المرجانه مادري شصار عليهم
نروح حق الاعلان هذا واللي شدني
بصراحه اهو الصوره اللي عليها دائره ... يقولك لعبة تصلي وتقرأ القرآن
وصلنا لي جذي عشان بس انسوق
البضاعه في اي طريقه حتى لو كانت على حساب الدين ؟؟
يعني الواحد اللي بيعلم ولده والا بنته الصلاة والقرآن ينطر هاللعبه عشان يعلمهم ؟؟ استغفر الله
يبا يوديهم دور القرآن يعلمهم الصلاة بشكلها الصحيح والسليم مو يشتري لعبه يعلم عياله فيها
في قارئين للقرآن ماشاءالله عليهم اصواتهم جميله يشتريلهم اشرطه يسمعونها مو لعبه الله يهديكم
يبا المدارس اتعلمهم كل هذا بس انتوا استريحوا شوي
نروح لإعلان آخر
وراك وراك وراك وين ماتروح
الكاديلاك وراك ياللي ببالي
شكله بيطلع لك بالحلم بعد
شوف اخرتها سيارتك بتصير كاديلاك
والسبه هالسوالف عاد
اوله يالشماته ياسعد خصوصا من اللي في البحرين يدرس هناك
انزين ليش مايسوون على شعار المرسيدس مثلا او اي شعار سياره ثانيه اشمعنى كاديلاك ؟؟
المفروض وكيل الكاديلاك بالكويت ياخذ عليهم عموله
نروح حق الكلام اللي يم سالفة
الكاديلاك ... الخام علينا وكل شي علينا ... انزين كل شي عليكم اكيد ؟؟
ما اظن الصراحه
يالله الحين يه دور الصبغ والصباغين
هذا السؤال اللي محيرني ليش حاطين صورهم واهمه صباغين ؟؟ اشمعنى اهمه اللي حاطين صورهم ؟؟
شنو الحكمه ؟؟ هل هو اثبات انه الشخص اللي بيصبغ اهو اللي بالاعلان منعا للغش مثلا ؟؟ انزين ليش كلهم ملتحين بعد ؟؟
خابر المطاوعه مايصورون هذيل شسالفتهم ؟؟ اللي عنده خبر يقولنا جزاكم الله خير وله منا جزيل الشكر
نروح حق اعلان أرف في أرف
ليش تارس الاعلان كله زهيويه يخرب بيت اعدائك السكّه ... مستانس الحبيب تارس الاعلان 6 زهيويه وفار لا وبعد باحجام مختلفه الزهيويه
عاد الحين اخذ لوعة جبد من الجنس
الناعم لما يشوفون هالإعلان يااااااااااااااااااو الله يعينكم الصراحه
بس المفروض يحط صورة زهيوي مفغوص
وطالعه مصارينه عشان يبين للمشاهدين انه بالفعل قضى عليهم نهائيا
نروح لآخر اعلان في حلقتنا الليله
صاحب الاعلان هذا شكله فصل على
اعياله الصغار وزعل منهم وقالك والله لاحرمكم من الدوارف وعرضهم للبيع
حلاتها محد يشتريهم عشان يطيحون
بجبده
واشوفكم ان شاءالله في حلقات اخرى من اعلاناتنا اللي في جرايدنا