سلامون عليكومو ... عساكم بخير ياويوه الخير ... زينين ان شاءالله ... الحمدالله والشكر لله
في ذيج المره من رحلة دبي شفنا لحظة وصولنا وتسوقنا في بعض المجمعات والاكواريوم من اتلانتس وسكي دبي وآمل وكلي أمل بأن تكونوا قد استمتعتوا في الجزء اللي طاف واذا تبون تشوفونه او طافكم مالكم الا تطقون هنـــي وتتابعون الجزء الأولاني ونكمل معاكم اليوم الجزء الثاني من رحلة دبي الحلوه ... سلمكم الله بتكون الرحله كلها مائيه يعني ترجـّخ ابـ ترجـّخ وحق مكانين الأول اكوابارك مال اتلانتس والثاني وايلد وادي اللي يم برج العرب ... يالله جو
هني بداية الدخول لمدينة الالعاب المائيه في اتلانتس
يحليلهم المنقذين واحد يضحك والثاني امنفّس ... فلها يالطيب شوي اضحك للدنيا تضحكلك
وبداية مع النهر الثائر ... هذا
سلمكم الله نهر شوي طويل يصعد وينزل فيك في امواج على داير مدار المدينه المائيه
... خوش نهر ونيس يريح الاعصاب
ونشوف هالطيب مع ابنه في وسط النهر الثائر مستانسين على عكس الشيبه اللي بتشوفونه في الصوره التاليه
هالشيبه .. معاه هالبطل مادري اهو بيره مادري شفيه .. وطول النهر يصارخ بروحه ومعصب على نفسه وطايحله لك لين خلصه وشكله يعبي من هالماي اللي بالنهر ويلك مره ثانيه لين انتفخ بطنه
واخر شي لما شافنا نصوره يخرب بيته
حذفنا بالبطل 
بس
الحمدالله ماحاشنا ياعلك شقول الحين مابي ادعي عليك بروحه حالتك النفسيه مو مضبوطه
ماله داعي بعد خلها بينك وبين نفسك
دامك مو قد النهر الثائر ولاقد
الشرب لاتلعب لعبوا عليك 14 محشش من ملوت البلاك بيري ... بالمناسبه ترى شلختونا
بالنكت المليقه عن المحششين في البلاك بيري
خفوا شوي واللي يعافيكم
نروح لأحد الاحواض المطله على النهر
الثائر ... ونشوف التجمعات الطيبه اللي هناك ودندرن لعيونكم
الحين بنشوف لعبه ... قصتها كالتالي ... اكو بطل يصعد للقمه ... ويقول انا بطل ويصرخ وينزل من فوووووق ويدش بنفق ويطلع الصوب الثاني
من فوق ينط في هالممر اللي بالنص يتزحلق ...ويدش تحت الماي نفس قبل غرندايزر الطريق رقم 5 ماكو ؟؟؟
وبعدين يطلع مني لبرهه بسيطه بعدين
ينحذف مناك الصوب الثاني في وسط بحيره والعالم يتطمشون عليه
عاد كل واحد وتعابير
ويهه لما يطلع يامنصفق ويهه ياعيونه مبققه من الخرعه
فكل واحد يلتزم الصمت بينه وبين نفسه عشان لايصير فرجه للكل ويبتدي الضحك
ياجامد
بدت علامات الخوف تبين عليه لما قرب
يدش بالنفق 
اشررررررررررررررب ... نشوفك بعدين ان شاءالله
يالله صوره للذكرى ... مسيجين محد يصوره من فوق
فندق اتلانتس مناااااك يطل على الاكوابارك
اكو لعبه جميله بعد .. هم تنط من
فوق على تيوب طبعا اكثر شي اتنط نادر جدا ماتسبح عالراحه لازم اتنط وتترجـّخ
هاللعبه ياطويلين العمر اخر شي قبل لاتطلع من الممر المائي المظلم اللي بتمر فيه
اتمر من بين السمك
وتسولف معاهم
بززززز طبعا ... لاحظوا
الاطفال الاقوياء يتمشون بين الاسماك ويأشرون ويسولفون مع السمك
ويسلمون عليكم ومبسوطين
وصاحبنا مستانس بعد .. ليش انه مر
بين السمج وضرب صحبه معاهم
الله ... مبردات طبيعيه ياجماعه اتبرد عليك حرارة الجو
ولعبه جديده
يالله خلنا نروح يم نجمه وقمر
بالدور بالدور ياناس
ممر ميت محد يمر فيه ... مقزرينها مشي الجماعه
وعاش المنقذ واشوفكم في وايلد وادي الحين وهي المدينه المائيه الثانيه اللي يم برج العرب
هذي لعبة عكس التيار
اشسالفتها ؟؟ سالفتها
ينومونك على زلاقيه ويهدك هالحبيب اللي ماسكك عكس الماي اللي يايلك مندفع ونشوفك لي
متى تتحمل ... اعتقد وعلى ماظن يعطونك دقيقه ونص اذا استمريت بالصمود فانت البطل
بس الغالبيه مايقدرون يصمدون وخنشوف صاحبنا اللي تهور وقال بيجرب حظه ونشوف جم طوّل فيها
بداية المواجهه وصاحبنا متشنّج داش
بقوه الحبيب وانا جدامه
واشجعه 
ومع أول ضربة ماي قويه ... نشوف شصار برفيجنا
أوووه قام يخر صاحبنا
ماعليه استحمل يالحبيب
خلك عكس التيار توه ماصارلك خمس ثواني يامعود
تعال يالطيب وين رايح ... من الضربه
الثانيه ودّع اللعبه والأهم
من هذا انه مبسوط بالخساره حلوه الروح الرياضيه ان شاءالله في يوم من الايام اشوفك
فايز
ليش هالزحمه واحد واحد مايصير يعني ؟؟
بسم الله هذا من وين طمر
جسر معلق بحبال
الحوض الواسع
السطل الرشاش
وهالحبايب فصلوا الا يقعدون تحت هالماي واهوه ينزل عليهم والشاب اللطيف اللي جدامهم يصورهم
فديت تراجيج
ربع جنكيز خان
الحين مع هاللعبه القشره ... تكون
ماشي بالهواء الطلق طول هالمسافه وماحولك شي الا نص متر ماسكك من اليمين واليسار
يعطي التعليمات حق صاحبنا ... يقوله اخوي ماعليك امر جتّف ايدينك جذي وصك ريولك على بعض وانزل بالسلامه ولاعاد اشوفك مره ثانيه يايلي
عاد صاحبنا وايد يسمع الحجي ... لكن
من سرعة النزول شوي ريوله قامت اتحوص يمين ويسار ولاحظوا على الجوانب ماكو الا
تقريبا نص متر يعني تخيل نفسك نازل بسرعه وانت خفيف الجسم رشيق القوام واتهفّك
هبـّة ريح شوي قويه والا مطيرتك من فوق
عاد تعال فجج وقتها بعمرك
زيـــن وصل رفيجنا بالسلامه ... عاد
يقولك على هاللعبه لازم شورت طويل لأنك اخر شي على نزلتك بتطب بخبرة ماي قويه
...... فتحذروا جيدا من هذا الأمر ولاتلبسون قصير
وفمان الله دبي سيتي لي زياره ثانيه لج ان شاءالله اذا الله احيانا ومع السلامه جميعا