مجمع المارينا مول

مساء الخير وصباح الخير كل واحد بوقته ... شلونكم ان شاءالله طيبين ؟؟؟

خلصنا مثل ماتعرفون من ايام من مجمعات الكويت الجزء الاول والثاني ... وماتكلمنا عن المارينا مول ... هذا المجمع انا قلت بخليه بروحه لأنه لو بنتكلم عنه يبيلنا اربع ايام واحنا نسولف عنه ....  المهم خل نتكلم شويه جد عن مجمع المارينا مول وعلى ماذا يحتوي ومن ثم انروح نسولف شويه عن اللي يصير في المارينا

طبعا يحتوي المجمع على عدة محلات ... منها نيكست.. بودي شوب .. ومحل مال ديكور ومادري شنو ... وفافافوم هذا مال ميك اب وعطورات ... فيرجن وغيس وفرينش كوليكشن  ويحتوي المجمع على مطاعم بالدور الثاني ... ويحتوي على دور سينما بعد ... ويحتوي ايضا هالمجمع على كافيهات ووتر ليمون ستاربكس ولونوتر وريشو ... نظام المجمع حلو الصراحه .. دائري يعني اللي بيتسوق يدش من مكان على ماتطق فره والا واصل حق نفس المكان اللي دشت منه

هذا منظر خارجي للمارينا مول ... والفتحات اللي تحت هذي مواقف المجمع ...