مع بعض موتروحون بذاك الراي انه واحد ووحده لأ ماقلنا جذي … ^_^

وتقعد عاد تتفرفر من قهوه لقهوه تبي تقعد …. خو قبل ماكو الا ستار بكس والا كوستا العالم طق مطاقق عليهم … بس الحين لا ماشاءالله كل يوم طالعين لنا بقهوه يديده مره لونوتر حتى لونوتر صار قهوه … اي يقولك مع الخيل يالشقرا … شاف شغلهم ماشي قال يالله واحنا بعد وياهم .. سيكوند كوفي ووتر ليمون … بربريس خرابيس مادري شنو اساميهم … انا ماعلي من الاسم ادش واقعد واطلب وانا اللي ماشي خو شبي بالاسم بعد؟؟

عاد الحين تعالوا نشوف بعض الشغلات الزينه والشينه اللي تصير في هالقهاوي

منظر عام لمارينا كريسنت في الليل .. وهذا المكان يشتمل على عدة قهاوي والقعده فيه حلوه الصراحه .. يعني حط ريل على ريل واقعد تطمش ورايحين ورادين وسوالف ووناسه ومخازز ليما الراس من فوق لي تحت

اتيي الحين تقعد في امان الله واييلك الجرسون يبي يشوف شنو تبي ماتبي … عاد حلاتها الواحد يتوهق ويبي يسوي نفسه كول واهوه مو عارف شنو اكو من طلبات ويقعد يلف ويدور على الجرسون قولي شنو عندك ماعندك .. انا اليوم ودي اغير من اللي اطلبه كل مره فقولي شنو عندك؟؟ واهوه مو عارف شنو اكو من الاساس … واخرتها طالب جاااااااااااي عطوا الولد جااااااااااااي يبي جاااااااااااي

وانت الحين في خضّم هالحوسه واللويه  ومتوهق الحبيب .. اتطالع مناك والا تطيح عينك على هالمنتج الموكويتي

واااااااااااااو شي مو طبيعي عاد انت الحين اتصير اسكت الفلته الخطير اللي عارف كل شي بالقهوه وتقوله اوكي عطني واحد كينيا … اقول استريييييييييييييح بس … انزين تبيها بارده والا حاره ؟؟  حق التوهق زاهبين

المهم الحين انخلص من الطلبات ونشوف بعد شنو يصير ؟؟؟

تقعد في امان الله … مالك شغل في احد واتلف راسك والا تشوف ذاك اللي قاعد يفرفر بالكرسي ماله … يايمين يايسار شوي والا يبي يلزق بالطاوله اللي يمه … والا منو في الطاوله اللي يمه ؟؟ بنات … ويقعد يسبل عيونه ومكاسر مع هالبنات اتقول هوشة قطاوه … لين ماينزف زفه مو طبيعيه وآخر شي يسوي روحه مظلوم ويقول ماطالعت انا … ياعيني على البراءه

لا وتلاقيه مطنش برفيجه موداري عن هوى دار ام رفيجه وفار الكرسي كله صوب البنات ويقولك ماطالعت

ويطلع لك واحد حده قويييييييييي من أمه قوي حييييييييييييييل وعسى مايشوف وحده حلوه ومو معطيته ويه ويبي يتحرش فيها موقادر والسبب بسيط انه وياها امها … ولو انه في شباب عادي عندهم اويووهم مغسوله ابـ مرق هم يتحرشون بس تلاقي هذا خايف من شي مني مناك … فشنو يسوي هالاخ ؟؟ تلاقيه يقوم من كرسيه ويروح حق أم البنيه ويقولها بكل وقـ ….. خالتي جم رقم بيتكم عشان انزوركم انا مع أمي نبي نخطب بنتج هههههههههههههههه اشفييييييييييييييييه القوي حده .. عاد والا شنو تلاقي ماكو لاتوافق فكري ولاشكلي ولا عاداتي ولاشسمه ولاشسمه ابد ابد ابد ابد ابنوب ابنوب  … واتلاقي الام اتزف فيه واتهزأه واتمصخر فيه وماكو فايده … سبق وان قلنا اوييوهم مغسوله ابـ مرق فماتفرق معاه كلش

انخلص من هالنوعيه وانشوف نوعيه ثانيه

واتشوف الفلته الخطير البيزنس مان اللي راز هاللاب توب جدامه على الطاوله وقاعد يطقطق فيه … انت هني تستانس اتقول الله الحمدالله التطور شوفوا لي وين وصل … يعني الاخ هذا ابو لاب توب الحين يبي يخلص مهمه خطيره في هاللحظه القاتله اللي اهوه قاعد فيها بالقهوه .. او انه حوّل ست ملايين دولار او ربح مليون دولار مع جورج ابن قرداحي ياسلااااااااااام على التطور اللي احنا فيه ياناس بس بس موقادر تكفى التطور وصل حده ………………….. واخر شي لما تطل بجهازه والا شنو تشوف ؟؟ ياقاعد يلعب جنجفه .. او امشغل السكرين سيفر … لا واذا ذبح عمره فتح الماسنجر وطاح له جاتينغ … انزين شنو هالاوادم اللي موقادر تستغني عنهم بالماسنجر شوي ؟؟ بعدين لحظه لحظه … الحين في تطور يديد تقدر تشبك عالماسنجر من الموبايل اشماله هالعباله وشايل لاب توبك وحاطه تحت ابطك ونوطك بو الفك معاك رايح قهوتك شاري خضرتك راد بيتكم ؟؟

خلونا الحين انشوف نوعيه ثانيه بعد وهذي منتشره بس بالقهاوي واتصير مرات عند الاشاره او انت قاعد تتمشى بالممشى مثلا اتصير بس غالبيتها بالقهاوي … وهي البلوتوث … والله اعرف ناس وايد الصراحه يشترون تلفونات فيها بلوتوث بس عشان يقعدون بالقهاوي وهات يابلوتوث

وتلاقيهم اثنين رايحين القهوه واحد عنده بلوتوث والثاني مسكين ماعنده … عاد اتلاقي ابو بلوتوث امجندس وامدنّق الراس بالموبايل وطايح له بو الشباب سيرج وسيند.. بحث وارسال .. وعسى ماشاف نك بنيه طالع عنده الا على طول سيند … اول شي صوره اتضحك .. ثاني صوره ميس يو … شدعوه عليك عاد اشهالشوق اللي من ثاني صوره بو الشباب … بعدها عاد يعطيك القاتله والا داز فلم خلاعي … بييييييه اشهالميانه يالحبيب ويلحقها على طول بكلمة هاي ممكن نتعرف ؟؟ لووووووووول

عقبها عاد لايمكن ارسال البيانات لوووووووووووووووووول والا امسكره البنيه البلوتوث مالها ومات قهر المسكين وماهو عارف حق منو قاعد يطرش … وحلاتها يطلع الطرف الثاني صبي وحاط نك بنيه عشان يستقبل ملفات هههههههههههه

 (1/ صفر)

بعدين تعالوا هم انتوا يابنات عليكم نكات مادري شلون صايره الصراحه اتخلون الشباب مساكين مايدررون منو طقاقهم من هالنكات يعتفسون فوق تحت … اللي حاطه المزيونه والا حدي حلوه .. والا  أم …. مادري شنو .. .. .. .. نقط نقط ممنوع من العرض طووط طووط رقابه هههههههههههه 

عاد وفي وسط هاللويه تلاقي رفيجه المسكين اللي ماعنده بلوتوث حاط ايده على خده والا متمغط ويطالع بالرايح والراد

 ويطلع لك من بين هالعفسه اللي تشوفه يتنطط بين الطاولات والكراسي … طبعا هذا اللي يتنطط جذي عنده اكثر من هدف من التنطط ماله

1 – ماكو شغل ولاهدف بس جذي يعني شوفوني

2 – يفتر في الاماكن اللي تكون فيها البنات اكثر شي قاعدين .. عشان يقعد يطالع شغلات مايقدر يشوفها من بعيد ^_^ حلاتها عاد جذي وحده بالغلط اتدز الكرسي بويهه جنها ماتدري والا واحد يعرجب له

3 – يقعد يوزع رقمه المكتوب على قطع من كرتون الكلينكس اللي موجود بسيارته … شاخباري للحين اكو ناس يكتبون ارقام على ورق ؟؟ واخرتها هم بعد مزفوف والا مطقوق  

ولااتييك القهاوي دورين فوق بعض بييييييييه عاد شيفككم من الفضوليين اللي يطلطلون من فوق على اللي تحت تلاقي الاخ ناسي قهوته اللي ياي يشربها او اكله اللي جدامه وامسكّب حق رفيجه اللي معاه وطايح له تطلطل على اللي تحته … خو قالوا النظره الاولى مو تقعد سنتين تطالع ماتشيل عيونك الا لما يروحون الاوادم اللي قاعدين تحت

بس فوق هذا كله لاوالله حشا اتلاقي ناس وشباب محترمين شحليلهم قاعدين مالهم شغل في خلق الله بس يسولفون ويطالعون .. بس حده يطالع المسكين مايسوي شي ^_^ .. اهوه المكان للراحه والاسترخاء وتغيير جو وتغيير الروتين اللي ملوا منه الناس ماقالوا حق الخز والخمبقه

بس يالله اصابعك مو سوى … وسويره راحت البر بتييب العيش الاحمر .. انزين ليش طاقه درب ورايحه البر عشان اتييب عيش .. شنو ماكو بالجمعيه يعني ؟؟ وبعدين شنو هالعيش الاحمر هذا مصبوغ ابكركم ؟؟

ماعلينا الحين خلونا نشوف بعض القهاوي في بعض ارجاء المعموره

هني هذا بالمارينا كريسنت انا يعجبني هالمكان لأنه يطل على البحر حيث الهواء الجميل والنسيم العليل

ستار فكس شارع سالم المبارك … مادري ليش كله سياكل يصفطون عنده  وكله زحمه ماشاءالله 

طبعا ماشاءالله ستار فكس بكل داعوس تلاقيه يعني قاعد يختار اماكن مادري ليش فاتح فيها … حتى بفريج امبطل مثل ماراح تشوفون الحين

هذا ورى ليلى جاليري جدامه فريج بالضبط .. مادري يمكن امبطل عشان الفريج او شي 

لا ومافيه الا ثلاث طاولات … ماعليه انروح نشوف غيره

ستار العديليه … زحمه يادنيا زحمه زحمه وتاهوا الحبايب … اي مايشوفون شر خل ياخذون راحتهم خو ليش لاحقهم بعد ؟؟

هذا بالقرب من جمعيه العديليه التعاونيه … هذا من اكثر الكافيهات اللي عليهم لوووود … طبعا اكتشفت السر وسبب الضغط على هالمكان

لا وتلاقي اصحاب السيارات الكشخه زحمه عند باب الكوفي كل واحد يبي يصفط جدام الباب عشان يوري الناس انه هذي سيارته ويصير مهاوش ونطره توصل الى نص ساعه الواحد يقعد بالسياره ماينزل عشان بس شنو ؟؟ ينظر احد يحرك من جدام الباب عشان يصفط ^_^

انروح ونشوف غيره

كاسرين خاطري ليش قاعدين بروحكم ؟؟؟ 

وسلامتكم ونشوفكم ان شاءالله بعدين

هذي كانت جولتنا على بعض القهاوي في الكويت وسامحونا على القصور والفلل والبيوت

العوده للصفحه الرئيسيه